Nida.az
Gülağa Aslanlı: “Gələcək partiyanın ilkin təməllərini atırlar” – Müsahibə
Müsavat Partiyasının Mərkəzi İcra Aparatının rəhbəri Gülağa Aslanlı Publika.az-a müsahibəsində bəzi iddialara münasibət bildirib.
- Gülağa bəy, Mərkəzi İcra Aparatının rəhbərliyinə
təyinatınızı gözləyirdinizmi?
- Bu, partiya başqanının müstəsna səlahiyyətinə daxil olan
məsələdir. Biz uzun müddət partiyanın rəhbərliyində birgə çalışmış
insanlarıq. Sözün düzü, mənə əvvəl belə bir təklif olunmuşdu. Lakin
mən bir qədər ertələnməsini istəmişdim. Dekabrın 30-da mən işə
gedərkən belə sərəncam verildiyinin şahidi oldum. Mənə göstərilən
etimada görə təbii ki, partiya başqanına öz təşəkkürümü
bildirirəm.
- Sizin bu posta təyin olunmanızla bağlı iddialar
səsləndirilir ki, əvvəldən belə razılıq olub. Yəni Arif Hacılı
başqan olacağı təqdirdə, siz icra aparatının rəhbəri olmalı
idiniz.
- Ümumiyyətlə mən belə fikirlər səsləndirlməsində mənfi hal
görmürəm. Çünki bunu deyən insanlar mənim Arif Hacılının seçki
qərargahına rəhbərlik etməyimi əsas götürürlər. Bu xətti götürənlər
mənim Məclis sədri olacağımla bağlı da iddialar irəli sürürdülər.
Mən sadəcə olaraq, öz vəzifəmi yerinə yetirirəm.
Məndən gözləntiləri olanlara da təşəkkürümü bildirirəm. Bu vaxta
qədər öz enerjimi partiya üçün sərf etdiyim kimi, bundan sonra da
öz təcrübəmi, bacarığımı partiyanın inkişafına yönəldəcəyəm.
- İcra Aparatının rəhbəri olaraq hədəfləriniz
nədir?
- Mərkəzi İcra Aparatının əsasnaməsi var. Əsasnaməyə uyğun olaraq,
partiyanın idarə olunmasında, xüsusən də mərkəzi aparatın bütün
problemlərinin həllində üzərimə nə düşürsə, yerinə yetirəcəyəm.
Əsas məqsədlərimdən biri partiyanın idarə olunmasına öz töhfəmi
verməkdir. Hər-hansı problemlə üzləşməmək üçün əlimdən gələni
edəcəyəm. Vəzifəmə daxil olan bütün işləri məsuliyyətlə yerinə
yetirəcəyəm. İcra aparatı normal işləyəcəksə, üzərinə düşən işi
vaxtında və səmərəli həll edəcəksə, bu ümumi inkişafa xeyir
verəcək. Bununla yanaşı, partiya üzvlərinin rəhbərliklə
əlaqələrinin qurulmasından tutmuş, partiyanın inkişafı üçün
nizamnamə çərçivəsində görülən işlərin müəyyənləşməsinə qədər bütün
məsələlər mənim məsuliyyətimdədir.
- Bu il keçiriləcək parlament seçkilərinə Müsavat
təkbaşına, yoxsa koalisiya şəkilində getmək
fikrindədir?
- Müsavat Partiyası parlament seçkilərində necə iştirak edəcəyi
haqda hələ qərarını verməyib. Lakin seçkilərdə koalision şəkildə
iştirak da, ayrıca 125 seçki dairəsindən namizədin
müəyyənləşdirilməsi də mümkündür. İndidən heç kimlə bərabər
olmayacağıq kimi iddialar ortaya qoymağın da tərəfdarı deyilik.
Sadəcə il ərzində ölkədə və dünyada vəziyyət başqa istiqamətlərdə
dəyişə bilər. Buna görə də şəraitdən asılı olaraq seçkilərdə
iştirak forması haqda qərar verə bilərik. Bunların içində bütün
variantlar nəzərə alınmalıdır, o cümlədən, koalisiya, yaxud blok
variantı.
- Qubad İbadoğlu partiyanın yeni rəhbərliyinin bütün
postlara yaxın adamlarını yerləşdirməklə alternativ fikrə yer
qoymadığını açıqlayıb. Bu barədə nə deyə bilərsiniz?
- Qubad İbadoğlunun ətrafında alternativ fikirdə olan adamlar
varmı? Bu sualı ona vermək lazımdır. Onun fikirlərinə zidd olanlar,
onunla barışmayan və mövqeyini bölüşənlər onunla
birlikdədirlərmi?
Partiya rəhbərliyi təyinatlar verərkən təbii ki, inandığı, etibar
etdiyi adamlara üstünlük verir. Məclis və Divan üzvlərinin
kimliyinə gəlincə, bu seçki yolu ilə müəyyənləşir. Müsavat
Partiyasında keçirilən seçkilərdə kimin kimə səs verməsinə nəzarət
mexanizmi yoxdur və səsvermə prosesi gizli keçirilir. Bu səbəbdən
sərbəst Məclis üzvlərinin, Mərkəzi Nəzarət Təftiş Komissiyasının və
Divan üzvlərinin seçilməsi tam demokratik yolla həyata
keçirilir.
Sadəcə olaraq, rəhbərlikdə olan adam onun ideyalarını bölüşən, onunla partiyanı irəlilətməyə çalışanlarla bərabər olmaq istəyir. Qubad İbadoğlu qurultay günü seçkinin demokratik keçirildiyini bəyan etdi. Bir gün sonra isə “mən və mənim tərəfdarlarım heç bir seçkili orqanda iştirak etməyəcəyik” deyə açıqlama verdi. Onun ətrafında olan elə insanlar var ki, şəxsən mən onları hansısa vəzifədə görmək istəyərdim. Lakin özləri kənara çəkiliblər. İndidən gələcəkdə qurmaq istədikləri partiyanın ilkin təməllərini atmaqla məşğuldurlar. Buyursunlar, işlərini davam etdirsinlər.
Asif Nərimanlı
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY