Nida.az
Sərdar Cəlaloğlu: “Müsavat düzəlir, AXCP Məşədi İbad kimi davranır”
Bunu Publika.az-a açıqlamasında Azərbaycan Demokrat Partiyasının (ADP) sədri Sərdar Cəlaloğlu deyib.
Partiya sədrinin fikrincə, AXCP demokratiyanın mahiyyətini anlamır: “Demokratiyanın iki prinsipi var: əksəriyyət və konsensus. Əksəriyyət prinsipi mübarizə, konsensus isə əməkdaşlıq tələb edir.
Azərbaycanda insanların çoxu əksəriyyət prinsipini rəhbər götürür. Bu da bolşevik təfəkkürü deməkdir. Konsensus, razılaşma olmayan ölkədə demokratiyadan danışmaq yersizdir. Konsensusun nə olduğunu başa düşməyən qüvvələr razılaşmanı üstün tutanları satqın kimi qələmə verirlər. Biz rəqabət aparanda bir-birimizə qarşı piar edirik. Hər birimizin nöqsanını göstərib, onu qabartmalıyıq.
Biz onları əvəzləmək istəyiriksə, onların zəif tərəflərini
tənqid etməliyik. Əməkdaşlıqda isə tərəflər bir-birinin yalnız
yaxşı tərəflərini görüb onun əsasında yaxınlaşmalıdır. Yəni mən
iqtidarın hansısa bir hərəkətini tərifləyirəmsə, yaxud iqtidar
müxalifətin hansısa qüvvəsini tərifləyirsə, belə çıxır ki, bu
satqınlıqdır. Halbuki söhbət əməkdaşlığın fəlsəfəsindən gedir.
Məşədi İbadın bir əhvalatı var: “Aç qapını, gəlib səni öldürək”.
Siyasi dialoqa bu cür yanaşmaqla, dialoq baş tutmaz. Çünki
içəridəki bilir ki, sən onu öldürməyə gəlmisən, o, qapını
açarmı?”
S. Cəlaloğlu AXCP-ni Məşədi İbada bənzədib. Onun sözlərinə görə,
cəbhəçilər dialoqa bu personaj kimi yanaşır: “Düşünürlər ki, dialoq
onların hakimiyyətə gəlməsi üçün təşkil edilməlidir. Hansı iqtidar
belə dialoqa gedər? Bu, dialoqu başa düşməməkdən irəli gəlir.
Siyasi dialoqda hakimiyyət məsələsi yox, siyasi inkişaf məsələsi
həll olunur. Kimlər üçün siyasi inkişaf yox, hakimiyyət
maraqlıdırsa, dialoqa gəlmir”.
ADP sədri Müsavatın mövqeyini alqışlayıb. Onun fikrincə, Müsavat
Partiyasının dialoqa yanaşmasında irəliləyişlər var.
“Müsavat daha çox dialoqun effektli olması problemini önə çəkir.
Yəni ehtiyatla yanaşır, predmetin və formatın konkretləşməsini
gözləyir. Biz keçən görüşdə bunu müəyyələşdirmişik. Artıq Müsavat
Partiyasının qarşısında qeyri-müəyyənlik yoxdur. Konkret olaraq
format və predmet məlumdur. Onlar da format və predmetin məlum
olacağı təqdirdə görüşə gələcəklərini açıqlamışdılar. Üçüncü
dialoqda Müsavat Partiyasının iştirakı labüddür. Dialoqa satqınlıq
kimi baxan AXCP kimi partiyanın orda iştirak etməməsi daha
yaxşıdır”, - deyə o bildirib.
ADP sədri növbəti görüşlərdə aktual olan məsələlərdən də danışıb.
Onun sözlərinə görə, Qarabağ mövzusu bütün dövrlər üçün aktual
olduğu üçün bu məsələdə iqtidar-müxalifət arasında fikir ayrılığı
yoxdur: “Qarşıdakı görüşlərdə ən aktual məsələlərdən biri
seçkilərlə bağlı olacaq. Çünki seçki yaxınlaşır və seçki mühitinin
yaxşılaşdırılması, islahatların aparılması kimi məsələlər müzakirə
olunacaq”.
Asif Nərimanlı
-
MDB15:56
Həbs olunan generalla bağlı şok iddia: Boşanması uydurma olub
-
İdman15:15
Həbsxanadan məktub yazdı: İki zabitin qarşısında soyunmalı oluram - FOTOLAR
-
Rəsmi xronika14:51
Azərbaycan Qırğızıstanla Anlaşma Memorandumu imzaladı
-
Hadisə14:06
Sabiq baş pediatr özünü güllələdi - TƏCİLİ
-
Rəsmi xronika14:05
Prezidentlər mətbuata bəyanatlarla çıxış etdilər - Yeniləndi
-
MDB13:33
Simonyanın İspaniyadakı çıxışı Rusiyanı qəzəbləndirdi: Senatorlara göstəriş verildi
-
Qoroskop13:25
Gecə 03:48-də başladı: mayın 10-a qədər... - Astroloqdan ŞOK XƏBƏRDARLIQ
-
İdman12:36
Görün ulduz futbolçuların xanımları hansı peşələrdə çalışırmış - FOTOLAR