Nida.az
Azərbaycana keçən erməni əsgərin atası: “Onu döyürdülər”
Azərbaycan tərəfinə könüllü olaraq təslim olan erməni əsgər Andranik Qriqoryanın atası Artur Qriqoryan oğlunun xidmət etdiyi hərbi hissədə incidildiyi üçün bu addımı atdığını deyib.
Publika.az xəbər verir ki, erməni əsgərin atası
“armtoday.info”-ya açıqlamasında bir sıra iddialara cavab verib. O,
A. Qriqoryanın ailədəki problemlərə görə Azərbaycan tərəfinə
keçməsi haqda yayılan xəbərləri təkzib edib.
“Evdə ciddi problem olmayıb. Sadəcə olaraq, Andranik bir qızı
sevirdi. Lakin mən razı olmadım və bildirdim o, ali təhsillidir,
biz yox. Bu alınmayacaq. Bu xırda məsələdən başqa heç bir problem
olmayıb. Oğlumu hərbi hissədə incidirdilər. Bir dəfə hirsli halda
evə gəldi. Onu döyürdülər, təhqir edirdilər. O, dözülməz vəziyyətə
görə belə addım atıb”.
Erməni əsgərin anası Nelli Qriqoryan da oğlunun ailədə olan
problemlərə görə deyil, incidildiyi üçün Azərbaycan tərəfinə
keçdiyini açıqlayıb. Erməni əsgərin anası övladının sağ-salamat evə
qayıdacağına ümid etdiyini vurğulayıb.
Qeyd edək ki, A. Qriqoryan Azərbaycan tərəfinə keçməsinin səbəbi
kimi təhqir edilməsini, döyülməsini göstərib. O, boş yerə ölmək
istəmədiyini bildirib. Əsgərin valideynləri də onun dediklərini
təsdiqləyir.
Lakin əsgərin bu addımı ataraq oradakı vəziyyəti açıq şəkildə dilə
gətirməsindən narahat olan Ermənistan tərəfi diqqəti yayındırmağa
çalışır. Bu ölkənin müdafiə naziri Seyran Ohanyan A. Qriqoryanın
Azərbaycan tərəfinə keçməsinə görə əsgərin ailəsini günahlandırıb.
Əsgərin ailəsi və erməni ictimaiyyəti tərəfindən narazılıqla
qarşılanan bu açıqlamadan sonra S. Ohanyan geri çəkilməyə məcbur
olub. O, yalnız məsələni araşdırdıqdan sonra açıqlama veriləcəyini
bildirib.
Bu arada, A. Qriqoryanın Azərbaycan tərəfinə könüllü keçməsi xəbəri
yayılan kimi Ermənistanın xüsusi xidmət orqanları onun atasını həbs
edib. Hazırda bu ailəyə qarşı ciddi təzyiqlərin olduğu haqda
xəbərlər var.
Xatırladaq ki, erməni silahlı bölmələrinin 1991-ci il təvəllüdlü
müqaviləli hərbi qulluqçusu Andranik Qriqoryan bu il martın 22-də
saat 13:50 radələrində Azərbaycan Silahlı Qüvvələrinin nəzarətində
olan əraziyə keçərək, könüllü şəkildə ordumuza təslim olub.
O, video müraciətində Ermənistan ordusundakı hərc-mərclikdən,
aclıqdan bezdiyini qeyd edib.
“Mən onların çirkin oyunlarının növbəti qurbanı olmaq istəmirəm.
Qarabağdakı dözülməz şərait, hərbi hissələrdəki intizamsızlıq,
silah-sursat çatışmazlığı, qida və dərman qıtlığı, yerli
ermənilərlə ermənistanlı ermənilər arasındakı münaqişə, zabitlərin
əsgər və gizirlərə pis münasibəti, hərc-mərclik məni cana yığıb.
Mənim kimi o tərəfdə bu cür yaşamaqdan bezib, bura keçmək istəyən
çoxlu sayda insan var”, - deyə o vurğulayıb.
A. Qriqoryan sonuncu müraciətində Azərbaycan tərəfində ona yaxşı
baxıldığını, həyatı üçün heç bir təhlükə olmadığını bildirib. Burda
rahat yaşadığını deyən erməni əsgər Ermənistandakı əsgərlərə,
onların ana və bacılarına Azərbaycan tərəfinə keçmələri üçün
çağırış edib.
Asif Nərimanlı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?