Nida.az
Sərdar Cəlaloğlu: “Azərbaycanın gələcəyinə hesablanan böyük hadisənin qarşısını almaq istəyirlər”
“Avropa Oyunları Azərbaycanın Avropaya inteqrasiyası yolunda ən möhtəşəm addımlardan biridir”.
Bunu Publika.az-a açıqlamasında Azərbaycan Demokrat Partiyasının
(ADP) sədri Sərdar Cəlaloğlu deyib.
“Avropa Oyunları ölkəmizin Avropaya inteqrasiyası yolunda
möhtəşəm addımdır”
ADP sədri “Bakı-2015” I Avropa Oyunları üzərindən aparılan
anti-Azərbaycan kampaniyasında daxili qüvvələrin iştirakını sərt
şəkildə tənqid edib: “Milli Şura iqtidardan Avropaya inteqrasiya
etməyi tələb edir. Digər tərəfdən, inteqrasiya yolunda mühüm addım
olan bu Oyunların Bakıda keçirilməsinə qarşı çıxır, anti-Azərbaycan
kampaniyasında yer alır. Bu sadəcə olaraq şizofreniya əlamətidir.
Bəzən asanlıqla düşmənin mövqeyinə keçmək olur. Ona görə də belə
məsələlərdə müxalifət həssas olmalıdır. Çünki burda söhbət
iqtidardan getmir. Əsas məsələ dövlətə fundamental zərbənin
vurulmasıdır və Milli Şura bu oyunlarda yer almamalıdır. Çünki bu
Oyunların siyasi və iqtisadi dividentləri böyükdür”.
“Onlar dövlət maraqlarını şəxsi maraqlarına qurban
verirlər”
S. Cəlaloğlu Avropa Oyunlarının Bakıda keçirilməsinin ölkəyə
gətirəcəyi dividentlərdən də danışıb: “Dövlət büdcəsinə külli
miqdarda vəsait daxil olacaq. Azərbaycanın dünyada tanınması üçün
böyük vasitə olacaq. Ölkədə turizmin inkişafına stimul verəcək.
İndi daxildəki bəzi qüvvələr Azərbaycanın birbaşa gələcəyinə
hesablanan böyük hadisənin qarşısını almaq istəyirlər. Onlar dövlət
maraqlarını iqtidar ehtirasının baş alıb getdiyi şəxsi maraqlarına
qurban verirlər. Bu, yanlış mövqedir”.
“Avropa Oyunları ilə insan haqlarını eyniləşdirmək absurd
mövqedir”
S. Cəlaloğlu siyasi təşkilat və partiyaların dövlətin və xalqın
maraqlarına qarşı olan oyunda iştirak etməsinin doğru olmadığını
diqqətə çatdırıb.
“Müxalifət "iqtidara qarşı mübarizə" deyib xalqın maraqlarına ziyan
vuran mövqe nümayiş etdirməməlidir. Azərbaycanda Avropa Oyunlarının
keçirilməməsi bizim xeyrimizədirmi? Əlbəttə ki yox. Tutaq ki, heç
kim Azərbaycana gəlmədi. Bundan dövlət büdcəsi itirəcək, xalqın
gələcəkdə daha yaxşı yaşamasını təmin edən elementlərdən məhrum
olacağıq. Hesab edirəm ki, Avropa Oyunları ilə insan haqlarını
eyniləşdirmək absurd mövqedir”, - deyə o bildirib.
Partiya sədri bəzi müxalifət qüvvələrinin iqtidara qarşı mübarizə
adı altında xalqın və dövlətin maraqlarına zərbə vurduğunu qeyd
edib.
Asif Nərimanlı
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO