Nida.az
Azərbaycanın Respublika Günü Texas və Virciniyada qeyd olundu – FOTO
Virciniya Ştatı qubernatoru Terense MakAulif (Terrence R. McAuliffe) Azərbaycanın milli bayramı olan Respublika Günü ilə bağlı rəsmi Bəyanat imzalayaraq 2015-ci ilin 28 may tarixini rəsmi olaraq Azərbaycan Milli Günü elan edib.
Azərbaycanın ABŞ-dakı səfirliyindən Publika.az-a verilən məlumata
görə, sənəddə 28 may 1918-ci ildə yaradılmış Azərbaycan Demokratik
Respublikasının türk və müsəlman dünyasının ilk demokratik
respublikası kimi tarixə düşdüyü və bütün vətəndaşlarına bərabər
hüquq vermiş ilk dövlətlərdən biri olduğu, bu ölkənin həmin dövrdə
dünyanın bir çox demokratik dövlətlər, o cümlədən ABŞ tərəfindən
tanındığı qeyd olunur.
Ölkəmizlə ABŞ arasında mövcud olan strateji tərəfdaşlıq xarakterli
münasibətlər vurğulanır, Azərbaycan Milli Gününün Virciniyada
yaşayan Azərbaycanlı icmasının bu ştatın iqtisadiyyatının
güclənməsinə və mədəni müxtəlifliyinə töhfəsini xüsusilə qeyd etmək
üçün əlavə fürsət olduğu bildirilir.
28 May – Respublika Günü ABŞ-ın Texas ştatında da qeyd olunub.
Səfirliyin məlumatına görə, Texas Senatı və Nümayəndələr
Palatası yerləşən binada Texas qubernatoru müavininin rəsmi
ziyafətlər zalında Azərbaycanın Respublika Gününə həsr olunmuş
tədbir keçirilib.
Ziyafət Texas ştatı senator və nümayəndələr palatasının üzvləri və
“Azərbaycanın Dostları Assambleyasının” (AFAZ) təşəbbüsü ilə təşkil
olunub. Tədbirdə Texas ştatı Senatı və Nümayəndələr palatasının
üzvləri, onların ofisinin təmsilçiləri, həmçinin “Hyuston-Bakı”
Qardaşlaşmış Şəhərlər Assosiasiyasının (Houston-Baku Sister City
Association) prezidenti İradə Axundova və Amerikada yaşayan
Azərbaycan icmasının nümayəndələri iştirak edib.
Tədbir zamanı çıxış edən Texas qanunvericiləri 1918-ci ildə
yaranmış Azərbaycan Demokratik Respublikasının ilk şərq
demokratiyası olduğunu və ölkəmizin o dövrün bir çox müasir
demokratik dövlətlər, o cümlədən ABŞ tərəfindən tanındığını qeyd
ediblər. Azərbaycanın bu gün də ABŞ üçün önəmi xüsusilə qeyd
edilərək iki ölkə arasında mövcud olan strateji xarakterli
münasibətlər, bir çox sahələrdə uğurlu əməkdaşlıq vurğulanıb.
Tədbirdə iştirak edən Azərbaycan Respublikasının ABŞ-da
səfirliyinin müşaviri Məmməd Talıbov çıxış edərək Azərbaycanın ən
önəmli milli bayramının yüksək səviyyədə keçirilməsinə imkanın
yaradılması üçün Texas millət vəkillərinə təşəkkürünü bildirib,
Azərbaycanda son illərdə əldə olunmuş nailiyyətlər və bütün
sahələrdə gözəçarpan inkişaf barədə məlumatı qonaqların diqqətinə
çatdırıb.
Asif Nərimanlı
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı