Rus polkovnik Azərbaycanı hədələdi
Bizi izləyin

Nida.az

Rus polkovnik Azərbaycanı hədələdi

Viktor Baranets: “Azərbaycan hücum etsə, 102-ci hərbi baza Ermənistanı müdafiə edəcək”

Viktor Baranets: “Azərbaycan hücum etsə, 102-ci hərbi baza Ermənistanı müdafiə edəcək”

“Kollektiv Təhlükəsizlik Müqaviləsi Təşkilatı (KTMT) blokuna üzv olan ölkələrin hər hansı birinə hərbi müdaxilə bu təşkilata qarşı hücum deməkdir. Ona görə də əgər Azərbaycan Ermənistana hücum etsə, KTMT və Rusiyanın bu ölkədəki 102-ci hərbi bazası ermənilərin tərəfində münaqişəyə qoşulmalı olacaq”.

Virtualaz.org saytı xəbər verir ki, bu sözləri Rusiya Müdafiə Nazirliyinin keçmiş mətbuat katibi, “Komsomolskaya pravda” qəzetinin hərbi icmalçısı, polkovnik Viktor Baranets deyib.

Polkovnikin sözlərinə görə, bu, təkcə Azərbaycana aid deyil. Ermənistana hansısa başqa ölkə hücum etsə, KTMT və Rusiya ayrıca olaraq yenə eyni hərəkət etməlidir.

“Mənə elə gəlir ki, burada sensasion nəsə yoxdur” - deyə polkovnik Baranets bildirib.

Hərbi ekspertin sözlərinə görə, Rusiya Dağlıq Qarabağı “mübahisəli ərazi” hesab edir: “Bu torpaqlar öz tarixini dəyişdirib. Şübhəsiz ki, Rusiya imperiyasının da bunda rolu var. Biz Dağlıq Qarabağ Muxtar Vilayətinin necə yaradıldığını bilirik. KTMT-nin Dağlıq Qarabağ münaqişəsinə müdaxiləsini Ermənistanın bu təşkilata üzvlüyü çərçivəsində nəzərdən keçirmək lazımdır. Lakin KTMT müqaviləsində Dağlıq Qarabağa dair heç nə deyilmir. Buna baxmayaraq əgər Azərbaycan Dağlıq Qarabağa hücum etsə, Rusiya yenə silah götürməli olacaq, çünki Kreml münaqişənin hərbi yolla həll edilməsini istəmir”.

V.Baranets bildirib ki, bir çox siyasətçilərin Dağlıq Qarabağ münaqişəsinin həllinin açarının Rusiyada olduğu, bu münaqişəni Rusiyanın yaratdığı barədə fikirləri əsassızdır. Onun fikrincə, əksinə, Dağlıq Qarabağ münaqişəsini SSRİ-ni dağıtmaq istəyən qüvvəlrə başlatmışdı.

Oxumağa davam et
Reklam
Reklam

Gündəm