• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Avropa İttifaqı Dağlıq Qarabağda keçiriləcək “seçki”ləri qəbul etmir

  • Nida.az
  • 2 May 2015 02:43
  • 358 Baxış
Avropa İttifaqı Dağlıq Qarabağda keçiriləcək “seçki”ləri qəbul etmir

Avropa İttifaqı Dağlıq Qarabağdakı separatçıların elan etdiyi “parlament seçkiləri”ni qəbul etmir və bu seçkilərin regionun gələcək statusunu müəyyən etməyə kömək etməyəcəyini bəyan edib.

Publika.az-ın məlumatına görə, Avropa İttifaqının bununla bağlı yaydığı bəyanatda deyilir:

“Dağlıq Qarabağda mayın 3-də keçiriləcək “parlament seçkiləri” haqqında məlumatlar fonunda xatırladırıq ki, Avropa İttifaqı bu seçkilərin keçirildiyi konstitusiya və normativ çərçivələri qəbul etmir. Bu prosedurlar Dağlıq Qarabağın gələcək statusunu əvvəlcədən müəyyən edə və danışıqlar prosesinə təsir edə bilməz”.

Avropa İttifaqı qeyd edib ki, ATƏT-in Minsk Qrupunun və onun həmsədrlərinin status-kvonun aradan qaldırılmasına və sülh danışıqlarının başlamasına yönəlmiş səylərini dəstəkləyir.

“Avropa İttifaqı münaqişənin dinc yolla həllinə yönəlmiş digər dəstək səyləri göstərməyə hazırdır”, - bəyanatda bildirilir.

Xəbər lenti

DAHA ÇOX XƏBƏR