• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Azay Quliyev: “Minsk qrupunun tərkibinə yenidən baxılmalıdır”

  • Nida.az
  • 2 Fevral 2015 13:10
  • 387 Baxış
Azay Quliyev: “Minsk qrupunun tərkibinə yenidən baxılmalıdır”

“ATƏT-in Minsk qrupunun tərkibi 20 ildir ki, dəyişmir. Bu cür tərkibi olan qrup heç bir məsələnin həllinə nail ola bilməz”.

Publika.az-ın məlumatına görə, bu sözləri Milli Məclisin deputatı Azay Quliyev parlamentin bu gün keçirilən iclasında çıxışı zamanı bildirib.

Onun sözlərinə görə, Azərbaycan tərəfi rəsmi şəkildə ATƏT-in Minsk qrupunun tərkibinə yenidən baxılması və genişləndirilməsi məsələsini qaldırmalıdır. A.Quliyev deyib ki, artıq bu cür addımlar atmağın zamanı çatıb: “Almaniyanın Minsk qrupuna gətirilməsi, Türkiyənin də bu formata daxil edilməsi vacibdir. Çünki Türkiyənin bu istiqamətdə müəyyən təsir imkanları var. Hazırkı qrupda hər 3 həmsədr – ABŞ, Fransa və Rusiya birmənalı şəkildə Ermənistanı dəstəkləyib. Fransa Ermənistana kiçik qardaş deyir, ABŞ maliyyə yardımı göstərir. Ədaləti bərpa etmək üçün bu qrupun tərkibinə yenidən baxılmalıdır”.

A.Quliyev ATƏT PA-nın növbəti sessiyasında bu məsələni rəsmi şəkildə qaldırmaq niyyətində olduğunu söyləyib. Deputat həmçinin Serj Sarkisyanın beynəlxalq məhkəməyə verilməsi ilə bağlı petisiya hazırlandığını qeyd edərək bütün ictimaiyyəti bu petisiyanı dəstəkləməyə çağırıb: “100 min imza lazımdır və ümid edirəm ki, bu imzaları qısa zamanda təqdim edəcəyik”.

Vasif Həsənli

Xəbər lenti

DAHA ÇOX XƏBƏR