Nida.az
"Azərbaycan və Ermənistan XİN rəhbərləri ilə məsləhətləşmələr davam edəcək" -Amerikalı həmsədr
ATƏT-in Minsk qrupunun həmsədrləri yaxın vaxtlarda Azərbaycan və Ermənistanın xarici işlər nazirləri Elmar Məmmədyarov və Edvard Nalbandyanla Dağlıq Qarabağ münaqişəsinin nizamlanması üzrə məsləhətləşmələri davam etdirəcəklər. Trend-in məlumatına görə, bunu Minsk qrupunun amerikalı həmsədri Ceyms Uorlik "Armenpress"ə müsahibəsində deyib.
Onun sözlərinə görə, yaxın 2 həftə ərzində Minsk qrupunun həmsədrləri iki ölkənin XİN rəhbərləri ilə məsləhətləşmələri davam etdirəcək, yaxın gələcəkdə isə regiona səfər edəcəklər.
Bu yaxınlarda Türkiyəyə səfəri çərçivəsində keçirdiyi görüş və müzakirələr barədə danışan C.Uorlik qeyd edib ki, Türkiyə ABŞ-ın strateji tərəfdaşıdır və bu ölkə ilə bir çox məsələlər müzakirə olunur: "Regionda qonşu və Minsk qrupunun üzvü olan Türkiyənin rəsmi şəxslərinin regional məsələlər və Dağlıq Qarabağ məsələsi üzrə fikirlərini eşitmək maraq doğurur".
Dağlıq Qarabağ münaqişəsinin nizamlanması üçün həyata keçirilməli olan tədbirlərə toxunan C.Uorlik Minsk qrupunun həmsədr ölkələrinin (ABŞ, Fransa və Rusiya) prezidentlərinin 2013-cü ildə münaqişə tərəflərinə çağırışını, yəni onların Helsinki prinsiplərinə sadiq qalmalarını təsdiq etməsini təkrarlayıb.
Amerikalı həmsədr bildirib: "Son aylar bir sıra müsbət addımların şahidi olduq. Onlar arasında ən əhəmiyyətlisi prezidentlərin görüşü oldu. Lakin sual yaranır, bu münaqişənin uzunmüddətli həllinə nail olmaq üçün tərəflərin həqiqətən də siyasi iradəsi varmı? İrəliyə doğru yolu tərəflərin özləri müəyyənləşdirməlidirlər, ABŞ isə bu işdə gücü çatdığı qədər onlara yardım etməyə hazırdır".
O, həmçinin Azərbaycan və Ermənistan prezidentlərinin tezliklə görüşəcəyinə ümid etdiyini bildirib, lakin həmin görüşün mümkün tarixini açıqlamayıb.
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama
-
Magazin117 Aprel 20:58
İş adamı Manaf Ağayevə ev bağışlayıb? - Özü danışdı
-
Nəqliyyat17 Aprel 19:40
Baş nazir elektrik mühərrikli avtomobillərlə bağlı iclas keçirdi - FOTO