Nida.az
Müsavatda Vurğun Əyyub müəmması davam edir – QARŞIDURMA
Müsavat Partiyasında Vurğun Əyyub müəmması davam edir.
Publika.az xəbər verir ki, bir müddət əvvəl
partiyadan çıxarılan ADR sədrinin müavini Vurğun Əyyubun üzvlüyü
iki gün öncə yenidən bərpa olunub.
Bu barədə qərar partiyanın Binəqədi rayon təşkilatının Şura
iclasında qəbul olunub. Təşkilatın Şura üzvü Şamil Beydullanın
yaydığı məlumata görə, iclasda Vurğun Əyyubla bağlı verilən
çıxarılma qərarının qanunsuz olduğu, özəyin protokolu ləğv
edilməsi, seçkili orqanların buraxılması qərarı verilib. Özək sədri
Sabit Hacıyev sədrlikdən azad olunub və ona töhmət verilib.
V. Əyyub haqqında verilən çıxarılma qərarının ləğvinə görə Binəqədi
təşkilatına təşəkkür edib.
“Bu qərar bir daha göstərdi ki, Müsavat Partiyası demokratik
əsaslar üzərində qurulub. Partiyada heç də hamı partiyanın
rəhbərliyini ələ keçirmiş Arif Hacılı qruplaşmasının nizamnamədən
kənar addımlarına göz yummaq, sifarişli qərarlara tabe olmaq
niyyətində deyil. Müsavat qanunsuzluqlara baş əyməyənlərin,
ləyaqəti uca tutanların, demokratik ənənələrə sadiq olanların
təşkilatı olmalıdır”, - deyə o bildirib.
Lakin Müsavat Partiyasının yaydığı məlumatda V. Əyyubun bərpası
məsələsi təkzib olunub.
“Partiya nizamnaməsində xaric edilmiş üzvün bərpa edilməsi anlayışı
yoxdur. Bir neçə şura üzvünün rayon təşkilatı sədrindən xəbərsiz,
şura üzvlərinə məlumat vermədən keçirdikləri iclas şura iclası ola
bilməz. Bu, bir neçə şəxsin şuradan kənar toplantısıdır. Binəqədi
rayon təşkilatında bu gün şura iclası çağırılmayıb. Nizamnaməyə
görə özək sədri və ya şura üzvü üzvlükdən 2/3 səs çoxluğu ilə
çıxarıla bilər. Yığışan şəxslərin şura sədrindən xəbərsiz
keçirdikləri toplantı və orda qəbul edilən qərarlar və tərtib
olunan sənədlər nizamnaməyə ziddir”, - deyə partiyanın rəsmi
məlumatında qeyd olunub.
Məsələ ilə bağlı V. Əyyubla əlaqə saxlasaq da, o danışmaqdan imtina
edib.
Binəqədi rayon təşkilatının sədri Rauf Ağayev isə Publika.az-a
açıqlamasında bu qərarın doğru olmadığını bildirib.
Onun sözlərinə görə, təşkilat gələn həftənin birinci günü
toplaşacaq və hər şeyə aydınlıq gətiriləcək: “Bu, bir neçə nəfərin
qəbul etdiyi qərardır və nizamnaməyə ziddir. Hər şeydən Şuranın
keçirilməsi ilə bağlı tələb olunan prosedurlara əməl olunmayıb və
orda hər kəs iştirak etməyib. Bütün bu məsələlərə aydınlıq
gətiriləcək”.
Təşkilatın Şura üzvü Şamil Beydulla Publika.az-a açıqlamasında bu
qərarı qanunsuz adlandıranlara sərt cavab verib. Onun sözlərinə
görə, Binəqədi rayon təşkilatının şura iclasının verdiyi tam qanuni
qərara qanunsuz deyənlərin nizamnamədən xəbərləri yoxdur: “Yaxud
onlar bunu qürurlarına sığışdıra bilmədikləri üçün hətta
nizamnaməyə tam uyğun keçirilmiş iclası “qanunsuz” adlandırırlar.
Lakin nizamnamədə hər şey aydın şəkildə göstərilir. Birincisi,
Müsavat Partiyası nizamnaməsinin 1.3-cü maddəsində deyilir ki,
nizamnamədə xüsusi göstərilmiş hallar istisna olunmaqla partiyanın
bütün seçkili orqanları, üzvlərinin 1/3-dən çoxu iştirak etdikdə
səlahiyyətlidir və qərarlar sadə səs çoxluğu ilə qəbul edilir.
İkincisi, Binəqədi RT-nın cəmi 16 şura üzvü var və mayın 19-da
keçirilən şura iclasında 10 nəfər şura üzvləri iştirak edərək
iclasın protokolunu səsvermə ilə təsdiq ediblər. Üçüncüsü,
Nizamnaməyə görə seçkili orqan olan şura iclasında 16 nəfər şura
üzvü iştirak etdiyi üçün nizamnamənin tələbi olan 1/3 nəfəri bu
iclasda iştirak edib və şura iclası tam səlahiyyətli olub.
Dördüncüsü, nizamnaməyə görə şura iclaslarını şura üzvlərinin 1/3
hissəsi çağıra bilər”.
Ş. Beydulla əlavə edib ki, Şuranın özəyin qanunsuz protokolunun
ləğv etməyə tam səlahiyyəti var. Onun sözlərinə görə, özəyin Vurğun
Əyyubla bağlı qərarın verilən iclasında yetərsay olmayıb.
“Şəxsi maraqlar naminə Müsavat Partiyasının nizamnaməsinə qarşı
gələnlər özləri nizamnaməni pozmaqla məşğuldurlar”, - deyə o
vurğulayıb.
Asif Nərimanlı
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO
-
Region09:06
I Aram Ərdoğana cavab verdi: Unutmayın ki...