Nida.az
Pekin və Moskva “qaz müharibəsində” ABŞ-a qarşı: Azərbaycan qazı dominantlığını qoruyur
ABŞ-ın məşhur “Foreign Affairs” nəşri Rusiya və Çinin dənizlərdə birgə güc formalaşdırması haqda yazıb.
Mayın 21-də Rusiya və Çinin Aralıq dənizində keçirdiyi birgə
təlimlərinin başa çatdığını qeyd edən nəşr Moskva və Pekinin dənizə
çıxış uğrunda mübarizələrini son günlər səngimək bilməyən “qaz
müharibələri” ilə də əlaqələndirir.
“Tərəflər dəniz təlimlərini qarşılıqlı manevr imkanlarının
yaxşılaşdırılması kimi təqdim edirlər. Lakin Moskva və Pekinin
Aralıq dənizində peyda olmasının arxasında mühüm siyasi səbəblər
var. Artıq bir neçə ildir Moskva və Pekin Asiyada ikitərəfli və
çoxtərəfli təlimlər keçirir, Şanxay Əməkdaşlıq Təşkilatının üzvləri
– Qazaxıstan, Qırğızıstan, Tacikistan və Özbəkistan da onlara
qoşulur. Lakin Rusiya və Çinin dəniz təlimi ilk dəfə idi. Təlimlər
“Dənizdə qarşılıqlı təsir - 2015” adlanırdı. Rusiyanın
kontr-admiralı Viktor Koçemazovun sözlərinə görə, Rusiya-Çin hərbi
donanmalarının birgə təlimi anti-diversiya, gəmi əleyhinə və hava
hücumuna qarşı müdafiəni təşkil etmək məqsədi daşıyır. Hər iki
tərəfin açıqlamalarına görə, Aralıq dənizində təlimlər
qeyri-ənənəvi təhdid riskinə qarşıdır”, - deyə nəşr yazır.
“Foreign Affairs” bu təlimlərin arxasında bir çox səbəbləri
araşdırır və paralel olaraq, “qaz müharibələri” ilə əlaqələndirir:
“Rusiya dövlət neft şirkəti “Qazprom” Ukraynadan yan keçərək
Türkiyə və Yunanıstana çıxacaq yeni qaz kəməri tikməyə ümid edir.
2014-cü ilin dekabrında Vladimir Putin “Cənub axını”ndan imtina
etdiyini açıqladı və “Türk axını” layihəsini elan etdi. Avropa
Birliyinin lideri isə Rusiyanın Avropa qaz bazarında hökmranlığına
qarşıdır. “Türk axını” layihəsi Afina üçün cəlbedici olsa da, ABŞ
Yunanıstanı alternativ qaz layihəsini dəstəkləməyə razı salır.
Hansı ki, Azərbaycan qazı Adriatik dənizinin dibi ilə çəkilmiş boru
kəməri üzrə Türkiyə, Yunanıstan, Albaniya üzrə hərəkət edəcək.
Rusiyanın Çinlə dənizdə hərbi təlimi də məhz bu layihəyə qarşıdır.
Putin Çinlə birləşərək Qərbə böyük güc olduğunu xatırlatmaq
istəyir. Avropa üçün Çin əhəmiyyətli ölkədir. Ticarət sahəsində
Amerikadan sonra Avropa Birliyinin ikinci əsas partnyoru Çindir.
Hərbi təlimlərdən sonra Moskva və Pekin bunun üçüncü dövlətə qarşı
olmadığını bəyan edirlər. lakin Ukraynadan sonra yaşanan böhran,
“qaz müharibələri” fonunda bu olduqca diqqət çəkir”.
Asif Nərimanlı
-
Sosial11:12
Aytən Səfərovanın son vəziyyəti AÇIQLANDI
-
Cənubi Qafqaz10:55
Rusiyanın Gümrüdəki hərbi bazasına hücum oldu - DETALLAR
-
Dünya10:15
Bayden İsrailə bu İsrail şəhərinə hücumu qadağan etdi: Rusiya ələ saldı
-
Nida Xəbər 09:30
Bakıda bu ərazi sökülür - Sakinlər narazıdır
-
Avropa09:00
Putinin sabiq həyat yoldaşı Lyudmilanın hazırkı ərinin villası bu ölkədə müsadirə edildi
-
Nəqliyyat08:25
Paytaxtın bu yollarında tıxac yarandı - SİYAHI
-
Sağlamlıq07:37
Yaz aylarında infarkt riski artır - Hansı tədbirləri görmək lazımdır?
-
Ekopublika.az07:25
Azərbaycanda bəzi ərzaq məhsulları ucuzlaşdı - VİDEO