Nida.az
“Parlamentskaya qazeta” “Olimpiya Bakısının rekordları”ndan yazdı
Rusiya Federasiya Şurasının rəsmi qəzeti “Parlamentskaya qazeta” nəşrində Bakıda keçiriləcək I Avropa Oyunlarına həsr olunmuş məqalə yayımlanıb.
Publika.az xəbər verir ki, “Olimpiya Bakısının rekordları” adlı məqalənin müəllifi “Ekonomiks” Beynəlxalq İqtisadi Araşdırmalar Birliyinin sədri, iqtisad elmləri doktoru, professor Fikrət Yusifovdur.
Məqalədə ilk Avropa Oyunlarının Bakıda keçirilməsi barədə qəbul
olunmuş qərarı şərtləndirən amillər geniş şəkildə təhlil olunub,
Azərbaycanın dayanıqlı sosial-iqtisadi sistemi, sabit
ictimai-siyasi vəziyyəti və eləcə də dövlətin geosiyasi və
geoiqstisadi müstəvidə əldə etdiyi üstünlüklər barədə Rusiya
oxucusuna ətraflı məlumat verilib.
Müəllif qeyd edib ki, Azərbaycanın Cənubi Qafqaz regionunun ən
qüdrətli dövlətinə çevrilməsi, təməli hələ 90-cı illərin
ortalarından ümummilli lider böyük Heydər Əliyev tərəfindən
qoyulmuş və on ildən artıq bir vaxt ərzində Prezident İlham
Əliyevin davam etdirdiyi uğurlu siyasətin nəticəsində mümkün olub.
Zəngin təbii resurslardan düzgün istifadə olunması, əldə olunan
gəlirlərin iqtisadiyyatın qeyri-neft sahələrinin inkişaf
etdirilməsinə yönəldilməsinin ölkəmizə nəhəng layihələrin
gerçəkləşdirilməsi üçün geniş imkanlar verdiyini vurğulayan müəllif
qeyd edib ki, Azərbaycan həm qonşu ölkələrə, həm də paralel şəkildə
Avropa ailəsinin üzvlərinə təminatlı transmilli layihələrdən
yararlanmaq üçün əlverişli şərait yaradır.
Məqalədə Azərbaycanın belə bir böyük idman tədbirinə hazırlıq
işlərini qısa müddət ərzində yekunlaşdırılması faktından da söz
açılıb. Qeyd olunub ki, I Avropa Oyunlarına hazırlıq işlərini qısa
bir zamanda yekunlaşdırmağın başlıca səbəbi Azərbaycan Prezidenti
İlham Əliyevin iradəsi və istənilən məsələnin həllində qətiyyətli
addımlar atmaq bacarığıdır. Eyni zamanda, I Avropa Oyunlarının
keçirilməsi üzrə Təşkilat Komitəsinin sədri, bacarığı və
işgüzarlığı ilə seçilən Azərbaycanın birinci xanımı, Heydər Əliyev
Fondunun prezidenti Mehriban xanım Əliyevanın bu işlərə töhfəsinin
əvəzsiz olduğu da xüsusi vurğulanıb.
Diqqətçəkən məqamlardan biri də odur ki, F. Yusifovun Azərbaycan
torpaqlarının Ermənistan tərəfindən işğal olunduğu barədə qeydləri
də Rusiya Federasiya Şurasının – Parlamentin Yuxarı Palatasının
rəsmi mətbu orqanında olduğu kimi yer alıb. Müəllif qeyd edib ki,
Cənubi Qafqaz regionunda Dağlıq Qarabağ problemini yaratmaqla özünü
böyük transmilli layihələrdən kənarlaşdırmış, qloballaşan dünyada
əsassız torpaq iddiaları ilə özünü iqtisadı blokadaya salmış
Ermənistan elə bütün bunlara görə ağır iqtisadi və sosial
məhrumiyyətlərə düçar olub. Məqalədə BMT-nin məlum qətnamələrinin
hələ də icra olunmadığına diqqət yönəldilərək bugünkü reallıqlar
baxımından Ermənistanın bütün parametrlər üzrə Azərbaycana uduzduğu
da vurğulanıb.
Məqalənin sonunda I Avropa Oyunlarını bütövlükdə Azərbaycan
cəmiyyətinin tam dəstəklədiyi xüsusi qeyd olunub: “Birinci Avropa
oyunlarına bütün ölkə hazırlaşır. Bu günlərdə Azərbaycanın vətəndaş
cəmiyyəti institutları, media qurumları Bakı 2015-in ətrafında
birləşərək xüsusi dəstək Koalisiyası yaradıblar. Biz öz
məsuliyyətimizi dərk edir, vətənimizi sevir və özümüzü onun əsil
vətəndaşları hesab edirik. Yaxşı başa düşürük ki, bu oyunların
yüksək səviyyədə keçirməsi Azərbaycan üçün çox əhəmiyyətlidir.
Sevindirici hal budur ki, Avropa Oyunları öz başlanğıcını Bakıdan
götürür və bununla da Bakı Avropa tarixinin yazılmasında iştirak
edir”.
Qeyd edək ki, “Parlamentskaya qazeta“ sözügedən məqaləyə özünün
bütöv bir səhifəsini ayırıb və oxuculara nəfis tərtibatla təqdim
edib.
Asif
-
Hadisə12:15
Məktəbin həyətində faciəvi şəkildə ölən 10 yaşlı Fərhanın FOTOSU
-
Nida Xəbər 11:43
Prezidentin yüksək vəzifəyə təyin etdiyi Anar Axundov kimdir? - DOSYE
-
Sosial11:12
Aytən Səfərovanın son vəziyyəti AÇIQLANDI
-
Cənubi Qafqaz10:55
Rusiyanın Gümrüdəki hərbi bazasına hücum oldu - DETALLAR
-
Dünya10:15
Bayden İsrailə bu İsrail şəhərinə hücumu qadağan etdi: Rusiya ələ saldı
-
Nida Xəbər 09:30
Bakıda bu ərazi sökülür - Sakinlər narazıdır
-
Avropa09:00
Putinin sabiq həyat yoldaşı Lyudmilanın hazırkı ərinin villası bu ölkədə müsadirə edildi
-
Nəqliyyat08:25
Paytaxtın bu yollarında tıxac yarandı - SİYAHI