Nida.az
Bu gün Qubad İbadoğlunun taleyi həll olunur – QARŞIDURMA GÖZLƏNİLİR
Bu gün saat 18:00-da Müsavat Divanının Qubad İbadoğlunun iştirakı ilə növbədənkənar toplantısı keçiriləcək.
Publika.az xəbər verir ki, Divan toplantısının vaxtının
dəyişməsi Q. İbadoğlunun 10 günlük xarici səfərə hazırlaşması ilə
bağlıdır. Lakin Q. İbadoğlu Divanda öz şərtləri daxilində iştiraka
razı olacağını açıqlayıb.
“Bir müsavatçı olaraq hər bir partiyadaxili məsələnin bağlı
qapılar arxasında deyil, açıq müzakirəsinin tərəfdarı kimi dəvəti
məmnuniyyətlə qəbul edirəm və Divanın iclasının açıq keçiriləcəyi,
maraqlanan partiya üzvlərinin iclasda müşahidəçi kimi iştirakının
təmin olunacağı, qeyd və çəkiliş üçün imkan yaradılacağı təqdirdə
iclasa qatılmağa razıyam”, - deyə o bildirib.
Onun sözlərinə görə, fevralın 9-da (növbəti həftənin birinci günü -
red) Divanın iclasına dəvət edilsə də, həmin tarixdən fevralın
18-dək Vaşinqtonda səfərdə olacaq: “Mən bildirdim ki, fevralın
23-də Divanın növbəti iclasında iştirakımla bağlı heç bir problem
olmayacaq. Amma buna baxmayaraq, dünən yenidən mənə Divanın
iclasına dəvət göndəriblər. Yeni rəhbərlik Müsavatın tarixində ilk
dəfə Divanın iclasının vaxtını mənə həsr etdikləri bir məsələyə
görə dəyişib. Adətən, həftənin ilk iş günü (bazar ertəsi) saat 2-də
keçirilən iclasın vaxtı bu dəfə cümə günü axşam saat 6-ya
dəyişdirilib”.
Azərbaycan Demokratiya və Rifah (ADR) hərəkatının Təşkilat
Komitəsinin üzvü Səxavət Əlisoy isə Publika.az-a
açıqlamasında Q. İbadoğlunun Divanda iştirak etmək qərarının
kollegial olaraq verildiyini bildirib: “Bu, Qubad İbadoğlunun şəxsi
qərarı deyil. Dünən ADR-in Təşkilat Komitəsinin iclası keçirildi.
Orda Qubad bəyin və Ellada xanımın Divanda iştirakı haqda qərar
qəbul edildi. Qərara görə, Divan açıq keçirilməli, müsavatçı
dostlarımız və media orada iştirak etməlidir. Bu, 1937-ci illərdə
olduğu kimi, üçlüyün istintaq məhkəməsi deyil. Demokratik
partiyanın Divanının toplantısıdır. Orda nəinki Müsavat
Partiyasının sıravi üzvləri, hətta media mənsubları olacaq. Onların
nə demək istədikləri, Divanın məhkəmə, yaxud KQB olduğu cəmiyyətə
bəlli olmalıdır”.
S. Əlisoy qeyd edib ki, sıravi müsavatçılar və media orqanlarının
iştirakına imkan yaradılmasa, Q. İbadoğlu toplantını tərk
edəcək.
“Onlar mətbuata açıqlamalarında qərarın saat 18:00-da Divanda
veriləcəyini bildiriblər. Lakin biz bununla razı deyilik. ADR-i
təsis edərkən əsas prinsiplərdən biri də şəffaflıq olub. Çünki bu
dövlət məsələsi və ya yaxud Ermənistan-Azərbaycan müharibəsi, yaxud
da terror təşkilatı deyil ki, hər şey gizli və bağlı qapılar
arxasında keçirilsin. Cəmiyyət hər şeyin şahidi olmalıdır. Biz
hətta toplantıda videoçəkilişin aparılmasını istəyirik. Əgər
şərtlər qəbul olunmasa, iştirak da olmayacaq”.
Müsavat başqanının müavini Elman Fəttah
Publika.az-a açıqlamasında son qərarın Divanda
veriləcəyini bildirib. Lakin o, toplantının qapalı keçiriləcəyi
ehtimalının böyük olduğunu bildirib.
“Divan qapalı qurumdur və onun toplantıları həmişə qapalı
keçirilib. Bu toplantı da adi toplantılardan biridir. Bunu xüsusi
edəcək nəsə yoxdur. Ona görə də Divanın toplantısı qapalı baş
tutacaq”, - deyə o bildirib.
Publika.az-ın Müsavata yaxın mənbələrdən əldə
etdiyi məlumata görə, bu gün Divanın toplantısı ərəfəsində partiya
qərargahında qarşıdurma yaşana bilər. Məlumata görə, Q. İbadoğlunun
tərəfdarları, o cümlədən rayon təşkilatından gələn müsavatçılar
həmin vaxt qərargahda olacaq. Onlar Divanın açıq keçirilməsi
tələbini irəli sürəcəklər.
Asif Nərimanlı
-
İdman15:15
Həbsxanadan məktub yazdı: İki zabitin qarşısında soyunmalı oluram - FOTOLAR
-
Rəsmi xronika14:51
Azərbaycan Qırğızıstanla Anlaşma Memorandumu imzaladı
-
Hadisə14:06
Sabiq baş pediatr özünü güllələdi - TƏCİLİ
-
Rəsmi xronika14:05
Prezidentlər mətbuata bəyanatlarla çıxış etdilər - Yeniləndi
-
MDB13:33
Simonyanın İspaniyadakı çıxışı Rusiyanı qəzəbləndirdi: Senatorlara göstəriş verildi
-
Qoroskop13:25
Gecə 03:48-də başladı: mayın 10-a qədər... - Astroloqdan ŞOK XƏBƏRDARLIQ
-
İdman12:36
Görün ulduz futbolçuların xanımları hansı peşələrdə çalışırmış - FOTOLAR
-
Magazin112:01
Cavanşir Məmmədova gələn müəmmalı zəng: son sözü bu olub