"Sumqayıt hadisələrini erməni və xarici istintaq orqanları törədiblər"

"Siyasət Sumqayıt hadisələrinin yenidən istintaqı zamanı bir sıra yeni faktlar aşkarlanıb".

Publika.az-ın məlumatına görə, bunu baş prokurorun birinci müavini Rüstəm Usubov Azərbaycan Respublikası Prezidenti yanında Strateji Araşdırmalar Mərkəzində (SAM) Sumqayıt hadisələri ilə bağlı çap olunmuş kitabın təqdimat mərasimində çıxışı zamanı bildirib.

Sumqayıt hadisələri ilə bağlı Baş Prokurorluqda xüsusi komissiya yaradıldığını vurğulayan R.Usubov deyib ki, həmin hadisələrlə bağlı açılmış cinayət işləri təzələnib: “Sumqayıt hadisələrindən ermənilərin zərərçəkən olduğu deyilir, əslində isə bu, belə deyil. Yeni istintaq zamanı Sumqayıtda bəzi ermənilərin öz mal-mülklərini öncədən xaricə çıxardıqları, sonra isə öz evlərini yandırdıqları məlum olub.

Ermənilər özləri də etiraf ediblər ki, bu addımı kompensasiya almaq məqsədilə atıblar. Yüzlərlə varlı erməni özünün bankdakı pullarını çıxarıb. İstintaqın gedişində Sumqayıt hadisələri zamanı şəhərlə Ermənistan və digər ölkələr arasında bir çox telefon danışıqlarının aparıldığı da üzə çıxıb. Aparılan istintaqın nəticəsinə görə, Sumqayıt hadisələrini erməni və xarici istintaq orqanları törədiblər".

Vasif Həsənli