Nida.az
Xaçmazda məscid davası: sələfilər şiə məscidini almaq istəyir – ÖZƏL
Xaçmaz şəhər məscidindən istifadə məsələsi ilə bağlı mübahisə yaranıb.
Publika.az-a daxil olan məlumata görə, rayonda
əhli-sünnə camaatı şiələrin toplaşdığı şəhər məscidini almaq
istəyir. Bu məqsədlə icma daxilində 100 nəfərə yaxın bir qrup imza
toplayaraq müraciət qəbul edib. Qəbul olunan müraciət Qafqaz
müsəlmanları İdarəsinə və Dini Qurumlarla İş üzrə Dövlət Komitəsinə
ünvanlanıb.
Müraciətdə şəhərin mərkəzində yerləşən məscidin şiələrdən alınaraq
əhli-sünnə camaatına verilməsi istənilir. Buna səbəb kimi isə
əhli-sünnə camaatı üçün digər məscidlərə yolun uzaq olması
göstərilib.
Xaçmaz şəhər məscidinin axundu Yaşar Rzayev
Publika.az-a açıqlamasında faktı təsdiqləyib.
Lakin onun sözlərinə görə, bu məsələ artıq həllini tapıb: “Keçmişdə
dövlət orqanlarında işləmiş, indi bu camaatda təmsil olunan bir
neçə nəfər bu işə rəhbərlik edir. Bir müddət əvvəl məscidin onlara
verilməsi üçün imza toplayaraq dövlət qurumlarına və QMİ-yə
müraciət etdilər. Cavab mənfi oldu. Çünki onların 16 yerdə cümə
namazını qılmaq imkanı var. Bizim cəmi bir yerdə. Lakin deyirlər
ki, bura şəhərin mərkəzidir, digər yerlər guya onlara uzaqdır. Bəs
biz nə etməliyik? O vaxt iranlı həmşərilərdən biri buranı öz pulu
ilə alaraq məscidə çevirib. Siz də pul toplayaraq alın”.
Y. Rzayev bölgədə dini qarşıdurmanın olmadığını, hər şeyin normal
olduğunu bildirib: “Sadəcə, bir neçə nəfər absurd iddialarla çıxış
edir. Lakin qərarları biz vermirik. Onlar üçün bütün şərait
yaradılıb. Görünür, bizim yerimizə də göz dikiblər”.
Əldə etdiyimiz məlumata görə, müraciətə mənfi cavab verildikdən
sonra yenidən imzatoplama kampaniyası başlayıb. Bu dəfə onlar
dövlətdən şəhərin mərkəzində məscid tikmək üçün yardım edilməsini
istəyir.
Asif Nərimanlı
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər