Nida.az
İraq Türkman Cəbhəsinin lideri: “İŞİD hər an Kərkükə hücum edə bilər” – ÖZƏL
“İŞİD Kərkükdən 5 kilometr məsafədədir və hər an hücum edə bilər”.
Bu barədə Publika.az-a açıqlamasında İraq Türkman
Cəbhəsinin lideri, İraq parlamentinin deputatı Ersat Salihi İŞİD-in
Kərkükü bombalaması xəbəri haqda danışarkən deyib.
Onun sözlərinə görə, Kərkükün yaxınlığındakı türkman kəndləri İŞİD
hücumuna məruz qalıb: “Türkmanların bir qismi İraqın cənubuna, bir
qismi isə Türkiyəyə köçüb. İŞİD-in hədəfi Kərkükün neftidir və
bunun üçün mübarizə aparır. İndiyə qədər buna nail ola bilməyiblər.
Bundan sonra da bacardığımız qədər imkan verməyəcəyik”.
E. Salihi İraq mərkəzi hökumətinin türkmanlara yardım etmədiyini
bildirib.
“Kürd peşmərgələrinə mərkəzi hökumət yardım edir. Lakin türkmanlar
bir kənarda qalıb. Kürdlərə edilən yardım qədər bizə də edilsəydi,
öz müdafiəmizi qura bilərdik. Hazırda türkmanların heç bir silahı
yoxdur və müdafiəsiz şəkildə qalmışıq. Bizim silaha ehtiyacımız
var. Təəssüf ki, türkman coğrafiyası dağıdıldı. İnsanlarımız başqa
yerlərə məcburən köç edirlər. Türkmanları sahibsiz buraxıblar. Nə
mərkəzi hökumət, nə də qonşu ölkələr kömək etmir. Buna görə də
dağılmış türkman coğrafiyasını yenidən qurmaq bizim vəzifəmizdir”,
- deyə kərküklü deputat bildirib.
E. Salihi İraq türkmanlarının əsl vətənlərinin Orta Asiya və Qafqaz
olduğunu qeyd edib: “Bizlər Orta Asiya və Azərbaycandan gəlmişik.
Buna görə də hər kəs İraq türkmanlarının yanında durmalıdır.
Hazırda türkman milləti tarixinin ən pis dövrünü yaşayır”.
Asif Nərimanlı
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır