Nida.az
Rasim Musabəyov: “Rusiya vəziyyəti qəbul edəcək”
- Medvedyevin prezidentliyi dövründə Dağlıq Qarabağ münaqişəsinin həlli istiqamətində müəyyən işartılar göründü, Rusiyanın vasitəçiliyi ilə bir sıra görüşlər keçirildi. Bundan sonra, Putinin prezidentliyi dövründə bu təşəbbüslərin ardı gələcəkmi? Siz bu istiqamətdə hansısa dönüş gözləyirsinizmi?
- Rusiya bu vaxta kimi bu məsələnin həll olunub gündəlikdən çıxması
üçün elə də böyük maraq göstərmirdi. Rusiya tərəfi həmişə Dağlıq
Qarabağ münaqişəsindən özünün bölgədəki mövqeyinin saxlamaq üçün
istifadə edib. Hələ ki, bu mövqedə ciddi dəyişiklik baş vermir. Və
ermənilərin işğal etdiyi ərazilərdən çıxması barədə tələbi
Rusiyadan gözləmək yersizdir.
Bunu yalnız o halda gözləmək mümkündür ki, biz Rusiyanın qarşısına
keçib baş əyək, o da gəlib “ata malı” kimi məsələni həll etsin.
Təbii ki, biz Qarabağı qaytarmaq naminə ölkəmizi Putinə peşkəş
etmək niyyətində deyilik. Çalışmalı olacağıq ki, öz artan
imkanlarımızdan düzgün istiafədə edək. Biz işğalçıları
təpikləyə-təpikləyə öz ərazimizdən çıxaranda, Rusiya heç nə edə
bilməyəcəyini anlayıb vəziyyəti qəbul edəcək.
Ya da ikinci halda dönüş gözləmək olar ki, Rusiya öz maraqları
naminə, Azərbaycanla münasibətlərində itkilərə üz verməmək üçün
Ermənistana təzyiq göstərəcək.
- ABŞ-ın mövqeyi necə olacaq? Gözləmə mövqeyi,
yoxsa...
- Hər halda, ABŞ bizə görə gəlib burda Rusiya ilə müharibə
aparmayacaq. Erməni lobbisinin də bu proseslərdə rolu az deyil. Və
Vaşinqton erməni lobbisini incitmək istəmir. Onların mövqeyini bir
növ bu cür dəyərləndirmək olar: “Verin onlara Qarabağı, Rusiyadan
əl çəksinlər, hamınız gəlin biz tərəfə”. Məsələnin mahiyyəti ondan
ibarətdir ki, ABŞ tərəfi də Ermənistanı şirnikləndirməkdə
maraqlıdır. Amerika belə hesab edir ki, bu yolla Ermənistanı
Rusiyadan uzaqlaşdıra bilər.
- Fransada “inkara cəza” qanunun bu ölkənin Konstitusiya
Şurası tərəfindən ləğv olunmasından sonra, onun ATƏT-in Minsk
Qrupunun həmsədrliyindən çıxarılması barədə tələblər öz
aktuallığını qoruyurmu? Və bundan sonra Fransanın siyasətində
dəyişiklik gözləməyə dəyərmi?
- Fransa bu məsələlərdə “züytutan”dır. Əsas imkan shaibi ABŞ və
Ruisyadır. Fransa da bunu anlayır. Bu ölkənin ATƏT-in Minsk
Qrupunda olub-olmamağının əhəmiyyəti yoxdur. Olmasın Fransa, olsun
Almaniya, nə dəyişəcək? Bir dəfə Almaniyaya həmsədrlik təklif
olunmuşdu, amma bu dövlət Rusiya və ABŞ-la üz-üzə gəlmək istəmədi.
Xüsusilə də, Rusiya ilə münasibətləri korlamaq Almaniya üçün
arzuolunmazdır.
Fransa üçün ermənilər daha doğmadır. Onların xətrinə də dəymək
istəmir. Baxmayaraq ki, bu ölkədə türklər və azərbaycanlılar da az
deyil, Fransa hökuməti daha çox ermənilərə yaxınlıq edir. Soyqırım
barədə qərara gələndə isə, Sarkozinin rəqibləri də bu mövqedədir və
qeyd olunan qanun layihəsi barədə təşəbbüs də ilk əvvəl
sosialistlərdən gəlmişdi.
Fransa vəziyyəti ermənilərin gözüylə görür. Təkcə Fransanın yox,
ABŞ-ın və Rusiyanın ürəyi də Ermənistanladır. Bu ölkələr anlayırlar
ki, tarix boyu oyuncaq olmuş erməniləri sakitləşdirmək üçün
Türkiyədən heç nə qopara bilməzlər, kompensassiyanı Azərbaycan
əraziləri hesabına ödəməyə çalışırlar.
- Bəs biz nə etməliyik? Bizim durumu necə qiymətləndirmək
olar?
- Əgər böyük dövlətlərin ürəkləri Ermənistanladırsa, qanı
bizimlədir. Azərbaycan böyük dövlətlərə lazımdır və dünya
dövlətlərinin regionda ən maraqlı olduğu ölkə Azərbaycandır. Təbii
ki, diplomatik yolla, öz maraqlarımızı təmin etməyə çalışmalıyıq.
Fransaya, ABŞ-a və ya Rusiyaya meydan oxuyası, müharibə edəsi
deyilik. Gürcüstan Rusiyanın qabağında nə edə bildi?
Bizim həm siyasi, həm iqtisadi, həm də demoqrafik imkanlarımız
artır. Öz imkanları ilə, siyasəti Azərbaycan Ermənistanı boğur. Heç
kim də Ermənistanı xilas edə bilməyəcək. Qarabağı ermənilərə təhvil
vermək istəmiriksə, dözümlü olmalıyıq.
- Həmsədrlərin son səfərindən sonra Robert Bradtke
humanitar məsələlərdə əməkdaşlığın inkişafından danışdı. Bu barədə
nə deyə bilərsiz?
- Həmsədrlərin deməyə sözü qalmayıb. Və sözün bitdiyindən, heç bir
iş görə bilmədiklərindən, başlayırlar humanitar əlaqələrdən,
qarşılıqlı etibardan, vətəndaş cəmiyyətinin dialoqundan danışmağa.
Bu onu göstərir ki, nəinki onların fəaliyyətində dönüş gözlənilmir,
hətta danışmağa dözləri yoxdur. Bu məsələ köklü şəkildə həll
olunmalıdır. Buna isə ATƏT-in Minsk Qrupunun gücü çatmır, amma
həmsədrlər özlərini elə göstərir ki, guya nəyəsə nail ola
bilər.
Rüfət Əhmədzadə
Publika.az
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO