Nida.az
Çingiz Qənizadə: “Bu, dövlətə təzyiq göstərmək üçün əsas vermir“
Deputatın mətbuat xidmətindən Publika.Az-a verilən məlumata görə, eyni zamanda İmişli rayonunda son günlər ayrı-ayrı vətəndaşların adından mətbuata ötürülən bəzi qərəzli informasiyaların aydınlaşdırılması üçün rəsmi və qeyri-rəsmi şəxslərlə də görüşlər keçirib.
Çingiz Qənizadə yuxarıda qeyd edilən məsələ ilə bağlı öz
fikirlərini bildirdi:
"Həqiqətən də İmişli rayonu 2010-cu ildə baş vermiş təbii
fəlakətdən zərər çəkmiş rayonlardan biridir. AR Nazirlər
Kabinetinin 09.07.2010 tarixli 197 saylı qərarında Kür və Araz
çaylarının daşması nəticəsində baş vermiş təbii fəlakət, habelə
Araz çayının yeni qolunun açılması nəticəsində vətəndaşlara dəyən
zərərin aradan qaldırılması ilə bağlı bu günə qədər 809 yeni evlər
tikilərək vətəndaşların istifadəsinə verilib. Onlardan 702-i uçmuş
və ya qəzalı evlərin əvəzinə, 104-ü yeni salınmış qəsəbədə, 3-ü isə
Araz çayının yeni qolunun məcarasında yerləşən evlərin köçürülməsi
ilə əlaqədar tikilmişdir. Hazırda 100-ə yaxın evin tikintisi davam
etdirilir/".
O qeyd edib ki, 20 evin bərpa-gücləndirmə işləri başa çatıb, 202
evin isə bərpa-gücləndirmə işləri nəzərdə tutulub:
"Bundan başqa əkin və ya həyətyanı sahələrə, daşınan əmlaka dəymiş
zərərə görə 1929 ailə maddi yardım almışdır. Həmçinin 2010-cu ilin
may ayından bu günədək evinə və ya əmlakına, əkin və ya həyətyanı
sahəsinə dəymiş zərərə görə vətəndaşlara maddi yardımdan əlavə
1milyon 425 min manatlıq əlavə kompensasiya verilib".
Qeyd edim ki, evlərin tikintisi və kompensasiyaların verilməsi
yerli icra orqanları vasitəsi ilə deyil, birbaşa Fövqəladə Hallar
Nazirliyinin müvafiq komissiyası tərəfindən həyata keçirilir.
Son günlər mətbuatda 4-5 nəfərin yeni ev tikilməsi tələbi llə guya
aclıq aksiyaları keçirməkləri ilə bağlı bəzi maraqlı şəxslər
tərəfindən mətbuata ötürülmüş informasiyalar qərəzlidir. Bir neçə
faktı qeyd etmək istəyirəm. Məsələn, etiraz edənlərdən Cəfərov
Yadigar - Çaxırlı kənd, Nəsirov Zaman - Gövhərli kənd, Hümmətov
Əjdər - Murğuzallı kənd, Babaşov Məhyəddin - Rəsullu kənd, Şahbazov
Elman - İmişli şəhər, Həmidov Qulam - Məzrəli kənd sakinləridirlər.
Qeyd edim ki, bu kəndlərin heç biri Kür Və Araz çaylarının
sahillərində yerləşmir və məlum sərəncamın təsiri altına düşmür.
Mən onların bəzilərinin evlərinin fotoşəkillərinə də baxdım.
Təxminən 40-50 il bundan əvvəl çiy kərpicdən tikilmiş bu evlər
yağış və qrunt sularından müəyyən zədələrə məruz qalmışlar. Mən
onların istəklərinə, yeni evə sahib olmaq arzularına hörmətlə
yanaşıram. Lakin bu heç kimə əsas vermir ki, dövlətə təzyiq
göstərməklə yeni evə sahib olmaq arzusuna düşsünlər.
Və yaxud da başqa bir misal çəkim. Haqsız şikayətçilərdən biri,
Ağammədli kənd sakini ağsaqqal Əsəd Xəlilov Ağammədli kənd icra
nümayəndəsi tərəfindəın şərəf və ləyaqətin qorunması ilə bağlı
məhkəməyə verilmişdir. Bu məsələ ilə bağlı yerli və icra
hakimiyyətlərinin əleyhinə mətbuata nə qədər qərəzli informasiyalar
getdi. Nəhayət səhv etmirəmsə belə bir başlıqda məlumat verildi ki,
"Vətəndaş icra hakimiyyətini məhkəmədə uddu".
Əslində nə baş vermişdi? Həmin Əsəd Xəlilov məhkəmədə bir daha kənd
icra nümayəndəsi haqqında böhtan və qərəzli məlumatlar
yaymayacağını bildirməklə yazılı barışıq sazişi imzalayır. Digər
tərəfi isə iddiadan imtina edir".
Onun sözlərinə görə, əslində vətəndaş səhv hərəkət etdiyini və
uduzduğunu bilərək saziş imzalamağı təklif etdiyi halda maraqlı
şəxslər bu informasiyanı mətbuata olduğu kimi ötürmədilər:
"Mən çox təəssüf edirəm ki, həmin məhkəmədə QHT-çi, "Kür" vətəndaş
cəmiyyətinin sədri Oqtay Güləliyevin və ATƏT-in regional
nümayəndələrinin iştirak etməsinə baxmayaraq, O.Güləliyev mətbuata
həqiqəti demək əvəzinə susmağa üstünlük verib. Rayonda mənə
bildirildi ki, əslən İmişlidən olan Oqtay Güləliyev əslində Kür və
Araz çayının daşması ilə əlaqədar olmayan, lakin yağış və qrunt
sularından evləri zədələnmiş insanları şirnikləndirməklə onlara
yeni ev tikdirmək vədi ilə vətəndaşları aldadır və bu cür haqsız
narazılıqların yaranmasına şərait yaradır.
Ayrı-ayrı şəxslərin dilindən dünən və bu gün mətbuata ötürülmüş,
İmişlidə torpaqların satılması və obyektlərin sökülməsinə gəlincə
isə mən həmin söküntü yerlərində oldum. Şəhərin mərkəzində, İcra
Hakimiyyətinin qarşısında 20-25 günə açılışı nəzərdə tutulan Heydər
Əliyev adına istirahət parkının ətrafındakı primitiv, səliqəsiz və
kortəbii şəkildə tikilmiş bir neçə çayxana sökülmüşdür. Söküntünü
isə İcra Hakimiyyətinin təklifi ilə sahibkarlar özləri sökmüş, eyni
zamanda tikinti materiallarını da aparıblar.
Mətbuata belə bir məlumat da ötürülüb ki, guya rayonda iki-iki,
üç-üç gəzmək qadağandır. Amma dünən (18 mart) İmişli rayon
Mədəniyyət evində saat 14-00-da Rafael və Coşqunun konsertində minə
yaxın rayon sakini iştirak edib".
Deputat vurğulayıb ki, şəxsi maraqlarını güdən, kimlikləri rayonda
hamıya məlum olan bir neçə şəxs bilərəkdən mətbuata yalan və
qərəzli məlumat ötürməklə məşğuldurlar:
" Rayonda olarkən polis əməkdaşının hərəkətindən şikayət edən bir
vətəndaşın hüquqlarının bərpasına kömək etmiş, İmişli dəmiryolu
vağzalındakı piyadaların keçməsi üçün nəzərdə tutulmuş pilləkənin
qəzalı vəziyyətdə olmasını Azərbaycan Dəmiryolu İdarəsinin rəisi
cənab Arif Əsgərovun diqqətinə çatdırmışam.
Qeyd etmək istəyirəm ki, bir çox rayonlarda olduğu kimi İmişlinin
kəndlərində də qaz, su, yol və qrunt suları problemi mövcuddur.
2009-2013-cü illərdə Regionların sosial-iqtisadi inkişafı Dövlət
Proqramına uyğun olaraq inanıram ki, 2013-cü ilin sonunadək bu
problemlər minimum həddə düşəcəkdir.
Tək-tək vətəndaşların yalanşı vədlər verən hoqqabazların təsiri
altına düşmələrinə baxmayaraq, milli dəyərlərə, adət-ənənələrə,
dövlət və dövlətçiliyə sadiq olan zəhmətküş imişlilər problemsiz
yaşamağa layiqdirlər."
Rüfət Əhmədzadə
Publika.Az
-
Dünya21:36
Məşhur bloqer helikopterdən bir çanta pulu çimərliyə SƏPƏLƏDİ - VİDEO
-
Sosial21:24
Böyük ümidlərlə getmişdilər: ilk şəhidimizin məzarı tapılmadı - FOTO
-
Nəqliyyat19:48
Azərbaycanda bu taksi şirkəti BAĞLANIR - FOTO
-
Sosial19:12
Azərbaycanda tikintidə GÖRÜNMƏMİŞ HADİSƏ - VİDEO
-
Sosial18:40
Xankəndidə dünyaya gələn ilk körpənin ailəsinə MÜJDƏ
-
Sosial17:54
Əli Əsədov qərar imzaladı
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik