Nida.az
ABŞ kəşfiyyatının leqal mərkəzi: “Bakı Qərb və Rusiyanın əsas hədəfidir”
“Azərbaycan uzun müddət Avropa və Avrasiya sərhədlərinə təsir imkanı üçün kritik ölkə hesab olunub. Onun coğrafi yerləşməsi ilə yanaşı, enerji resursları da əhəmiyyətini artırır. Azərbaycan Ukrayna məsələsi ilə bağlı Qərblə Rusiya arasında manevr edir. Hətta Qafqazda və Şərqi Avropada neytrallığını qoruyan yeganə dövlətdir. Ukrayna, Moldova və Gürcüstan Qərb, Belarus və Ermənistan isə Rusiyanın yanındadır. Bu baxımdan, Bakı hər iki tərəfin – Qərbin və Rusiyanın əsas hədəfidir”.
Publika.az xəbər verir ki, bu barədə ABŞ-ın
“Stratfor” beyin mərkəzinin (bu mərkəzin Birləşmiş Ştatların xüsusi
xidmət orqanı CİA-nın leqal orqanı olduğunu deyənlər də var – red.)
hazırladığı “Azərbaycan xarici siyasətini yenidən gözdən keçirir”
başlıqlı məqalədə bildirilir.
“Stratfor” yazır ki, Qərbin israrla Rusiyaya qarşı çıxmasına
baxmayaraq, Azərbaycan Moskva ilə aktiv danışıqlar aparır:
“Prezident İlham Əliyev Qələbə Günündə Moskvadakı paradda iştirak
etdi. Rusiya Prezidenti Vladimir Putin Bakıda keçiriləcək I Avropa
Oyunlarının açılış mərasimində iştirak edəcək. Bu günlərdə Putin
Azərbaycanın Rusiyadakı səfiri Polad Bülbüloğlunu Rusiya və
Azərbaycan dostluğunu və əməkdaşlığını gücləndirdiyinə görə ordenlə
təltif etdi. Azərbaycan Prezidenti Riqa sammitində gəlmədi və bunu
iş qrafikinin ağır olması ilə əlaqələndirdi. Lakin burda başqa
səbəblər də var: birincisi, Bakıya qarşı insan haqları və
demokratiya ilə bağlı ittihamlardır. Halbuki eyni tənqidlər
əvvəllər də olurdu. Görünür, Avropa Oyunları ərəfəsində Bakı
ittihamlara dözmək fikrində deyil. Azərbaycan diplomatiyasının
dəyişikliyinin digər səbəbi Dağlıq Qarabağ münaqişəsidir. Son
dövrlər cəbhə xəttində gərginlik daha da artıb. Hətta hava məkanını
pozan Ermənistan helikopteri vuruldu. Lakin Ermənistanın
təhlükəsizliyinin qarantı hesab olunan və bu ölkədə 5 min əsgər
saxlayan Rusiya susdu. Güman ki, Moskva Ukraynadakı konfliktə görə
burda əlavə enerji itirmək istəmirdi”.
Məqalədə bildirilir ki, Azərbaycanın diplomatik manevrləri Rusiyaya
doğru oriyentasiyasının dəyişməsi kimi başa düşülməməlidir.
“Azərbaycan öz balans siyasətini yürüdür və enerji təchizatçısı
kimi maraqlarını düşünür. Rusiya qazından qurtulmaq istəyən Avropa
üçün Azərbaycanın cazibədarlığı artıb. Cənub Qaz Dəhlizi layihəsi
istiqamətində iş aparılır və Türkmənistan, İran təbii qazının
Avropaya çıxarılması üçün Transxəzər boru kəməri də gündəmdədir.
Azərbaycan enerji əlaqələrinin gələcəyini müzakirə etmək üçün
aktivlik nümayiş etdirir. Belə layihələr Azərbaycan üçün təkcə
iqtisadi divident gətirməyəcək, eyni zamanda, onun diplomatik və
geosiyasi vəziyyətini möhkəmləndirəcək. Bu arada Rusiya Avropanın
enerji təminatında Xəzər qazının qarşısına keçir. Çünki Xəzərin
hüquqi statusu problem olaraq qalır, bu isə Transxəzər kəmərinə
maneədir. Görünür, Rusiya belə həssas məqamda Dağlıq Qarabağ
münaqişəsinin üzərindən hərəkət edərək, Azərbaycanı öz orbitinə
çəkmək istəyir. Yaxud, Moskva hələ də bu layihəyə təsir etmək
imkanlarını axtarır. Lakin bütün bunlar onun real olduğu demək
deyil. Çünki Azərbaycan öz balans siyasətindən imtina etmək kimi
qərar verməyib”, - deyə məqalədə vurğulanır.
Asif Nərimanlı
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin118 Aprel 22:48
Məşhur xanəndə ONLARI QINADI: "Bu saat necə gəldi geyinirlər" - FOTO