Nida.az
Ermənistanın Rusiyadakı səfirliyinə etiraz məktubu təqdim edilib - FOTO
Azərbaycanlı gənclər Ermənistanın Rusiyadakı səfirliyinə etiraz məktubu təqdim ediblər.
Diasporla İş üzrə Dövlət Komitəsinin mətbuat xidmətindən Publika.az-a verilən məlumata görə, Rusiya Federasiyasının paytaxtı Moskva şəhərində bir qrup azərbaycanlı gənc Ermənistanın Rusiyadakı səfirliyinə etiraz məktubu təqdim edib. Səfirlik əməkdaşları əvvəlcə məktubu qəbul etmək istəməsələr də, gənclərin təkidindən sonra müraciəti qəbul etməyə məcbur olublar.
Etiraz məktubunda Rusiyada yaşayan və fəaliyyət göstərən azərbaycanlı gənclərin Ermənistan Silahlı Qüvvələri tərəfindən Azərbaycan ərazisində girov götürülmüş Şahbaz Quliyev və Dilqəm Əsgərovun dərhal azadlığa buraxılması, Ermənistan dövlətinin Azərbaycana qarşı təxribatlardan əl çəkməsi və işğal olunmuş Azərbaycan torpaqlarından Ermənistan qoşunlarının çıxarılması tələb edilir. Məktubda bir sıra dövlətlərin və beynəlxalq təşkilatların azərbaycanlı girovların azadlığa buraxılması ilə bağlı fikirləri, tələbləri qeyd olunub.
Azərbaycan Mədəniyyətinin İntibah və İnkişaf Fondunun sədri Şamil Nağıyev bildirib ki, məqsəd azərbaycanlıların etirazını çatdırmaqdır. “Biz məktubda qeyd etmişik ki, qanunsuz saxlanılan azərbaycanlılar azad olunmalıdır və bunu nəinki azərbaycanlılar, dünya gəncliyi tələb edir”.
Azərbaycan Slavyan Gənclər Assosiasiyasının Rusiya nümayəndəliyinin rəhbəri Toğrul Allahverdiyev isə bu məktubla Ermənistan dövlətinə artıq qanunlara əməl etməyə, özbaşınalığa son qoymağa çağırış etmək istədiklərini deyib.
Azərbaycanlı gənclər Ermənistan səfirliyi qarşısında “Xocalıya ədalət!” şüarları ilə də öz etirazlarını bildiriblər.
-
Sosial19:12
Azərbaycanda tikintidə GÖRÜNMƏMİŞ HADİSƏ - VİDEO
-
Sosial18:40
Xankəndidə dünyaya gələn ilk körpənin ailəsinə MÜJDƏ
-
Sosial17:54
Əli Əsədov qərar imzaladı
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO
-
Rəsmi xronika15:28
Biz buna həm də ölkəni təqdim etmək fürsəti kimi baxırıq - Prezident