Nida.az

Suriyada xüsusi təlim keçmiş dini ekstremist qruplaşmanın üzvləri saxlanılıblar

5 Mart 2014 12:04

Azərbaycanda ötən il keçirilən əməliyyatlar nəticəsində Suriyada xüsusi təlim keçmiş terror-təxribat xarakterli cinayətlər törətmək niyyətində olan dini ekstremist qruplaşmanın üzvləri saxlanılıblar. Trend-in məlumatına görə, bu barədə Nazirlər Kabinetinin 2013-cü ilin yekunları ilə bağlı Milli Məclisə təqdim etdiyi hesabatda qeyd olunub.

Məlumatda qeyd olunub ki, məqsədyönlü əks-kəşfiyyat və antiterror tədbirləri nəticəsində Suriyada xüsusi təlim keçmiş və müxtəlif növ odlu silah, döyüş sursatı, partlayıcı maddə və hərbi ləvazimatla təchiz edilmiş, terror-təxribat xarakterli cinayətlər törətmək niyyətində olan dini ekstremist qruplaşmanın üzvləri saxlanılıblar.
Hazırda həmin fakt üzrə başlanmış cinayət işinin istintaqı aparılır.