Nida.az

Lavrovdan şad xəbər - "Dilqəm Əsgərova görə İrəvanla danışacağıq"

21 Yanvar 2015 14:12

Rusiya ölkə vətəndaşı olan Dilqəm Əsgərovun saxlanılması məsələsini Ermənistanla müzakirə edəcək.

Trend-in məlumatına görə, bunu Rusiyanın xarici işlər naziri Sergey Lavrov ənənəvi mətbuat konfransında girovun taleyi barədə sualı cavablandırarkən deyib.

***

Nazirin sözlərinə əsasən, dünyanın müxtəlif ölkələrində saxlanılan bir çox Rusiya vətəndaşı var: "Məlumat almaq üçün onların taleyi ilə daim maraqlanırıq. Saxlanılma səbəbləri haqqında informasiya, vətəndaşlarımıza qarşı sürülən ittihamların ağırlığı, onların hansı şəraitdə saxlanılması, saxlanılan vətəndaşlarımız barədə hansı planların mövcudluğu əsasında müvafiq qərar qəbul edirik".

XİN rəhbəri əlavə edib ki, bunun üçün mövcud olan kanallar, Rusiyanın müvafiq ölkələrlə ikitərəfli kanalları üzrə qərarlar qəbul edilir.