• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Aleksandr Duqindən təhlükəli Qarabağ proqnozu

  • Nida.az
  • 19 Dekabr 2014 15:48
  • 702 Baxış
Aleksandr Duqindən təhlükəli Qarabağ proqnozu

“Ermənistan Rusiya-Türkiyə yaxınlaşmasından qorxmamalıdır. Cənubi Qafqazda bu ölkələrin heç biri gərginliyin olmasında maraqlı deyil. Ona görə də Ankaranın Dağlıq Qarabağ məsələsində Rusiyaya təzyiq edəcəyini düşünmək mənasızdır. Baş verən bütün proseslər Dağlıq Qarabağ münaqişəsinin dondurulmuş formada qalacağını göstərir. Bu, Cənubi Qafqazın geosiyasi düzülüşündə mövcuddur. Mən heç bir təhlükə görümürəm”.


Publika.az xəbər verir ki, bu barədə Beynəlxalq Avrasiya Hərəkatının lideri, Kremlin ideoloqu kimi tanınan Aleksandr Duqin deyib.


Duqin erməniləri narahat olmamağa çağırıb. Onun sözlərinə görə, Moskvaya söykənəcəyi təqdirdə Ermənistan üçün heç bir təhlükə yoxdur: “Əgər ermənilər fərqli oyunlar oynamağa cəhd etsələr, o zaman onlar üçün çətin olacaq. İrəvan bunu yaxşı anlayır və hazırkı kursdan sapmaq niyyətində deyil. Bu gün Ermənistan Rusiya müdafiəsi altındadır və Türkiyə-Rusiya yaxınlaşması İrəvanın maraqlarını hədələmir”.

Kremlin ideoloqu hesab edir ki, Ankara-Moskva yaxınlaşması Qarabağ münaqişəsi, yaxud erməni-türk münasibətləri ilə bağlı deyil.

“Rusiya dünya hücumları qarşısında çətin vəziyyətdədir. Türkiyə də eyni çətinliklərlə üzləşir. Bu baxımdan, iki ölkənin birgə hərəkətinə zərurət yaranıb. Türkiyənin Avrasiya İttifaqına daxil olmaq ehtimalı var. Belə olarsa, Ankara ən kəskin problemlərini belə həll edə bilər. Lakin bu yaxınlaşmanı İrəvan özünə qarşı hesab etməməlidir. Ermənistan Moskvaya güvənməlidir. Ən azından Azərbaycanla müharibə ehtimalı fonunda buna məcburdurlar. Ankara-Moskva yaxınlaşması Qarabağ üçün perspektiv vəd etmir. Qarabağ uzun müddət dondurulmuş münaqişə olaraq qalacaq”, - deyə Duqin bildirib.


Asif Nərimanlı

Xəbər lenti

DAHA ÇOX XƏBƏR