• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

“Mart soyqırımı ermənilərin qətliam siyasətinin davamı idi”

  • Nida.az
  • 31 Mart 2015 13:23
  • 457 Baxış
“Mart soyqırımı ermənilərin qətliam siyasətinin davamı idi”

“1918-ci il 31 Mart soyqırımı erməni vəhşiliyinin əyani və bariz nümunəsidir. Bu soyqırımı hadisəsi ermənilərin Türk dünyasına qarşı apardıqları iyrənc və məkrli siyasəti açıq-aydın ortaya qoydu”.


Publika.az xəbər verir ki, bu barədə Azərbaycan Kikboksinq Federasiyasının prezidenti, millət vəkili Adil Əliyev 31 Mart soyqırımının ildönümü ilə bağlı danışarkən deyib.


Onun sözlərinə görə, mart soyqırımı XIX əsrin sonlarında başlayaraq ermənilərin Anadoluda, 1905-1906-ci illərdə Azərbaycanda,1915-ci illərdə Türkiyədə törətdikləri siyasətin davamı idi: “1918-ci ilin 31 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və daşnak erməni silahlı dəstələrinin azərbaycanlılara qarşı törətdikləri qırğınlar təəssüf ki, dünya birliyi tərəfindən hələ də öz hüquqi qiymətini almayıb. Ermənilər insanları amansızlıqla qətlə yetiriblər.

Rəsmi mənbələrə əsasən, soyqırımın nəticəsində 12 minə yaxın azərbaycanlı qətlə yetirilib. On minlərlə insan itkin düşüb. 1919 və 1920-ci ilin mart ayının 31-i iki dəfə Azərbaycan Xalq Cümhuriyyəti tərəfindən ümummilli matəm günü kimi qeyd edilib. Azərbaycan prezidenti, ulu öndər Heydər Əliyevin 26 mart 1998-ci il tarixli sərəncamı ilə 31 mart Azərbaycanlıların Soyqırımı Günü elan edilib”.


Asif

Xəbər lenti

DAHA ÇOX XƏBƏR