Məclis sədrliyindən geri çəkilən müsavatçı: “Seçki prosesinin pozulmasına etiraz olaraq...”
Bizi izləyin

Nida.az

Məclis sədrliyindən geri çəkilən müsavatçı: “Seçki prosesinin pozulmasına etiraz olaraq...”

Müsavat Məclis sədrliyinə namizədliyini geri götürən Sabir Məmmədli bu addımını səbəblərini açıqlayıb.


S. Məmmədli Publika.az-a açıqlamasında bu addımını seçki prosesinin pozulması ilə əlaqələndirib: “Müsavat Partiyasının Məclis sədrinin seçkiləri ilə əlaqədar bildirmək istəyirəm ki, 24 dekabr 2014-cü il tarixdə mən müvafiq ərizə ilə Təşkilat şöbəsinə müraciət etmişəm və seçki prosesində ictimai-siyasi prinsiplərin pozulmasına etiraz olaraq öz namizədliyimi geri götürmüşəm. Fədakar sıravi müsavatçıların, illər boyu siyasi mübarizənin məhrumiyyətlərinə sinə gərən insanların narahatçılığını nəzərə alaraq bu məsələ ilə əlaqədar əlavə açıqlama vermək fikrində deyiləm və partiyadaxili mövzuların siyasi diskussiyalar prosesində aparılmasının tərəfdarıyam”.


Qeyd edək ki, S. Məmmədli namizədliyini dünən geri götürüb.

Müsavatın Təşkilat Komitəsinin sədri Razim Əmiraslanlı Publika.az-a açıqlamasında bildirib ki, Məclis sədrliyinə namizədliyini verən Sabir Məmmədli ərizə təqdim edərək namizədliyini geri götürüb: “Məclis sədrliyinə müraciət edənlərdən Sabir Məmmədli namizədliyini geri götürüb. Namizədliyini geri götürməsi ilə bağlı şəxsən mənə ərizəsini təqdim edib. Amma ciddi əsas qeyd eləməyib”.

R. Əmiraslanlı qeyd edib ki, hazırda Məclis sədrliyinə təkcə Nüşabə Sadıqlı iddialıdır.

Nüşabə Sadıqlı Publika.az-a açıqlamasında opponenti Sabir Məmmədlinin namizədliyini geri götürməsinə təəssüf etdiyini söyləyib: “Niyə insanlar mübarizə aparmaqdan çəkinirlər? Nə üçün kiməsə məğlub olmaqdan qorxurlar. Mən bir xanım kimi Məclis sədrliyinə namizədliyimi irəli sürmüşəm. İstəyirəm ki, müsavatçılar bir xanımı sınaqdan keçirsinlər. Artıq namizədliyimlə bağlı sənədlərimi vermişəm və geri götürmək fikrində deyiləm”.

Məclis sədrliyinə iddialılar arasında Gülağa Aslanlının da adı çəkilir. O, qərarını bu gün saat 14:00-da açıqlayacaq.


Asif

Oxumağa davam et
Reklam
Reklam

Gündəm