Nida.az
Rəsmi Bakı Krıma necə dəstək verəcək? - TƏKLİF
Rusiyanın Ukraynada məğlubiyyəti və bu acını çıxartmaq üçün Krımı
qoparmaq cəhdləri eyni ssenarilərin səhnələşdiriləcəyi növbəti
meydanın Azərbaycan olacağı fikirlərini ortaya çıxarıb.
Söhbət Kremlin Qərbin həmlələri qarşısında geri çəkildikcə
quracağı barrikadalardan gedir. Ən böyük ehtimalsa potensial
mübarizə hədəfinin məhz Xəzərin sahillərində olacağıdır. Bu üzdən
ekspertlər Rusiyanın Ukraynada zəif düşməsini bizim üçün müsbət
versiya hesab edirlər. Digər tərəfdən, ortada ərazi bütövlüyündən
gedir ki, Azərbaycan uzun müddətdir bu ağrıdan əziyyət çəkir və
bunun əsas səbəbkarının da Rusiya olduğu heç kəsə sirr deyil. Krım
uğrunda davam edən lokal mübarizədə rəsmi Bakının tutacağı, həm də
tutmalı olduğu cəbhə Ukraynanın yanında olmalıdır. Necə ki,
Moldovada Dnestryanı, ardınca klassik gediş olan Gürcüstanda
Abxaziya məsələsində belə bir mövqe tutmuşdu.
Eyni zamanda, Krımda eyniköklü mənsubiyyət də bunu vacib edən
amildir. Artıq Krım tatarlarından dəstək üçün Türkiyə və
Azərbaycana çağırışlar gəlir. Bəs rəsmi Bakı Krıma, dolayısı ilə
Ukraynaya dəstəyini necə verməlidir? Rusiya amili bu sualın
ağırlığını da yetərincə artırır.
Milli Məclisin Beynəlxalq münasibətlər və parlamentlərarası
əlaqələr komitəsinin üzvü, millət vəkili Asim Mollazadə Publika.Az -a açıqlamasında bildirib ki, Krımda
bu gün separatizm oyunları oynanılır. Yarımadada baş verənlərin ona
Qarabağı xatırladığını deyən millət vəkili hesab edir ki, bütün
məqsəd hansısa dövlətin inkişafının qarşısını almaqdır.
A. Mollazadənin fikrincə, rəsmi Bakının dəstəyi Ukraynanın ərazi
bütövlüyünü dəstəkləmək ola bilər: “Krımda baş verənlərdə dövlətin
bütövlüyü və müstəqilliyi şübhə altında alınıb. Azərbaycan dəstəyi
ilk növbədə Ukraynanın müstəqilliyi, ərazi bütövlüyü və
dövlətçiliyinə dəstək olmalıdır. Mən xüsusi vurğulamaq istəyirəm
ki, Krım tatarları Ukrayna dövlətinin yanındadırlar. Onlar istəyi
Ukraynanın ərazi bütövlüyünün şübhə altına alınmaması, müasir,
inkişaf edən bir dövlətdə yaşamaqdan ibarətdir”.
Komitə üzvü qeyd edib ki, Azərbaycan radikal separatizmdən
əziyyət çəkmiş bir ölkədir. Onun sözlərinə görə, inkişafın,
sabitliyin qarşısını almağa yönəlmiş separatçılığı qəbul
etmirik.
“Hər bir azərbaycanlının mövqeyi bununla bağlı birmənalı
olmalıdır. Söhbət təkcə Krımdakı türk əsilli qardaşlarımızdan
deyil, ukraynalı qardaşlarımızdan da gedir. Müttəfiqimiz olan
Ukrayna Azərbaycanın ərazi bütövlüyünü dəstək verib. Biz də bu cür
oyunlardan ciddi əzablar çəkmişik. Bir daha deyirəm, Azərbaycanın
bu prosesdə dəstəyi Ukrayna dövlətinə, onun ərazi bütövlüyünə,
müstəqilliyinə veriləcək dəstəkdir. Biz belə dəstəyi
dünyadan-nüfuzlu ölkələrdən, beynəlxalq təşkilatlardan da
gözləyirik. Bizim istəyimiz ondan ibarətdir ki, gənc, müstəqil
dövlətlərə beynəlxalq ictimaiyyət dəstək versin. Dünya anlamalıdır
ki, Azərbaycana, Gürcüstana, Moldovaya qarşı törədilmiş separatçı
təxribatlar bu ölkələrin inkişafının qarşısını almağa hesablanıb.
Bütün beynəlxalq təşkilatlar da bu cür hadisələrə diqqətini
artmalı, nüfuzlu dövlətlər rollarını gücləndirməlidir. Təbii ki,
onların imkanları Azərbaycandan daha çoxdur. Azərbaycan da dünya
ilə eyni istiqamətdə getmək istəyir. İstənilən cinayətin qarşısının
alınmasının tərəfdarıdır”-deyə A. Mollazadə vurğulayıb.
Asif Nərimanlı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT