Nida.az
Avropa Oyunları Azərbaycana nələr verəcək? – ŞƏRH
“Avropa Oyunlarının ilk dəfə Bakıda keçirilməsi Azərbaycan tarixində çox əlamətdar hadisədir. Avropa Oyunlarını təşkil etmək və keçirmək Azərbaycan üçün həm şərəfli, həm də məsuliyyətlidir”.
Bunu Publika.az-a açıqlamasında “ELS” Müstəqil
Araşdırmalar Mərkəzinin rəhbəri İradə Yaqubova deyib.
Onun sözlərinə görə, oyunların təşkili üçün cəmi 2 ildən artıq bir
müddətin verilməsi məsuliyyəti ikiqat artırır.
İ. Yaqubova oyunların Azərbaycana verəcəyi xeyirdən də danışıb:
“Şübhəsiz ki, dünya dövlətləri bizi tanıyır və Cənubi Qafqaz
regionunda aparıcı dövlət kimi bizimlə hesablaşır. Lakin ilk Avropa
Oyunlarının məhz bizim ölkədə keçirilməsi Azərbaycanı bütün dünyaya
beynəlxalq səviyyəli idman məkanı kimi tanıdacaq. İkincisi, son 5
ildə müxtəlif beynəlxalq tədbir və müsabiqələrin, o cümlədən Avropa
dövlətlərinin hər il böyük həvəslə iştirak etdiyi “Eurovision” və
s. möhtəşəm tədbirlərin Bakıda keçirilməsi ölkəmizdə turizmin
inkişafı üçün çox gözəl imkanlar yaradır. Turizm infrastrukturunu
inkişaf etdirərək dünya turizm məkanına uğurla inteqrasiya olunan,
bu sahədə beynəlxalq əlaqələrini genişləndirən Azərbaycan üçün bu
kimi möhtəşəm tədbirlərin təşkili və ölkəmizdə keçirilməsi zəruri
və təqdirəlayiqdir. Nəhayət, üçüncü və bizim üçün ən önəmli faktor
ölkəmizin beynəlxalq idman tədbirlərinin keçirilməsində böyük
təcrübə əldə etməsi və idman infrastrukturunun inkişafıdır”.
“ELS”-in rəhbəri qeyd edib ki, son illər idmanla məşğul olan,
idmanı özünə peşə seçən gənclərin sayı artır: “İyun ayında Bakıda
baş tutacaq Avropa Oyunları gənclərin qarşısında yeni perspektivlər
və imkanlar açır. Mən bir məsələ üzərində də dayanmaq istərdim.
Tarixdən məlumdur ki, hələ qədim Yunanıstanda Olimpiya oyunları
zamanı müqəddəs barışıq elan edilir və dərhal bütün hərbi
əməliyyatlar dayandırılırdı. Olimpiya oyunlarının əsas məqsədi
ölkələr və xalqlar arasında qarşılıqlı anlaşmanın və sülh
əlaqələrinin əldə etməsi olub. Lakin bildiyimiz kimi, Azərbaycan
müharibə şəraitində yaşayır, hər gün erməni silahlı bölmələri
dəfələrlə atəşkəsi pozur. Bu azmış kimi, Azərbaycana qarşı
düşmənçilik mövqeyində dayanan Avropanın bəzi strukturları,
xüsusilə də Avropa Parlamenti bir neçə gün əvvəl qondarma “erməni
soyqırımı”nı tanıdı və bununla da tarixçəsinə qara səhifə yazmış
oldu.
Son vaxtlar özlərini insan haqları, demokratiya carçıları adlandıran Avropa təşkilatları, həmçinin ABŞ Dövlət Departamenti erməni lobbisinin təsiri altına düşərək əsassız bəyanatları ilə beynəlxalq aləmdə Azərbaycanın imicinə zərbə vurmağa çalışır. Bütün bunlar Azərbaycanın həm iqtisadi, həm də siyasi baxımından davamlı inkişafı fonunda baş verir. Azərbaycana qarşı ikili standartlar tətbiq olunur, ölkəmizi daim təzyiq altında saxlamaq istəyən xarici ermənipərəst qüvvələr məhz I Avropa Oyunları ərəfəsində güclərini səfərbər edərək Azərbaycana diktə etmək istəyir. Bütün bunlara baxmayaraq, biz, vətəndaş cəmiyyətinin nümayəndələri tam əminliklə deyə bilərik ki, Azərbaycan bu yarışa ev sahibliyini müvəffəqiyyətlə həyata keçirəcək və bu yolda biz dövlətimizin arxasındayıq”.
Asif Nərimanlı
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO