Nida.az
Putinin masasındakı Olland və Merkel: Kremlin fasadı arxasında nələr oldu?
Dünən Almaniya kansleri Angele Merkel və Fransa prezidenti Fransua Olland gözlənilmədən Kremlə gəldi.
Mətbuat üçün protokol görüşməsindən belə imtina edən üç lider bütün danışıqları bağlı qapılar arxasında keçirdi. Olland və Merkelin Putinin masası arxasında oturan zamanı diqqət çəkən məqam iki Avropa liderinin Kremlin rəhbərinə nəzakət xatirinə gülümsəməsi idi. Putin də öz növbəsində məcburi şəkildə üzünə təbəssüm qondurmuşdu. Hər şey 59 saniyə çəkdi və liderlər qapıları hər kəsin üzünə bağladı.
Bu səfər Almaniya torpaqlarında dünya liderlərinin 51-ci Münhen
beynəlxalq təhlükəsizliyi konfransına toplaşması fonunda da diqqət
çəkirdi. Konfransda əsas müzakirə mövzusu Ukrayna olduğu kimi
Kremlə təşrif buyuran avropalı liderlər də çantalarında Kiyevin
taleyini daşıyırdı.
Publika.az xəbər verir ki, Putinin mətbuat katibi Dmitri Peskov
tərəflərin Minsk danışıqlarını davam etdirməsi haqda qərar qəbul
etdiyini bildirib.
“Hazırda iş Minsk razılaşması üzrə mümkün sənədin hazırlanması istiqamətində gedir. Sənədə Ukrayna prezidentinin, həmçinin Rusiya prezidentinin əlavə təklifləri daxil edildi. Danışıqlar kifayət qədər konstruktiv və məzmunlu oldu”, - deyə Peskov diplomatik dildə danışıb.
Öz növbəsində Almaniya və Fransa da danışıqlarla bağlı məmnun
ifadələr işlətdi, yaxud özlərini belə göstərdilər.
Məlumata görə, tərəflər fevralın 8-də yenidən telefon danışıqları aparacaq. Bunu müsbət hal hesab etmək olar. Lakin sonda ümumi bəyanatın verilməməsi də diqqətdən yayınmadı.
Qeyd edək ki, Moskvaya səfər öncəsi Merkel və Olland Kiyevdə
Proşenko ilə görüşüb. Güman ki, ümumi gedişləri birgə müzakirə
etdikdən sonra Kreml səfəri reallaşdı.
Xəzər Əməkdaşlıq İnstitutunun baş direktoru Sergey Mixeyev hesab
edir ki, Olland və Merkelin Kreml səfəri Proşenkonun postunu
qorumaq məqsədi daşıyır. Onun iddialarına görə, Ukraynaın
cənub-şərqində döyüşlər davam edir və bu, iki həftədən sonra
Proşenkonun prezidentliyinin sona çatması ilə nəticələnə bilər:
“Avropalı liderlər Kreml gələrək Putini sakitləşdirmək və beləliklə
Proşenkonun postunu müdafiə etmək istəyirlər. Çünki Qərb Rusiyasız
Ukrayna problemini həll edə bilmir. Maydan hadisələrindən bir il
keçsə də Ukraynada böhran hər keçən gün yüksəlir. Beynəlxalq
vasitəçilər olmasa, Kiyev sağ qalmayacaq”.
S. Mixeyev hesab edir ki, Avropalı liderlər öz mövqelərini Amerika
ilə razılaşdırıb.
“Belə insanlar təsadüfən bir yerdə meydana çıxmır. Burda Avropa
Birliyi və Amerika eyni oyunu oynayır. Sadəcə olaraq, gedişlər bir
qədər fərqlidir. Amerikalılar qamçı göstərir, avropalılar yumşaq
davranır”, - deyə o bildirib.
Rusiyalı politoloq Aleksey Qusev isə hesab edir ki, Olland və
Merkelin səfəri münaqişəni bir qədər səngidəcək: “Həllinə nail
olunmasa belə, yeni toqquşmaların qarşısı alına bilər”.
Onun sözlərinə görə, burda əsas mövqe ABŞ-a aiddir.
“Avropa ABŞ-dan tamamilə asılıdır və bütün proseslərdə Vaşinqton
əsas oyunçudur. Kremlə səfər etmək planı da ABŞ-da razılaşdırılıb”,
- deyə o bildirib.
Hazırda görüşün tam detalları açıqlanmır. Lakin bu səfərin
münaqişəyə müsbət təsir edəcəyini düşünənlər də var, bunun əksini
söyləyənlər də.
Asif Nərimanlı
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda AİLƏ FACİƏSİ: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu