Milli Məclisin növbəti plenar iclası işə başladı

Bu gün Milli Məclisin növbəti plenar iclası işə başlayıb.

Publika.az-ın məlumatına görə, parlamentin sədri Oqtay Əsədov iclası açdıqdan sonra gündəlik təsdiq olunub.

İclasda Azərbaycan Respublikasının 1997-ci il 3 oktyabr tarixli 377-IQ nömrəli Qanunu ilə təsdiq edilmiş “Hərbi xidmətkeçmə haqqında Əsasnamə”də, Şəhərsalma və Tikinti, Cinayət, İnzibati Xətalar, Mülki Prosessual, Əmək, Cinayət-Prosessual məcəllələrində, "Yol hərəkəti haqqında", "Əhalinin sağlamlığının qorunması haqqında", "Bədən tərbiyəsi və idman haqqında", "Sərbəst toplaşmaq azadlığı haqqında" qanunlarda dəyişikliklər edilməsi barədə qanun layihələri müzakirə olunacaq.

Deputatlar Azərbaycan Respublikası vətəndaşının yeni nəsil şəxsiyyət vəsiqəsinin və 15 yaşı tamam olmamış Azərbaycan Respublikası vətəndaşının fərdi identifikasiya kartının tətbiqi müddətləri ilə əlaqədar Azərbaycan Respublikasının bəzi qanunlarında dəyişikliklər edilməsi haqqında qanun layihəsinə də baxacaqlar.

İclasda, həmçinin "Bələdiyyə qulluqçularının etik davranış qaydaları haqqında" qanun layihəsi ikinci oxunuşda müzakirə ediləcək.

Məclis "Kənd təsərrüfatı informasiya-məsləhət xidməti haqqında" qanun layihəsini də ikinci oxunuşda nəzərdən keçirəcək.

Vasif Həsənli