Nida.az
Türkiyəli politoloq: “TANAP regional sülhün təmin edilməsində çıxış yoludur”
“Ukrayna üzərindən təbii qaz təmin etmək məsələsində çətinliklə üzləşən Avropa Birliyi bazarına Azərbaycan qazını çıxarmaq həm Türkiyə, həm də Azərbaycan üçün böyük bir qazanc olacaq”.
Bunu Publika.az-a açıqlamasında Qafqaz Strateji
Araşdırmalar Mərkəzinin (KAFKASSAM) başqanı, türkiyəli politoloq
Hasan Oktay bu gün Qarsda TANAP-ın təməlqoyma mərasimi haqda
danışarkən deyib.
Politoloq qeyd edib ki, TANAP layihəsi Azərbaycanın qaz
potensialının Türkiyə üzərindən Avropaya nəql olunmasıdır: “Rusiya
ilə Avropa Birliyi Ukrayna üzərində bir ildir kəskin rəqabətə
girib. Rusiya Avropaya qarşı təbii qazı silah olaraq istifadə edir
və buna görə də Avropa Birliyi yeni axtarışlara başlayıb. Lakin
TANAP layihəsi Rusiyaya qarşı bir alternativ deyil. Bu layihə
regional sülhün təmin edilməsində bir çıxış yoludur və bunu
Rusiyaya başa salmaq lazımdır. Çünki Avropa Birliyi sənaye və
istilik üçün ehtiyacı olan enerjini təmin edə bilməsə, Rusiyaya
qarşı daha böyük sanksiyalara başlayacaq. Bu da Rusiya xalqı üçün
çətin nəticələrə səbəb olacaq. TANAP bir növ bölgənin normallaşması
üçün lazımlı bir layihədir”.
H. Oktay bu layihəyə türkmən qazının qoşulmasının da vacib olduğunu
qeyd edib.
“İqtisadi baxımdan TANAP layihəsinin həyata keçirilməsi bir qədər
bahalı olacaq. Lakin türkmən qazının bu layihəyə qoşulmasını təmin
etmək lazımdır. Vacib olan məqam layihənin başlanması və bunun
Rusiyaya bir alternativ deyil, əksinə, Rusiyaya da müsbət yöndən
töhfə verəcəyinə Moskvanı inandırmaqdır. Çünki “Nabucco” Rusiya
tərəfindən qarşısı alınmış bir layihə olaraq xatırlanır”, - deyə
politoloq vurğulayıb.
H. Oktayın fikrincə, TANAP layihəsi Azərbaycan və Türkiyə
münasibətlərini daha da inkişaf etdirəcək: “Həmçinin Gürcüstanı da
bu münasibətlərə qoşulmağa sövq edəcək. Həm Qafqazda, həm də
Ukraynada sülhün təmin olunması üçün TANAP və buna bənzər
layihələrin həyata keçirilməsi lazımdır”.
Asif Nərimanlı
-
Region12:41
Özünün dənizə çıxışı yoxdur, başqalarını şirnikləndirir: İrəvan Ər-Riyadda nə təklif edib?
-
Hadisə12:15
Məktəbin həyətində faciəvi şəkildə ölən 10 yaşlı Fərhanın FOTOSU
-
Nida Xəbər 11:43
Prezidentin yüksək vəzifəyə təyin etdiyi Anar Axundov kimdir? - DOSYE
-
Sosial11:12
Aytən Səfərovanın son vəziyyəti AÇIQLANDI
-
Cənubi Qafqaz10:55
Rusiyanın Gümrüdəki hərbi bazasına hücum oldu - DETALLAR
-
Dünya10:15
Bayden İsrailə bu İsrail şəhərinə hücumu qadağan etdi: Rusiya ələ saldı
-
Nida Xəbər 09:30
Bakıda bu ərazi sökülür - Sakinlər narazıdır
-
Avropa09:00
Putinin sabiq həyat yoldaşı Lyudmilanın hazırkı ərinin villası bu ölkədə müsadirə edildi