Deputat: “ABŞ-ın Azərbaycanla bağlı rəsmi mövqeyi fərqlidir”
Bizi izləyin

Nida.az

Deputat: “ABŞ-ın Azərbaycanla bağlı rəsmi mövqeyi fərqlidir”

“Son vaxtlar ABŞ-ın ayrı-ayrı dairələrindən Azərbaycan əleyhinə səsləndirilən ittihamlar ABŞ dövlətinin rəsmi mövqeyi deyil”.

Bunu Publika.az-a açıqlamasında Azərbaycanın Avropa Şurasındakı nümayəndə heyətinin üzvü, Milli Məclisin deputatı Rövşən Rzayev bildirib.

Onun sözlərinə görə, Azərbaycan dövləti müstəqil siyasət yürüdür və bu siyasət nəticəsində demokratik islahatlar aparılır.

R.Rzayev onu da deyib ki, ABŞ ilə Azərbaycan arasında rəsmi dövlət münasibətləri müsbət istiqamətdə inkişaf edir: “Bu münasibətlərə mətbuatda yazılan kimi mənfi qiymət vermək olmaz. Həmin dairələrin mövqeləri ilə ABŞ dövlətinin rəsmi mövqeyi fərqlidir. Azərbaycanı tənqid edən həmin dairələr insan haqlarının qorunmasından danışırlarsa, ilk növbədə, Ermənistanın işğalçı siyasəti nəticəsində minlərlə azərbaycanlının pozulan hüquqlarını müdafiə etsinlər. Bütün bunlar bir daha onu göstərir ki, həmin dairələr şəxsi maraqlardan çıxış edərək Azərbaycana qarşı bu cür qarayaxma kampaniyaları həyata keçirirlər”.

Vasif Həsənli

Oxumağa davam et
Reklam
Reklam

Gündəm