Nida.az

Avropa Oyunları gəncləri idmana daha da həvəsləndirəcək

6 May 2015 14:33

“Bakı 2015 Avropa Oyunları ölkədə idmana olan marağı daha da artıracaq”.

Bu sözləri Publika.az-a açıqlamasında Azərbaycan Xalq Cəbhəsi Partiyası (AXCP) sədrinin sabiq müavini, Bakı Dövlət Universitetinin (BDU) hüquq fakültəsinin dosenti İbrahim Vəliyev bildirib.

Onun sözlərinə görə, idman nöqteyi-nəzərdən Bakı 2015 Avropa Oyunları böyük əhəmiyyət daşıyır. İ.Vəliyev deyib ki, əgər Azərbaycan müharibə şəraitində yaşamasaydı, bu oyunun əhəmiyyəti daha da yüksək olardı: “Yeni idman obyektləri tikilir. Təbii ki, bütün bunlar Azərbaycan xalqına qalacaq. Digər tərəfdən isə bu oyunlar gəncləri idmana daha da həvsləndirəcək. Bu nöqteyi-nəzərdən Bakı 2015 Avropa Oyunlarının keçirilməsi yaxşıdır”.

Vasif Həsənli