Nida.az
Qubad İbadoğlu yıxıb-sürüdü: “Arif Hacılı, şər, böhtan, nifrət, irin və çirkab...”
Müsavat Divanı tərəfindən partiyadan çıxarılan başqanlığa keçmiş namizəd, Azərbaycan Demokratiya və Rifah (ADR) hərəkatının Təşkilat Komitəsinin sədri Qubad İbadoğlu Arif Hacılının “Yeni Müsavat” qəzetində ona qarşı yazdığı məqaləyə cavab verib.
Publika.az xəbər verir ki, Q. İbadoğlu “facebook”
səhifəsində “Arif Hacılının “qəzəb gəldi, ədəb getdi” missiyası”
adlı yazıda fikirlərini paylaşıb.
“Arif Hacılı 90-cı illərdən qalma klassik üslubuna bir daha
sadiqlik nümayiş etdirib, pafos və böhtan dolu bir yazını “bizim
missiyamız” adı altında gün üzünə çıxarıb, elə hey məni
anti-Müsavat kampaniyası aparmaqda, təhqir və böhtan yazmaqda
ittiham edib. Hətta yazdıqca bir az da cuşa gəlib, uydurma
fikirlərini dırnaq içərisinə salaraq məni qaralamaq üçün
ictimaiyyətə nələrisə təlqin etməyə çalışıb. Arif Hacılıya gələn
vəhyə görə, “Sizin saxta seçkilərdən danışmağa haqqınız yoxdur”,
“Hakimiyyətin korrupsiya fəaliyyətindən danışmayın” kimi absurd
ittihamları guya mən ya yazmışam, ya da demişəm. Diqqətinizə bir
daha çatdırıram, bütün “Facebook” açıqlamalarım səhifəmdədir,
silməmişəm, mətbu orqanlara dediklərim isə müvafiq saytlarda qalır.
Gedin bir də oxuyun. Görün ki, bütün açıqlamalarımın ruhunda
partiya daxilində barışa, sülhə, həmrəyliyə çağırış var”, - deyə o
bildirib.
Q. İbadoğlu hesab edir ki, A. Hacılı həmin yazıları yüz dəfə də
oxusa, həqiqəti görə bilməyəcək: “Yüz dəfə də oxusanız, bu işığı
görə bilməyəcəksiniz. Çünki mənə və ədalət, şəffaflıq, yenilik,
dəyişiklik istəyən müsavatçılara olan nifrətiniz gözünüzü
pərdələyib, qan çanağına döndərib. Sizin missiya adlandırdığınız 4
min 500 işarəlik yazınız birinci cümləsindən sonuncuya,
təpədən-dırnağa kimi şər, böhtan, nifrət, irin və çirkabla doludur.
Tapşırığınızı icra edən simasızları qoyuram bir qırağa, təkcə iki
qardaşınızın mənim ünvanıma söylədikləri uydurma böhtan və
təhqirlərə görə şeytan da onlara həsəd aparar. Bunlar heç şeytanın
da ağlına gələ bilməzdi! Mənim bütün fəaliyyətim açıqdır,
şəffafdır, göz qabağındadır. Mən bağlı qapılara arxasında
sövdələşmələrə getmirəm, sözümü, fikrimi açıq, üzbəsurat deyirəm.
Missiyanızı oxuyub, “təsirlənməmək” əldə deyil”.
ADR təsisçisi Arif Hacılıya xitabən “Demokratiya faizlə ölçülmür”
deyə qeyd edib.
“Arif Hacılı, az və ya çox demokratiya yoxdur. Demokratiya ya var,
ya da yoxdur! Sizdən fərqli olaraq mənim yeganə istinad mənbəyim
ədalətdir. Ona görə də ölkədə insan haqlarının pozulmasına da
etiraz edirəm, 100 illik Müsavatın bu günə qalmasına da. Çünki
ədalət istəyən, ilk növbədə, özü ədalətli olmalıdır! Qaldı
yazdığınız “anti - Müsavat mövqeyi ilə seçilən Rəsul Quliyev,
Zərdüşt Əlizadə, iqtidar təbliğatının ruporu olan televiziya
kanalları, mətbuat orqanları” ittihamına, mən nə Rəsul Qulyevin, nə
də Zərdüşt Əlizadənin həqiqi Müsavata qarşı çıxdıqlarını
görməmişəm.
Məgər Rəsul bəy, Zərdüşt bəy və məni müdafiə edən onlarla digər siyasətçilər düşündüklərini söyləmək üçün Arif Hacılıdan ərizələrinə dərkənar qoymağı gözləməlidirlər?! İftira atırsınız, mən iqtidara yaxın olan televiziya kanallarına, mətbuat orqanlarına müsahibə verməmişəm. Partiyada barışıq olması, ocağın körüklənməməsi naminə dəfələrlə onların dəvətini geri çevirmişəm. Yalnız ANS kanalında danışımışam. Onda da həmişəki kimi sizə səslənmişəm: “Müsavatı parçalamayaq, gəlin oturub, hər şeyi müzakirə edək, problemdən yeganə çıxış yolu ədalət istəyən müsavatçıların partiyadan qovulması deyil, açıq müzakirədir” demişəm, bütün sivil vasitələrdən istifadə etməyə çağırmışam. Gedin yazdıqlarınızı soyuq başla bir də oxuyun, ya da ədalətinə ən çox güvəndiyiniz adama oxutdurun. Onda biləcəksiniz ki, bu irin-qan yığnağı Müsavatın missiyası ola bilməz, bu sizin “qəzəb gəldi, ədəb getdi” missiyanızdır. Bu missiyanın isə Müsavata dəxli yoxdur!” - deyə o bildirib.
Asif
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK