Nida.az

Deputat “Milyarderlər İttifaqı”nı tənqid etdi

28 Aprel 2015 14:10

Publika.az-ın məlumatına görə, iclasda çıxış edən millət vəkili Zahid Oruc Rusiya məkanında müxtəlif səbəblərdən yaşayan azərbaycanlıların vəziyyətindən danışıb:

“Biz hər zaman istəmişik ki, bu məkanda Azərbaycan diaspor təşkilatları güclü olsun. Çox təəssüf ki, “Milyarderlər İttifaqı” adlanan təşkilat yaranandan sonara Rusiyada olan Azərbaycan diaspor təşkilatları parçalanmağa və zəifləməyə başlayıb. Təbii ki, bütün bunlar erməniləri çox sevindirir. Rusiya xarici işlər naziri Sergey Lavrov da mənşəcə ermənidir. Bu fonda azərbaycanlıların güclü diaspor təşkilatları olarsa, dövlətimiz üçün faydalı olar. Rusiyada olan azərbaycanlıların problemlərinin daha üst qurumlara çatdırılmasına kömək etmiş olar. Rusiyada Azərbaycan diaspor təşkilatları nə qədər güclü olarsa, bu, bütövlükdə ölkəmiz üçün faydalı olardı”.

Vasif Həsənli