Nida.az
Uorlik Prezidentlə nələri danışdı? - VİDEO
Prezident İlham Əliyevlə görüşdən sonra ATƏT-in Minsk
Qrupunun amerikalı həmsədr Ceyms Uorlik ANS-ə ekskluziv açıqlama
verib.
Amerika Birləşmiş Ştatlarının Bakıdakı səfirliyində baş tutan
müsahibədə həmsədr prezidentlə danışıqların bəzi detallarını bizə
açıqladı.
- Təmas xəttində Ermənistanın təxribatı nəticəsində
yaranmış son vəziyyəti necə təhlil edərdiniz, münasibətiniz
necədir?
- Sualınızı cavablandırmadan öncə mənə müsahibə imkanı yaratdığınız
üçün sizə təşəkkürümü bildirirəm. Hər bir zaman Bakıya gəlmək mənə
çox xoşdur. Ona görə ki, hər dəfə Bakıya gələndə həm prezident
İlham Əliyevlə, həm də digər rəsmilərlə görüş imkanı əldə edirəm.
Bizi həqiqətən Azərbaycan və Ermənistanın təmas xəttində yaranmış
vəziyyət çox narahat edir. Çünki, bizim narahatçılığımız üçün
həqiqətən tutarlı səbəb var. Keçən il bu baxımdan çox təhlükəli bir
il oldu. Bir il ərzində təxminən 60 nəfər həyatını itirmişdi. Bu
ildə həmin gərginlik davam edir. Elə təkcə yanvar ayı ərzində 12
nəfər həyatını itirib. Onu da qeyd etmək istəyirəm ki, biz həm
Azərbaycana, həm də Ermənistana üzümüzü tutaraq deyirik ki, bu kimi
addımlar atmaqdan çəkinsinlər. Düşünürük ki, burada əsas amil
razılaşdırılmış sülh sazişinə, atəşkəs rejiminə riayət
etməkdir.
- Azərbaycan prezidenti də dəfələrlə münaqişənin həllinin
uzanmasında, o cümlədən də cəbhə xəttində gərginliyin artmasında
rəsmi İrəvanı ittiham edir. Əslində bu kifayət qədər də əsaslanmış
bir ittihamdır. Çünki, həmsədr olaraq prosesləri yaxından
izləyirsiniz və sizə məlumdur ki, Ermənistan tərəfi ilə aparılan
danışıqların müsbət bir mərhələsində işğal olunmuş ərazilərdə
irimiqyaslı hərbi təlimlərə başladı. Həmsədr olaraq sizin
Ermənistana hər hansı bir təzyiq mexanizminiz varmı?
- Bu sualınıza cavab olaraq onu demək istəyirəm ki, Dağlıq Qarabağ
münaqişəsi hərbi yolla həll oluna bilməz. Hərbi yoldan istifadə
sülh istiqamətində həyata keçirilən danışıqları geriyə çəkərək
münaqişənin həllini gecikdirir. Bununla yanaşı istənilən hərbi
əməliyyatlar həyata keçiriləndə Azərbaycan və Ermənistanın həm
insani, həm də iqtisadi itkilərlərlə üz-üzə qalır. Bu səhər ATƏT-in
Minsk Qrupunun həmsədrləri prezident İlham Əliyevlə görüş
keçiriblər. Bu görüşdə biz prezident İlham Əliyevə dedik ki, son
zamanlar təmas xəttində yaranan gərginlik bizi çox narahat edir. Bu
məsələdən cənab İlham Əliyev də narahatlıq keçirdiyini qeyd etdi.
Düşünürəm ki, hal-hazırda hər bir kəsin önündə bir çağırış var. Baş
verən zorakılıqları, insan itkilərini, dağıntıları bir kənara qoyub
gələcək irəliləyiş üçün addımlar atmalıyıq ki, Dağlıq Qarabağ
münaqişəsi sülh yolu ilə həll olunsun. Münaqişənin sülh yolu ilə
həll olunması hər iki dövlətə, eləcə də bütün regiona öz bəhrəsini
verəcək.
- Gərgin vəziyyət göstərdi ki, dondurulmuş münaqişə region
üçün istənilən halda təhlükədir. Amma Ukrayna məsələsi ilə əlaqədar
Qərb dövlətləri birləşərək Rusiyaya qarşı sanksiya tətbiq etdilər.
Amma 20 ildir Azərbaycanın əraziləri işğal altındadır, amma
Ermənistana qarşı heç bir sanksiya tərtbiq olunmur.
- Öncə onu qeyd etmək istərdim ki, biz Azərbaycanın suverenliyi və
ərazi bütövlüyünü tamamilə dəstəkləyirik. Lakin bilirsinizmi,
sözügedən münaqişələr ümumiyyətlə zəmin baxımından çox
fərqlənirlər. Sadəcə olaraq Dağlıq Qarabağ münaqişəsi ilə Ukrayna
böhranını yaxud da Gürcüstanda, Moldovada yaranan münaqişə
vəziyyətinə paralel xətlər çəkmək lazim deyil. Bunlar tamamilə
fərqli münaqişələrdir və bunların həllinə müxtəlif yanaşmalar
mövcuddur. Bununla yanaşı onu da qeyd etmək istəyirəm ki, istənilən
münaqişənin həlli istiqamətində müəyyən elementlər və prinsiplər
var ki, bunlar bir növ universal olan amillərdir. Hər bir
konfliktin həll olunması üçün müxtəlif bir zəmin yaradırlar.
Düşünürəm ki, biz Dağlıq Qarabağ münaqişəsinə məhz bu nöqteyi
nəzərdən yanaşmalıyıq. Yəni ki, sözügedən elementləri və
prinsipləri toplayaraq onlara hörmətlə yanaşılmasını təmin
etməliyik. Düşünmürəm ki, müxtəlif münaqişələri eyniləşdirib eyni
təsir metodundan istifadə etmək olar.
- Cənab Uorlik, 15 il öncə həmsədrlər münaqişənin həlli ilə
bağlı regiona səfərə gəlirdilərsə, o zaman istənilən halda ölkə
əhalisində də onların gəlişini gözləmək üçün bir maraq var idi.
Yəni insanların onlara qarşı bir ümidi vardır. Belə ki, həmsədrlər
münaqişəni sül yolu ilə həllində bizə yardımçı olacaqlar. Amma
zaman keçdikcə həmsədrlərin gəlişi və gedişinə artıq sadə
Azərbaycan vətəndaşı da onların səfərlərinə turist səfəri kimi
baxmağa başladı. Həmsədrlər bu stereotipi dağıtmaq üçün nə edə
bilərlər?
- Biz Azərbaycana və Ermənistana hər səfərimizdə Dağlıq Qarabağ
münaqişənin həlli istiqamətində vasitəçilik işini həyata keçiririk.
Münaqişənin həll olunması istiqamətində həll yolunun tapılması və
razılaşdırılması bilavasitə Azərbaycan və Ermənistan
prezidentlərinin, eləcə də sözü gedən dövlətlərin hakimiyyətlərinin
bir növ seçimidir.
- Bu gün cənab prezident İlham Əliyevlə görüşdünüz. Hansı
təkliflərlə gəlmişdiniz və dövlət başçsından nələri
eşitdiniz?
- ATƏT-in həmsədrləri olaraq görüşlərə dair bəzi məlumatları gizli
saxlamalıyıq. Sadəcə olaraq onu deyə bilərəm ki, biz prezidentlə
görüşümüz zamanı onu müşahidə etdik ki, cənab İlham Əliyev
həqiqətən sülhsevərdir. O problemin sülh istiqamətində həllində
maraqlıdır. Bizim apardığımız işi yaxşı qiymətləndirən prezident
məsələ ilə bağlı öz baxışlarını da bizimlə paylaşdı. Onu da qeyd
etmək istərdim ki, Azərbaycan prezidenti ilə hər dəfə görüşəndı
bizim üçün faydalı olur. Çünki, o, həmişə açar olan məsələlərə öz
diqqətini yönəldir. Düşünürəm ki, bu baxımından prezident İlham
Əliyevlə görüşlər keçirmək faydalıdır.
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?