Nida.az
Məhəbbət Muradov: “İsa Qəmbər və Arif Hacılı Müsavata obyekt kimi baxırlar”
“Mənim məhkəməyə şikayət edəcəyimdən qorxaraq partiyaya üzvlüyümü bərpa etdilər. Daha sonra əvvəl olduğu kimi nizamnamə pozuntusuna gedərək bərpa qərarını ləğv etdilər”.
Bunu Publika.az-a açıqlamasında Müsavat Partiyasının Qubadlı rayon
təşkilatının qərarı ilə partiyadan çıxarılan Məhəbbət Muradov
deyib.
Qeyd edək ki, bu ilin oktyabrın 22-də M. Muradov özünü iştirakı
olmadan Qubadlı rayon təşkilatının qərarı ilə partiyadan
uzaqlaşdırılıb. Bir neçə gün öncə rayon təşkilatının qərarı ilə
yenidən partiyaya üzvlüyü bərpa olunub. Bu qərardan bir gün sonra
yenidən üzvlüyü ləğv edilib. Rayon təşkilatının sədri Nazim Əliyev
bunu M. Muradovun sosial şəbəkələrdə partiya yoldaşları haqda
aşağılayıcı fikirlər səsləndirməsi ilə əsaslandırıb.
M. Muradov isə bunu təkzib edir. Onun sözlərinə görə, yazdığı
fikirlərin heç birində heç kimin adı çəkilmir və heç kimə qarşı
aşağılayıcı fikirlər səsləndirməyib.
“Qubad İbadoğlunun təşəbbüsü ilə mənim müdafiəmlə bağlı kampaniya
başladılmışdı. Həmin kampaniyaya 500-dən artıq müsavatçı imza atdı.
Onlar gördülər ki, bu kifayət qədər güc deməkdir və mənim məhkəməyə
şikayət edəcəyimdən çəkinərək rayon təşkilatının sədrinə bərpa
olunmağımla bağlı göstəriş verdilər. Bir növ Nazim Əliyevə “nə
qələt etmisənsə, düzəlt” göstərişi verildi. Mən Nazimlə uzun illər
yaxın olmuşam. Hətta ailəvi dostluq münasibətimiz də olub. O
əlildir və buna görə mən əlillə qarşı hansısa söz demək istəmirəm.
Ümumiyyətlə mən əlillərlə mübarizə aparmıram. Amma o savadsızdır,
traktorçu olaraq işləyir və nə nizamnamədən, nə məramnamədən başı
çıxmır. Ona deyiləni edir. Müsavatın hazırki rəhbərliyi istəyirdi
ki, etdikləri səhvi düzəltsin, amma bu dəfə də nizamnamə
pozuntusuna getdilər və özlərinin qərarını özləri ləğv etdi. Çünki
mənim partiyada olmağım onlara sərf etmir.
Mən ömrü boyu Müsavatda müxalif olmuşam. Bütün qanunsuzluqlara qarşı çıxmışam. Mən olduğum müddətdə də o təşkilatda nizamnamədən kənar heç bir addım atıla bilməzdi. Ona görə də belə etdilər. Hələ 22 oktyabr qərarında nizamnaməni pozmuşdular. O vaxt mənim iştirakım olmadan, xəbərdarlıq, töhmət və uzaqlaşdırma etaplarını gözləmədən çıxarılan qərar qanunsuz idi. İndi də eyni qanunsuzluqlarını davam etdirirlər. Bu yollarla məni əngəlləmək, siyasi fəaliyyətimə kölgə salmaq istəyirlər. Lakin bu baş tutmayacaq”, - deyə o vurğulayıb.
M. Muradov onun mübarizəsinin Azərbaycan davası olduğunu bildirib:
“Mən səmimi olaraq dəfələrlə qeyd etmişəm ki, İlham Əliyev Qarabağı
alsa, bir Qarabağ veteranı kimi onun qarşısında baş əyəcəm. Bizim
davamız Azərbaycan davasıdır. Müsavatçılıq təkcə partiya üzvü olmaq
deyil. Rəsulzadə də vaxtında deyirdi ki, bir gün müsavatçılar
hakimiyyətə gələcək. Lakin bu müsavatçılar Müsavat Partiyasının
üzvü olmaya da bilər. Müsavat Partiyası sentyabrın 27-də həqiqi
mənada bitibdir. Keçirdikləri mitinq də onların bitdiyini göstərdi.
Bu gün İsa Qəmbər, Arif Hacılı Müsavata obyekt kimi baxır. Mən
illərlə İsa Qəmbərə xidmət etmişəm. Lakin heç vaxt ona qarşı
namərdlik etməmişəm. Bu gün mənim Azərbaycan Demokratiya və Rifah
(ADR) hərəkatında olmağım onları narahat edir. ADR yaxın günlərdə
daha da genişlənəcək və hazırkı Müsavatdan qat-qat güclü bir
təşkilata çevriləcək”.
Asif Nərimanlı
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO