Nida.az
İlham Əliyev Şri-Lanka və Beninin Azərbaycanda yeni təyin olunmuş səfirlərini qəbul edib
Azərbaycan Respublikasının Prezidenti İlham Əliyev martın 1-də Şri-Lanka Demokratik Sosialist Respublikasının ölkəmizdə yeni təyin olunmuş fövqəladə və səlahiyyətli səfiri Mohamed Faizal Razeenin etimadnaməsini qəbul etmişdir.
Səfir Mohamed Faizal Razeen fəxri qarovul dəstəsinin
qarşısından keçdi.
Mohamed Faizal Razeen etimadnaməsini Prezident İlham Əliyevə təqdim
etdi.
Sonra Azərbaycan Prezidenti İlham Əliyev səfirlə söhbət etdi.
Səfir Mohamed Faizal Razeen Şri-Lanka Demokratik Sosialist
Respublikasının Prezidenti Mahinda Racapaksanın salamlarını
dövlətimizin başçısına çatdırdı.
Görüşdə Azərbaycan ilə Şri-Lanka arasında ikitərəfli və çoxtərəfli
əlaqələrin inkişaf etdirilməsinin önəmi vurğulandı, əlaqələrimizin
genişləndirilməsi üçün mövcud imkanların araşdırılaraq əməkdaşlıq
istiqamətlərinin müəyyənləşdirilməsinin zəruriliyi qeyd olundu.
Dövlətimizin başçısı Prezident Mahinda Racapaksanın salamlarına
görə minnətdarlığını bildirdi, onun da salamlarını Şri-Lanka
dövlətinin başçısına çatdırmağı xahiş etdi.
Daha sonra İlham Əliyev Benin Respublikasının ölkəmizdə yeni təyin
olunmuş fövqəladə və səlahiyyətli səfiri Aniset Qabriel Kotçofanın
etimadnaməsini qəbul etmişdir.
Səfir Aniset Qabriel Kotçofa fəxri qarovul dəstəsinin qarşısından
keçdi.
Aniset Qabriel Kotçofa etimadnaməsini Prezident İlham Əliyevə
təqdim etdi.
Sonra Azərbaycan Prezidenti İlham Əliyev səfirlə söhbət etdi.
Aniset Qabriel Kotçofa Benin Respublikasının Prezidenti Boni
Yayinin salamlarını dövlətimizin başçısına çatdırdı. O, ölkəsinin
Azərbaycan ilə qarşılıqlı tərəfdaşlıq əlaqələrinin bir sıra
istiqamətlərdə, o cümlədən enerji, elm, təhsil və digər sahələrdə
inkişaf etdirilməsində maraqlı olduğunu dedi. Səfir diplomatik
fəaliyyəti dövründə ölkələrimiz arasında əlaqələrin
möhkəmləndirilməsi istiqamətində səylərini əsirgəməyəcəyini
bildirdi.
Ölkələrimiz arasında ikitərəfli münasibətlərin inkişaf
etdirilməsinin zəruriliyini vurğulayan dövlətimizin başçısı
əlaqələrimizin genişləndirilməsi üçün yaxşı imkanların olduğunu
dedi.
Prezident İlham Əliyev Benin Respublikasının Prezidenti Boni
Yayinin salamlarına görə minnətdarlığını bildirdi, onun da
salamlarını Benin dövlətinin başçısına çatdırmağı xahiş etdi.
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır