Nida.az
Tural Abbaslı: “Müsavat Divanı partiya üzvlərinə divan tutur” – MÜSAHİBƏ
Müsavat Partiyası başqanlığına keçmiş namizəd, Divanın keçmiş üzvü Tural Abbaslının Publika.az-a müsahibəsi.
- Tural bəy, qurultaydan sonra o qədər də gözə
dəymirsiniz?
- Hazırda partiyanın sıravi üzvüyəm. Heç bir seçkili orqana
seçilməmişəm. Sıravi üzv kimi partiyanın tapşırıqlarını icra
edirəm. Dünənə qədər Divan üzvü idim. Məsul vəzifədə olarkən
görəcəyim işlər daha çox olurdu. Bu gün isə sıravi üzvə uyğun
işləri həyata keçirirəm. Lakin lazım olanda mediada da görünürəm.
Partiyadaxili demokratiyanın bərqərar olması istiqamətində mini
mübarizəmi davam etdirirəm. Mənim üçün hansı postu tutmaq önəmli
deyil. İnsanı vəzifə qaldırmır, insan özü vəzifəni yüksəldir.
- Başqan seçiləndən sonra Arif bəylə münasibətləriniz
necədir?
- Arif Hacılının başqanlığını tanıyıram. Qurultayın nəticələrini
qəbul etdiyimizi də açıqlamışıq. Lakin Arif Hacılının partiyada
idarəçiliyindən narazıyıq. Bunu istər partiyadaxili müzakirələrdə,
istər sosial şəbəkələrdə, istərsə mediada daim bildiririk. Hesab
edirik ki, Müsavat daha demokratik üsulla idarə olunmalı, örnək
olmalıdır. Əks fikirlər təqib olunmamalı, tənqid qəbul edilməli,
aqressiyaya yol verilməməlidir. İdarəçilikdə bəzi islahatlar
aparılmalıdır. Arif Hacılı bu istiqamətdə uğurlu addımlar atmır.
Onunla şəxsi münasibətlərimiz həmişəki kimidir, siyasi
münasibətlərimizdə isə dediyim kimi iradlarım var. Lakin
düşmənçiliyimiz yoxdur.
- Şəxsi münasibətlərinizin həmişəki kimi olduğunu
deyirsiniz. Amma bir müddət öncə Arif bəylə şəxsi
münasibətlərinizdə problemlər olduğu haqda xəbərlər
yayılmışdı.
- Arif bəylə siyasi baxımdan qarşıdurmamız indi də var.
İdarəçilikdə, demokratik mühitə yanaşmamızda fikir ayrılığımız
olub, var, olacaq da. Çünki Müsavat digər partiyalardan fərqli
olaraq demokratik partiyadır. Kim azad fikrin qarşısını almaq
istəsə, bu alınmayacaq. Lakin Arif bəylə bir-birimizi hörmətimiz
var. Şəxsi zəmində konfliktimiz yoxdur. Digər məsələlərə gəlincə,
əgər Arif bəy iradlarımızı nəzərə alıb addımlar atarsa, o zaman heç
bir problem qalmayacaq. Söhbət şəxsdən yox, siyasətdən, partiyadan
gedir.
- Qurultayda ən az siz səs topladınız. Bu, Müsavatdakı
elektoratınızın sayını göstərir, yoxsa...?
- Qurultaya nümayəndələr seçilir və bu seçilmişlərin səsverməsidir.
Yəni 500-1000 nəfərlik rayon təşkilatından 22 nəfər seçilirsə,
onlar həmin rayonun səsi hesab olunur. Bu baxımdan səsim az oldu.
Digər tərəfdən, qurultay nümayəndələri 2010-cu ildən seçilməyə
başlamışdı. O zaman mənim başqanlıq iddialarım yox idi. Ona görə də
qurultay nümayəndələrinin seçilməsində maraqlı tərəf kimi çıxış
etməmişəm. Mənim seçicilərimin böyük əksəriyyəti qurultay
nümayəndəsi deyildi. Misal üçün, qurultayın 600 nəfərə yaxın
nümayəndəsindən 10-a yaxını gənc idi. Səsvermədə də bu özünü
göstərdi. Lakin bunu partiyadaxili nüfuzun, elektoratın göstərici
kimi qəbul etmirəm. Çünki partiyada bizim fikrimizi qəbul edən
kifayət qədər gənc var.
Bununla yanaşı, qurultaydan keçən 4 ay ərzində Arif Hacılının
elektoratını gücləndirdiyinə inanmıram. Əminəm ki, Arif bəy atdığı
addımlar sayəsində elektoratını zəiflədib. Hətta Qubad bəyin də
elektoratı zəifləyib. Lakin mənim partiyadaxili nüfuzum və
elektoratım güclənib.
- Belə başa düşdüm ki, Arif bəylə Qubad bəyin qarşıdurması
sizə siyasi cəhətdən xeyirdir.
- Burda iki məsələ var: partiyadaxili maraqlar və Azərbaycan
maraqları. Mən Azərbaycan maraqlarından çıxış etməyin tərəfdarıyam.
Hesab edirəm ki, Müsavat daxilində qarşıdurmalar ölkədə
demokratiyanın inkişafına, demokratik müxalifətin hakimiyyətə
gəlməsinə zərbə vurur. Burda mənim hansısa qarşıdurmadan
partiyadaxili divident yığıb-yığmamağım maraqlı deyil. Yaxud
rəqiblərimin nə qədər zəifləməsi ümumi mənada heç kimə xeyir
gətirmir. Fikrimcə, hər zaman Azərbaycan maraqları üstün
tutulmalıdır.
- Partiyada narazılara qarşı Müsavat Divanının tutduğu
mövqe nə dərəcədə doğrudur?
- Təəssüf ki, qurultaydan sonra Mərkəzi Nəzarət Təftiş Komissiyası
(MNTK) kənarda qalıb, Divan məhkəmə funksiyasını yerinə yetirir.
Əslində cəzalandırmalara, yaxud bu kimi məsələlərə MNTK baxmalıdır.
Divan partiyanın strateji kursunu seçmək, iqtidara gəlməyin
yollarını axtarmaq əvəzinə, partiya üzvlərinə siyasi mövqeyinə görə
divan tutur. Ortada Divanın qərarı ilə partiyadan çıxarılan Səxavət
Əlisoy nümunəsi var. Belə təəssürat yaranır ki, Qubad İbadoğlu və
Ellada Məmmədlini də partiyadan çıxarmaq üçün Divana dəvət etdilər.
Fikrimcə, bu dəvət gələcəkdə ikisindən birinin partiyadan
çıxarılmasına zəmin yaratmaq üçündür. “Biz dəvət etdik,
inandırmağa, düz yola gətirməyə çalışdıq, lakin dağıdıcı mövqedən
çəkinmədilər” yanaşması sərgiləyəcəklər. Bu, xoşagələn nümunə
deyil. Əgər kiminsə onlarla söhbət etmək zərurəti varsa, Arif bəy
başqan kimi barışdırıcı mövqe tutaraq təklikdə görüşsün. Yaxud
cəzalandırmaq istəyirlərsə, MNTK-ya dəvət etsinlər. İstənilən
halda, Divanın “dəvətləri” partiyaya ziyandır.
- Sizə elə gəlmir ki, bir gün sizin və ətrafınızın da
növbəsi çatacaq və bu gün baş verənlər sizlərə qarşı tətbiq
olunacaq?
- Təbii ki, bu yanaşma var. Çünki burda şəxslərdən daha çox, əks
fikrə, tənqidə dözümsüzlük əsasdır. Tənqidin kimin deməyi əsas
deyil. Tənqidi susdurmaq istəyi var. Biz bunu qəbul etmirik. Əminəm
ki, sabah bu məsələlər mən və ya digərlərinə qarşı da tətbiq oluna
bilər. Məsələni şəxsləşdirmək, məhz Qubad İbadoğlu, yaxud Səxavət
Əlisoydur deyə belə addım atılır fikrini yaxın buraxmaq istəmirəm.
Sabah eyni mövqe Tural Abbaslı, Rüfət Hacıbəyli, yaxud o birilərinə
qarşı sərgilənə bilər. Baxmayaraq ki, bu insanların fəaliyyəti bu
günə qədər partiyanın inkişafına gətirib çıxarıb. Bunun üçün həmin
insanlar min cür məhrumiyyətlərlə üzləşib. Təsəvvür edin, bir gün
gəlir və bu insanlar daxili siyasi mübarizələrə qurban verilir.
Ümid edirəm ki, Müsavat o həddə qədər anti-demokrat partiya
olmayacaq. Ən azından buna imkan vermək fikrində deyilir.
- Maraqlıdır, İsa Qəmbər bu günə qədər niyə
susur?
- İsa bəy əslində susmayıb. O qurultaydan sonra mövqeyini açıq
şəkildə ortaya qoydu. Mətbuatdan da onun mövqeyi hər kəsə bəllidir.
Bəlkə də indiki rəhbərliyin belə aqressiv, arxayın siyasət
yürütməsinin səbəbi də İsa bəyin sərgilədiyi mövqedən irəli gəlir.
Yəni bir az da ondan ruhlanaraq iş görürlər. Lakin mənim İsa bəyi
barışdırıcı mövqedə dayanmadığına görə ittiham etmək fikrim yoxdur.
Çünki o Məclis üzvüdür. Uzaqbaşı deyəcək ki, mən başqan deyiləm,
Məclis üzvüyəm.
Amma bir məsələ dəqiqdir. Qarşıdakı 4 il müddətində Müsavatın müsbət və mənfi işi, yaxud baş verən təlatümlər Arif Hacılının siyasi karyerasına yazılacaq və yazılmalıdır da.
Asif Nərimanlı
-
İdman13:46
"Real"ın ÇL-dəki qəhrəmanı bu gözəllə eşq yaşayır - FOTOLAR
-
Avropa13:16
Fransanın ikiüzlülüyü: Avropada Rusiya qazının ən böyük alıcısı oldu
-
Region12:41
Özünün dənizə çıxışı yoxdur, başqalarını şirnikləndirir: İrəvan Ər-Riyadda nə təklif edib?
-
Hadisə12:15
Məktəbin həyətində faciəvi şəkildə ölən 10 yaşlı Fərhanın FOTOSU
-
Nida Xəbər 11:43
Prezidentin yüksək vəzifəyə təyin etdiyi Anar Axundov kimdir? - DOSYE
-
Sosial11:12
Aytən Səfərovanın son vəziyyəti AÇIQLANDI
-
Cənubi Qafqaz10:55
Rusiyanın Gümrüdəki hərbi bazasına hücum oldu - DETALLAR
-
Dünya10:15
Bayden İsrailə bu İsrail şəhərinə hücumu qadağan etdi: Rusiya ələ saldı