• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Gürcüstanın müdafiə naziri başsağlığı verdi

  • Nida.az
  • 21 May 2015 11:11
  • 348 Baxış
Gürcüstanın müdafiə naziri başsağlığı verdi

Azərbaycan Respublikasının müdafiə naziri general-polkovnik Zakir Həsənovla, Gürcüstanın müdafiə naziri xanım Tinatin Xidaşelinin təşəbbüsü ilə telefon danışığı olub.

Nazirlikdən Publika.az-a verilən məlumata görə, xanım Tinatin Xidaşeli Azərbaycan paytaxtının Binəqədi rayonu ərazisində yerləşən çoxmərtəbəli yaşayış binasında baş verən yanğında insanların həlak olmasının və yaralanmasının onlarda böyük kədər hissi doğurduğunu diqqətə çatdırıb, həlak olanların ailə üzvlərinə və yaxınlarına, bütün Azərbaycan xalqına dərin hüznlə başsağlığı verib, xəsarət alanlara tezliklə sağalmağı arzulayıb.

Telefon danışığında xanım Tinatin Xidaşeli Azərbaycan-Gürcüstan arasında hərbi sahədə əməkdaşlıqda əldə edilən nailiyyətlərin və razılaşmaların qüvvədə qalması və daha da inkişaf etdiriləcəyinə əminlik ifadə edib.
Söhbət zamanı Azərbaycan ilə Gürcüstan arasında hərbi sahədə əməkdaşlığın perspektivlərinə dair qısa fikir mübadiləsi aparılıb.

Sonda Azərbaycan Respublikasının Müdafiə naziri general-polkovnik Zakir Həsənov xanım Tinatin Xidaşeliyə göstərdiyi diqqətə görə minnətdarlığını bildirib.

Xəbər lenti

DAHA ÇOX XƏBƏR