Nida.az
Prezident İlham Əliyevə təbrik məktubları (YENİLƏNİB)
Azərbaycan Respublikası Prezidenti İlham Əliyevin doğum günü ilə bağlı təbrik məktubları daxil olmaqda davam edir.
Publika.az-ın “AzərTAc”a istinadən məlumatına görə, dünya dövlətlərinin liderləri və ictimai xadimlər Prezident İlham Əliyevi doğum günü münasibətilə təbrik ediblər.
***
Zati-aliləri,
Doğum gününüz münasibətilə Sizə ən səmimi təbriklərimi
çatdırıram.
Bu əlamətdar gündə vurğulamaq istərdim ki, Sizin rəhbərliyinizlə
Azərbaycan iqtisadi, siyasi və mədəni sahələrdə uğurla inkişaf
etməkdədir. Gürcüstan Azərbaycan Respublikası ilə dostluq və
strateji tərəfdaşlıq münasibətlərinə böyük əhəmiyyət verir.
Gürcüstanın suverenliyini və ərazi bütövlüyünü dəstəklədiyinizə
görə bir daha Sizə minnətdarlığımı bildirirəm. Mən bir daha əmin
olduğumu bildirmək istəyirəm ki, ölkələrimiz arasında mövcud olan
davamlı dostluq və əməkdaşlıq əlaqələri birgə səylərimiz
nəticəsində xalqlarımızın qarşılıqlı faydası naminə gələcəkdə də
davam edəcək və daha da güclənəcək.
Bu xoş fürsətdən istifadə edərək, mən Sizi Gürcüstana rəsmi səfərə
dəvət edirəm. Sizi Tbilisidə səmimi qarşılamaq mənim üçün şərəf
olardı. Əminəm ki, bu səfər 2014-cü ildə yeni təkan almış
tərəfdaşlığımızın dərinləşməsinə öz töhfəsini verəcək.
Zati-aliləri, mənim dərin ehtiramımı qəbul edin. Sizə xoşbəxtlik,
möhkəm cansağlığı və fəaliyyətinizdə uğurlar, dost Azərbaycan
xalqına isə sülh və tərəqqi arzulayıram.
Hörmətlə,
Giorgi Marqvelaşvili
Gürcüstanın Prezidenti
***
Zati-aliləri,
Doğum gününüz münasibətilə Sizə ən səmimi təbriklərimi və ürəkdən
gələn ən xoş arzularımı bildirməyi özümə şərəf sayıram.
Bu xoş fürsətdən istifadə edərək, qəti əminliyimi bildirirəm ki,
Moldova Respublikası ilə Azərbaycan Respublikası arasında mövcud
olan ənənəvi dostluq münasibətləri bundan sonra da dinamik inkişaf
edəcək, ölkələrimizin və xalqlarımızın rifahı naminə qarşılıqlı
faydalı əməkdaşlığın möhkəmlənməsinə şərait yaradacaq.
Zati-aliləri, Sizə möhkəm cansağlığı və fəaliyyətinizdə yeni
uğurlar, ailənizə xoşbəxtlik və firavanlıq arzulayır, ən yüksək
ehtiramımı qəbul etməyinizi xahiş edirəm.
Hörmətlə,
Nikolaye Timofti
Moldova Respublikasının Prezidenti
***
Hörmətli İlham Heydər oğlu,
Sizi doğum gününüz münasibətilə ürəkdən təbrik edirəm.
Sizin müdrikliyiniz və təcrübənizə əsaslanan məqsədyönlü
fəaliyyətiniz sayəsində bu gün Azərbaycan Respublikası mühüm
potensiala malik olan, dinamik inkişaf edən dövlətdir. Sizin
rəhbərliyinizlə Azərbaycan dövlətçiliyin möhkəmlənməsi,
sosial-iqtisadi, mənəvi və mədəni inkişaf üçün yeni təkan alıb.
Əmin olduğumu bildirirəm ki, Dağıstan Respublikası ilə Azərbaycan
Respublikası arasında çoxəsrlik mehriban qonşuluğa və qarşılıqlı
hörmətə əsaslanan dostluq və əməkdaşlıq münasibətləri bundan sonra
da daim genişlənəcək və dərinləşəcək.
Hörmətli İlham Heydər oğlu, Sizə möhkəm cansağlığı, Azərbaycan
xalqının rifahı naminə ali dövləti fəaliyyətinizdə yeni-yeni
uğurlar arzu edirəm.
Hörmətlə,
Ramazan Abdulatipov
Rusiya Federasiyası Dağıstan Respublikasının rəhbəri
***
Hörmətli İlham Heydər oğlu,
Doğum gününüz münasibətilə səmimi təbriklərimi qəbul edin. Sizə
möhkəm cansağlığı, xoşbəxtlik, dost Azərbaycan xalqının rifahı və
tərəqqisi naminə ali dövləti fəaliyyətinizdə yeni uğurlar arzu
edirəm.
Əminəm ki, Ukrayna-Azərbaycan münasibətlərinə daim xas olan ənənəvi
qarşılıqlı anlaşma və etimad şəraiti bundan sonra da ölkələrimiz
arasında konstruktiv əməkdaşlığın etibarlı əsası olacaq.
Hörmətlə,
Pyotr Poroşenko
Ukraynanın Prezidenti
***
Hörmətli İlham Heydər oğlu,
MDB iştirakçısı olan Dövlətlərin Parlamentlərarası Assambleyası
Şurası adından doğum gününüz münasibətilə təbriklərimizi qəbul
edin. Azərbaycan Respublikası Sizin rəhbərliyinizlə dövlətçiliyin
və suverenliyin möhkəmlənməsi, davamlı iqtisadi, siyasi, sosial
inkişaf yolunda qətiyyətlə və inamla irəliləyir. Sizə - görkəmli
siyasi və dövlət xadiminə möhkəm cansağlığı, ailə səadəti,
Azərbaycan Respublikasının firavanlığı naminə ali dövləti
fəaliyyətinizdə yeni-yeni uğurlar arzulayırıq.
Hörmətlə,
Aleksey Sergeyev
MDB Parlamentlərarası Assambleyası Şurasının Baş
katibi
***
Hörmətli İlham Heydər oğlu,
“Qazprom” Açıq Səhmdar Cəmiyyətinin idarə heyəti adından və şəxsən
öz adımdan Sizi doğum gününüz münasibətilə ürəkdən təbrik edirəm.
Sizə səmimi qəlbdən möhkəm cansağlığı, xoşbəxtlik, firavanlıq və
çoxşaxəli fəaliyyətinizdə yeni-yeni uğurlar arzulayırıq.
Hörmətlə,
Aleksey Miller
Rusiyanın “Qazprom” Açıq Səhmdar Cəmiyyəti idarə heyətinin
sədri
***
Hörmətli İlham Heydər oğlu,
Sizi doğum gününüz münasibətilə Rusiya Liberal Demokrat Partiyası
fraksiyasının deputatları adından və şəxsən öz adımdan təbrik
edirəm. Siz həyatınızın çox illərini Azərbaycanın mənafelərinə
təmənnasız və səmərəli xidmətə həsr etmisiniz, özünüzü qətiyyətli
və prinsipial siyasi xadim kimi göstərmisiniz. Siz, çox cəhətdən
yüksək peşəkarlığınız və müdrikliyiniz sayəsində dövlət siyasətini
uğurla həyata keçirməyə nail olursunuz. Siz dərin bilikləri və
rəhbər istedadını özünüzdə harmonik şəkildə cəmləşdirirsiniz.
Əminəm ki, Siz öz zəngin təcrübənizə və müasir siyasi şəraiti əla
bildiyinizə güvənərək, peşəkar yolunuzu uğurla davam
etdirəcəksiniz. Rusiya ilə Azərbaycan arasında səmərəli əməkdaşlıq
çox cəhətdən Sizin fəaliyyətiniz sayəsində bundan sonra da
dövlətlərimizin vətəndaşlarının rifahı naminə dostluğun və
qarşılıqlı anlaşmanın möhkəmlənməsinə şərait yaradacaq. Sizin ən
yüksək səviyyədə təşkil olunmuş qəbulunuzu indiyədək minnətdarlıqla
xatırlayıram. Sizə möhkəm cansağlığı, uzun ömür, tükənməz həyat
enerjisi və bütün təşəbbüslərinizdə uğurlar, yaxınlarınıza
xoşbəxtlik və firavanlıq arzu edirəm.
Hörmətlə,
Vladimir Jirinovski
Rusiya Liberal Demokrat Partiyası fraksiyasının
rəhbəri
-
Magazin123:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə22:48
Bakı metrosunda OLAY
-
Nida Xəbər 22:24
4 kənd qayıtdı - Növbəti mərhələdə nə var?
-
Dünya22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB21:50
95 yaşlı diplomat öldü
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı