Nida.az
Əli Kərimlinin müavinindən iddia: “Milli Şura müxalifətin sonuncu şansıdır”
“Müxalifətdə yeni blokların, birliklərin yaranması mümkündür. Lakin AXCP üçün Milli Şura sonuncu əməkdaşlıq bloku olmalıdır”.
Publika.az xəbər verir ki, bu barədə AXCP sədrinin
müavini Razi Nurullayev bildirib.
Onun sözlərinə görə, AXCP Milli Şurada fəaliyyət göstərir və bura
birliyə canını və qanını qoyub: “Azərbaycanın ən dəyərli
ziyalılarının, siyasi partiyalarının, müstəqil hüquqşünas və QHT
təmsilçilərinin kifayət qədər hissəsi siyasətini və gələcəyini
Milli Şuraya bağlayıb. Bizim hər birimizin onların qarşısında,
onların da bizim qarşımızda borcu var. Bütün müxalifətin iştirakı
ilə yaradılan Milli Şura bu gün cəmiyyət üçün daha cəzbedici
görünür. Bunun üçün də Milli Şurada təmsil olunanlar üçün şura
müstəvisindən kənar bloklar maraqlı olmamalıdır. Biz doğru
bildiyimizi etməliyik. Kənar səslər və təzyiqlər bizi düz yoldan
sapdırmamalıdır. İnanıram ki, xalqın da böyük əksəriyyətinin Milli
Şuraya simpatiyası daha çoxdur. Bəzən deyirlər ki, seçkilərdə
qələbə qazanmaq üçün bütün güclər bir yerdə olmalıdır. Bu, pis
ideya deyil. Amma alınmır. Hər kəs bir yerdə olanda, heç iclasları
idarə etmək olmur. Hər kəs danışmaq istəyir, hər kəs təklif verir
və hər kəs birinci sırada oturmaq istəyir”.
R. Nurullayev Milli Şuranı müxalifət üçün sonuncu şans
adlandırıb.
“Müxalifətin seçkini udması üçün vahid birlik və vahid platforma
olmalıdır. Bu platforma Milli Şuradır. Hər gün yeni blok və birlik
yaratmaq həm xalqda, həm də hərəkat adamlarında qıcıq doğurur.
Milli Şuranı bütün müxalifət bir yerdə yaradıb. Milli Şura
müxalifətin sonuncu birlik formatıdır və belə də qalmalıdır”, -
deyə o vurğulayıb.
Əli Kərimlinin müavini AXCP-ni hədəf seçənləri tənqid edib: “Milli
Şura və AXCP-ni hədəf seçənlərə gəlincə, onlara demək istəyirəm ki,
əsas tutulan və gedilən yolun düzgün olmasıdır. Yol düz oldusa,
insanlar səni asan tapır. Kələ-kötür yolla axtarış etməyə
ehtiyacları qalmır. Bütün mövcud birliklərə və yeni yaradılacaq
qurumlara uğur olsun. Arzuladığım ən sonuncu məsələ müxalifət və
müxalifət adına iddia edənlərin bir-biri ilə savaşması və
qarşılıqlı ittihamlarıdır. Xalq bunu görür və bağışlamır”.
Asif Nərimanlı
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır