Nida.az
“Norveç faşist ölkəsi olanda..” - 77 nəfəri öldürmüş Breyvikin 12 tələbi var
Publika.Az xarici mediay istinadən xəbər verir ki, Norveçdə kütləvi qətllər törətdiyinə görə məhkum edilmiş Anders Behring Breyvik özünün həbsxanadakı şəraitini “işgəncə” kimi təsvir edir. AFP agentliyinə yazdığı məktubda Breyvik ona yaxşı video oyunlarının verilməməsinə etirazını bildirir.
2011-ci il, iyulun 22-də odlu silah və bomba partlayışları ilə
77 insanın həyatına son qoymuş sağ təmayüllü ekstremist həbsxana
rəhbərliyinə 12 maddədən ibarət tələbnamə göndərib.
O indiyədək saxlandığı iki həbsxanadakı şəraitini “işgəncə”
adlandırıb.Breyvik gündəlik gəzintisi üçün daha yaxşı şərait,
həmçinin xarici aləmlə daha sərbəst kommunikasiya imkanı tələb
edib.Breyvik israr edir ki, tələbləri Avropanın insan haqlarına
dair qanunlarına uyğundur.
Məhbus habelə, ona oynamaq üçün verilmiş PlayStation 2 oyun
dəstinin qət təzə PS3 dəsti ilə əvəzlənməsini, ona özünün seçdiyi
kompüter oyunlarına giriş verilməsini tələb edir.
Breyvik kameradakı “narahat stulun” divan və ya kreslo ilə
əvəzlənməsini istəyir.“Başqa məhbuslara böyüklər üçün video
oyunları verirlər, mənə isə maraqsız oyunlar verilir. Məsələn,
“Rayman Revolution” üç yaşlılar üçün nəzərdə tutulan oyundur” –
yazır 35 yaşlı Breyvik.
Breyvik 2011-ci ildən bəri təhlükəsizlik prosedurlarına uyğun
olaraq başqa məhbuslardan tamamilə təcrid edilmiş şəraitdə
yaşayır.
O iddia edir ki, başqa məhbuslarla müqayisədə daha çox “nümunəvi
davranış” nümayiş etdirib və buna görə də sərt təcridolunmanın
müqabilində ona daha geniş fəaliyyət növləri ilə məşğul olmaq
imkanı verilməlidir.
Breyvik həmçinin ona hər həftə verilən 300 kron (40 manat)
cibpulunun artırılmasını tələb edir.O bildirir ki, bu pul ona
xarici aləmlə məktublaşmaq üçün lazımdır.Onun elektron poçtu ciddi
şəkildə monitorinq edilir, bu isə, onun fikrincə kommunikasiyanı
gecikdirir.Breyvik ona verilmiş yazı makinəsini rədd edir və
kompüterə giriş istəyir.
“Siz məni cəhənnəmə salmısınız…mən bu şəraitdə çox yaşaya bilmərəm”
– yazır şikayətində Breyvik.O tələblərinin yerinə yetrilməyəcəyi
təqdirdə aclığa başlayacağı ilə hədələyib.
“Əgər mən ölsəm, Avropanın bütün sağ təmayüllü ekstremistləri məni
kimlərin işgəncə verərək öldürdüklərini dəqiq biləcəklər – deyə
hədələyir Breyvik, - bu həmin fərdlər üçün yaxın gələcəkdə və
Norveç qarşıdan gələn 13-40 ildə yenidən faşist rejimi tərəfindən
idarə olunanda çox pis nəticələrə səbəb ola bilər”.
Xatırlatmaq yerinə düşərdi ki, indi özünü “siyasi məhbus”
adlandıran Anders Breyvikin 2011-ci ilin 22 iyulunda paytaxt Osloda
hökumət evinin qarşısında törətdiyi bomba partlayışında 8 nəfər
həlak olub.O daha sonra Utoya adasındakı Gənclik düşərgəsinə
gedərək 69 yeniyetməni odlu silahla öldürüb.
Breyvik yanvarın sonunda yazdığı məktubda Ədliyyə naziri Anders
Anundsen-dən və Norveç İslah Xidmətindən “onunla heyvan kimi rəftar
olunmasını” dayandırmağı tələb edir.
Norveç hakmiyyət orqanları bu şikayətlərə gələn həftə münasibət
bildirəcəklərini vəd ediblər.
İsmayıl
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ