Nida.az
“Erməni mifi”ni dağıdan məqalə
Ermənilər və Ermənistanla bağlı
düşüncələrim
Moskvada təhsil aldığım illərdə eyni qrupda oxuduğum ermənidən
Azərbaycan xalqının onlarla müqayisədə daha həmrəy olduğunu
eşidəndə, təəcüblənib, ona, “əksinə, bu keyfiyyətdə bizdən
irəlidəsiniz” deymişdim. O isə cavab olaraq mənə dəfələrlə məşhur
lətifəni misal çəkib, sonda, “bax, sizin üçün qazılan quyu ən dərin
olmalıdır ki, çıxa bilməyəsiniz, biz ermənilərə isə yarım metr bəs
edər ki, bir-birimizə qurtulmağa mane olaq” deyib, fikrini
tamamlamışdı. O illərdən 10 ildən çox vaxt keçib….
O söhbətə bu gün təkrar qayıtsaq, indi erməniyə irad etməzdim.
Artıq əminəm ki, ermənilərin ağlı, fərasəti, həmrəyliyi, hiyləsi
haqda biz əsrlərdir ki, miflər uydurmuşuq. Və bu mifin bizə vurduğu
zərbə o qədər böyük olub ki… Mən müharibə dövrünün uşağıyam… Zəhləm
getdiyi, utancverici “erməni gəldi” cümləsi heç qulağımdan getmir
bu günə kimi. Amma heç bir dəfə də eşitmədim “qəhrəman Məhərrəm,
Bəhruz, Rövşən, Rasim, Allahverdi Bağırov, Gəncə batalyonu, Laçın
polku, Milli Ordu burdadir, dadımıza çatacaq” cümləsini… Mif
qurmuşuq onlar barədə...
Deyirlər, ermənilər təhsil almaq üçün öz soydaşlarına yardım
edirlər. Amma MDU-nu bitirib, aspiranturaya daxil olmaq istəyən ili
mənim, yəni xarici vətəndaşın təhsil haqqını işlədiyim idarənin
rəhbərliyi ödədiyi halda, erməni həmkarım qapı-qapı düşsə də,
erməni diasporu qızıl medalla MDU-nu bitirmiş Vahe Avanesyana bir
dollar belə ayırmadı. Vahe daşnak idi, həm də Qarabağdan. Amma heç
kəs kömək etmədi ona. Sonda İrəvandakı evini dövlətə girov qoyub
götürdüyü vəsaitlə o da aspirant oldu. Amma həmin illərdə təkcə
Azərbaycan büdcəsi hesabına Rusiyaya yüzlərlə azərbaycanlı təhsilə
göndərilmişdi.
Biz Vahe ilə həyat mərhələlərini sanki qoşa addımlayırdıq... İkimiz
də demək olar ki, eyni vaxtda ailə həyatı qurduq. Mənim toyumu,
necə deyərlər, el yığışıb etdi… Kimi toyun tədarükünü, kimi yanına
bir yaxın dostunu da salıb, qürbətdə iki cavan azərbaycanlının ailə
izdivacında yaxından iştirak etdi. Erməni də evləndi, amma şəhər
kənarı evin həyətində – 10-15 tələbənin iştirakı ilə. O illərdən 8
il keçib….
Yazıya şəxsi həyatımda qarşılaşdığım faktlardan başlamağım təsadüf
deyil. Çoxlarımız hesab edirik ki, erməni diasporu bizdən daha
irəlidədir, onların daha çox alimi, siyasətçisi, artisti var… Hətta
çoxlarımız hər filmin titrində bir erməni soyadını axtarmağı belə
vərdiş edib. Amma çox az adamı düşündürür ki, rusların,
fransızların, ingilislərin (bu siyahını uzatmaq da olar) erməniləri
öndə görməkdə geosiyasi maraqları var. Çünki Qafqaz regionu və
İslam dünyasına yayılmış etnik azlıqlardan ancaq ermənilər bütün
əsrlər boyu yerli xalqlara qarşı böyük dövlətlərin xeyrinə “5-ci
kolon” funksiyasını yerinə yetiriblər.
Bu yaxınlarda Moskva Kremlinin Silah palatasında bir eksponata rast
gəldim. Rus çarı Aleksey Mixayloviçə 1660-cı ildə Səfəvi dövlətinin
təbəələri olan İsfahan ermənilərinin hədiyyə etdiyi almaz və
mirvarilərlə bəzədilmiş taxt. Artıq 17-ci əsrdə ermənilər Rus
çarına xidmət etdiklərini nümayiş etdirirdilər. Məzhəb ayrılığına
görə minlərlə soydaşını məhv etmiş babalarımız isə bu hədiyyədə
casusluq əlamətlərini görə bilməmişdi. Bir növ İŞİD kimi - İslam
dünyasına faciə yaşadan Ermənistanı görməməzliyə vurub, Kərbəlanı
nişan alan İŞİD kimi…
Bu ay ermənilər Rusiyada ancaq soyqırımdan danışırlar. Kino, teatr,
klassik musiqi, ictimai-siyasi tədbirlərin baş mövzusu budur. Biz
isə təsdiqləyirik – ermənilər istədiklərinə nail olublar! Bu
tezislə razılaşmaq da olar. Çünki “soyqırım”ı tanımaq 1990-cı
illərdə Yeltsin Rusiyasının birbaşa marağında olub. İndi isə Rusiya
hökuməti ermənilərə qanun çərçivəsində mədəni-siyasi tədbirlər
keçirməyə icazə verir. Ancaq gəlin unutmayaq ki, Rusiya Dövlət
Duması “soyqırım”ı inkara görə cinayət məsuliyyətinə cəlb olunma
təklifini rədd etdi. Hər il Moskvadakı Türkiyə səfirliyi qarşısında
piket keçirən ermənilərə bu il Moskva meriyası yox dedi. Soçidə
Andranikə heykəl qoymağa Moskva öz etirazını bildirdi. Ötən illərlə
müqayisədə indi sanksiyalarla üzbəüz qalmış, təklənmiş Rusiya bu
gün yoxsul Ermənistandan daha çox, varlı Azərbaycan və daha faydalı
Türkiyədən bəhrələndiyinə dəyər verməyə başlayıb. Amma Rusiyanı
alət kimi istifadə etdiyi erməninin ona yük olduğunu sübut edən iş
ortaya qoymadan Rusiyadan nəyisə tələb etmək də cavabsız qalacaq.
Rusiya 400 ildən çoxdur ki, öz yaxın Şərq və Qafqaz siyasətində
ermənilərdən istifadə edir. Hələ əsrin əvvəlində rus publisisti
Vladimir Veliçko özünün məşhur Qafqaz əsərində yazırdı ki, “Qafqazı
fəth edən rus süngüsü, ancaq faydasını götürən ermənidir”.
XXI əsrdə durumu dəyişməyə Azərbaycanın rıçaqları var. Diqqət
yetirin ki, bir dövlət olaraq kiçik olsaq da, biz son illər böyük
dövlətləri öz maraqlarımıza hörmət etdirə bilirik. Biz XX əsrdə
düşmən mövqeli Yeltsin Rusiyasını neytrallaşdıra bildik. Artıq
Rusiyanın təkidli təşəbbüslərinə şərtlə cavab veririk. Çünki biz
Rusiyaya yetərincə siyasi jestlər etmişik. Rus dilinə verdiyimiz
önəm, anti-Rusiya koalisiyasına yox deməyimiz və s. Bu siyahını
uzatmaq olar. Amma Rusiya bütün bunların müqabilində maksimum
neytral mövqeyi ilə bizə təşəkkürünü bildirib. Top indi Rusiya
tərəfdədir deyib, gözləmək nəticə verməyəcək. Biz növbəti mərhələyə
başlamalı, Ermənistanın Rusiyaya müttəfiq yox, yük olduğunu sübut
edəcək faktları vurğulamalıyıq. Axı ermənilər alətdir, alət
köhnəlir də, təzələnir də.
Lider Tv-nin Rusiya üzrə xüsusi müxbiri, filologiya elmləri namizədi
Anar Həsənov
-
İdman13:46
"Real"ın ÇL-dəki qəhrəmanı bu gözəllə eşq yaşayır - FOTOLAR
-
Avropa13:16
Fransanın ikiüzlülüyü: Avropada Rusiya qazının ən böyük alıcısı oldu
-
Region12:41
Özünün dənizə çıxışı yoxdur, başqalarını şirnikləndirir: İrəvan Ər-Riyadda nə təklif edib?
-
Hadisə12:15
Məktəbin həyətində faciəvi şəkildə ölən 10 yaşlı Fərhanın FOTOSU
-
Nida Xəbər 11:43
Prezidentin yüksək vəzifəyə təyin etdiyi Anar Axundov kimdir? - DOSYE
-
Sosial11:12
Aytən Səfərovanın son vəziyyəti AÇIQLANDI
-
Cənubi Qafqaz10:55
Rusiyanın Gümrüdəki hərbi bazasına hücum oldu - DETALLAR
-
Dünya10:15
Bayden İsrailə bu İsrail şəhərinə hücumu qadağan etdi: Rusiya ələ saldı