• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

İran Azərbaycanda diplomatların sayını niyə artırır? - Şərh

  • Nida.az
  • 31 Mart 2012 11:44
  • 141 Baxış
İran Azərbaycanda diplomatların sayını niyə artırır? - Şərh

"Azərbaycandakı İran diplomatlarının sayının çox olması və davamlı şəkildə artırılması maraq və müstəqilliyimizin Tehranda doğurduğu narahatlıqla bağlıdır".


Bu fikri Publika.Az-a açıqlamasında “Şərq-Qərb” Araşdırmalar Mərkəzinin rəhbəri, politoloq Ərəstun Oruclu bildirib:

"Azərbaycan İran üçün önəmli bir ölkədir. İranın əhalisinin mühüm hissəsi azərbaycanlılardan ibarətdir və onların milli-mədəni hüquqları belə lazımi şəkildə təmin olunmur, muxtariyyət yoxdur. İran Azərbaycan Respublikasının müstəqilliyinin ilk günlərindən dövlətimizə maraq göstərir. Bu da çox təbiidir. Amma təəssüf ki, həmin maraqlar pozitiv mənada deyil".

O qeyd edib ki, Azərbaycanın Qərblə enerji, təhlükəsizlik və siyasi-iqtisadi sahələrdəki əməkdaşlığı da İranı narahat etməyə bilməz.

Buna görə də, İran var gücü ilə Azərbaycana təsirini artırmaq və ümumilikdə regiondakı imkanlarını genişləndirmək məqsədi güdür:

"Məncə, burada təkcə diplomatların sayından söhbət getməməlidir. Bizim mərkəzdə olan məlumata görə, Azərbaycanda 30-a yaxın İran təşkilatı qeydiyyatdadır və böyük əksəriyyəti müstəqil və qeyri-hökumət təşkilatı olan bu qurumlar İranın siyasətinə xidmət göstərir, onun maraqlarını təbliğ və müdafiə edir. Diplomat sayı o qədər də önəmli deyil. Diplomat daha çox diqqət mərkəzində olan şəxsdir".

Rüfət Əhmədzadə
Publika.Az

Xəbər lenti

DAHA ÇOX XƏBƏR