Nida.az
Mitinqə İŞİD yanaşması və ya Əli Kərimlinin “dindarlığı”
Martın 15-də 600 nəfərlik mitinqlə kiçik sosial bazasını nümayiş etdirən AXCP sədri yeni vasitələrə əl atıb.
Publika.az xəbər verir ki, AXCP sədri sabah keçirilməsi nəzərdə
tutulan mitinqə daha çox adam cəlb etmək üçün dindarlara üz
tutub.
Əli Kərimlinin müavini Fuad Qəhrəmanlı mitinq öncəsi dindar kəsimə
müraciət edərək onları da meydana səsləyib.
“Dindarlar da 5 aprel mitinqində iştiraka önəm verməlidirlər. Bu
dünya hər bir müsəlman üçün imtahandır, İslam tərki-dünyalığı qəbul
etmir, çünki real həyatdan təcrid olunmaq Allahın bu dünyada insan
üçün nəzərdə tutduğu imtahandan boyun qaçırmaq deməkdir. Demək,
ətrafımızda olub bitənlərə münasibət bildirmək Allahın nəzərində
bir insan kimi bizim onun buyruqlarına necə əməl etdiyimizi müəyyən
edir. Əksinə, özünü təcrid edib, ətrafda baş verənlərə münasibət
bildirməmək İslamı real həyatdan təcrid edib, öz qorxaqlığına,
laqeyidliyinə saxta dindarlıq pərdəsi bürüməkdir.
Belə “müsəlman” komformist müsəlmandır və Allahın doğru, haqq buyurduqlarına görə özünü çətinliyə salmaq istəmir, əziyyət çəkməkdən yayınır və sonra da özünü əziyyətə salmadan Allahdan cənnət umur. Bu cür dünyəvi sevgi və rahatlıq üzərində qurulmuş müsəlmanlıq əslində İslama bir həqarətdir”, - deyə cəbhəçi müavin əsl dindar kimi çıxış edib.
Təbii ki, insanları ətrafına cəlb etmək üçün dindar kəsimə üz
tutmaq siyasi baxımdan normaldır. Xüsusilə hazırda dindar kəsim say
baxımından kifayət qədərdir. Diqqət çəkən məqam isə avropalılarla
liberal, ruslarla slavyan tipli münasibət quran Əli Kərimlinin
dindar kəsimə müraciətində nə qədər səmimi olmasıdır.
Əslində Əli Kərimlinin dindar kəsimə nüfuz etmək cəhdləri ötən il baş qaldırmışdı. 2014-cü ilin 16 fevral tarixində AXCP Ali Məclisinin iclasında çıxış edən Ə. Kərimli hədəfləri aşmaq üçün ikinci Xalq Cəbhəsi Partiyası yaratmağa nail olmağın vacibliyini diqqətə çatdırdı.
“Düşünün ki, indi bizim vəziyyətimizdə, gücümüzdə olan ikinci bir
qurum olsa, işlər necə rahat olar, hakimiyyət nə qədər narahat
olar? Biz partiyanı bu il iki dəfə gücləndirməklə ikinci Xalq
Cəbhəsi yaratmış oluruq” - deyə o qeyd etdi.
Hələ həmin vaxt ortada iki versiya var idi:
Birincisi, ikinci Xalq Cəbhəsi yaratmaqla AXCP öz dəstəkçilərini
artırır. Amma bu ehtimal kifayət qədər zəifdir. İkinci və ən böyük
ehtimal isə AXCP-nin ikinci Xalq Cəbhəsi adı altında dini kəsimi
ətrafında təmərküzləşdirmək istəyir. Ölkədə gedən dini müstəvidəki
proseslər buna zəmin yaradır. Mənzərə belədir ki, zəif durumda olan
qeyri-şiə icmaları özlərinə dayaq axtarırlar. Belə bir dayaq olmaq
AXCP üçün əlavə elektorat, həm də ən azından ərəb ölkələrinin
dəstəyini qazanmaq olardı. Belə bir təcrübə 90-cı illərin
sonlarında yaşanmışdı. Məhz həmin vaxt böyük siyasi partiyalar dini
elektorata birbaşa deyil, ikinci dərəcəli kiçik partiyalar
vasitəsilə nüfuz etmək siyasətini aparırdılar.
Burada ərəb ölkələrinin verə biləcəyi böyük dəstək də var. Hələ
ötən əsrin sonlarında Səudiyyə Ərəbistanı, Küveyt, Qətər kimi
ölkələrin Azərbaycanda dindarların birləşə biləcəyi təşkilat
yaratmaq cəhdləri etdikləri haqqında məlumatlar var idi. Dini
birlik kimi yaradılacaq bu təşkilat perspektivdə siyasi qüvvəyə
çevriləcəkdi. Həmin planların baş tutmaması, yaxud hələ də qüvvədə
olması haqqında dəqiq informasiya yoxdur. Məlumdur ki, bu cəhd
davam edir. Hesab etmək olar ki, bu ölkələr dəstəyini dindarların
girəcəyi çətirə yönəldəcəklər və bu çətirin kim olacağını özləri
deyil, istəyənlər müəyyənləşdirilməlidir.
Əli Kərimli müxtəlif formalarla İranla da əlaqələrini saxlamaqda
maraqlıdır. AXCP-nin mətbuat xidmətinin rəhbəri, hazırda Fransada
yaşayan və Avropa dəyərlərini əlində bayraq edən Natiq Ədilovun
zaman-zaman sosial şəbəkələr üzərindən ölkədə daha güclü olan şiə
icmasına müraciətlərinin şahidi olmuşuq.
AXCP-nin dindar kəsimə müraciəti yaxın planda “Məhsul” stadionuna
daha çox adam yığmaq, uzaq planda isə dindar kəsimi öz tərəfinə
çəkmək cəhdidir. Lakin ən diqqət çəkən məqam müraciətin tonudur.
Yəni Əli Kərimlinin müavininin “Allah sizi cəzalandıracaq” tonu
Yaxın Şərqi qana boyayan İŞİD-in çağırışlarını xatırladır.
Milli Məclisin deputatı Zahid Oruc Publika.az-a açıqlamasında
siyasi mübarizədə Allah adından bəhrələnməyin doğru olmadığını
deyib: “Yaxın Şərqin timsalında bu kimi halların hansı nəticələr
doğurduğuna şahid olmuşuq. Dini müstəvidə qərarlaşan təşkilatların
hamısı müsəlman ölkələrində ya fundamentalizmə yol açıb, ya terrora
yuvarlanıb, ya da ekstremist təmayüldə ixtisaslaşıblar. Bunları
dinc siyasi mübarizəyə gətirmək çox çətin olub. Ən son nümunə
Misirdir. “Müsəlman qardaşları” Məhəmməd Mursinin timsalında
hakimiyyətə gəldilər və sonradan Sisi onları devirdi və bu gün
həmin şəxs həbsdədir. Dindar kəsimi öz təriqətindən, inancından,
etiqadından kənarlaşdırıb müxtəlif mübarizələrə yem eləmək, Allahın
adından, dindən, Qurani-Kərimdən öz mənafeləri naminə bəhrələnmək
deməkdir.
Belə müqəddəsliklər hakimiyyət uğrunda mübarizənin aləti olmamalıdır. Keçmişdə Nardaran əhlini inqilab ocağı kimi istifadə eləmək yönündə cəhdlər var idi. İndi də ayrı-ayrı şəxsləri tribunaya qaldırmaqla, “sağçı” müxalifət az qala klerikal ölkələrdəki modellə hərəkət edirlər. Əminəm ki, gerçək əməlisalehliyə dayanan, həqiqətən Qurani-Kərimə inanan, peyğəmbərini tanıyan və Allahı başı üzərində görən qüvvələr heç bir halda bu müxalifətin mübarizəsinin fəlsəfəsini bölüşməz və onların yanında olmaz”.
Asif Nərimanlı
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ