Nida.az

Komissiya üzvü əfv sərəncamından DANIŞDI

2 İyun 2015 19:08

Azərbaycan Prezidenti yanında Əfv məsələləri üzrə Komissiyanın üzvü, Milli Məclisin deputatı Məlahət İbrahimqızı 15 iyun Mili Qurtuluş Günü münasibətilə Prezidenti İlham Əliyevin məhkum edilmiş bir sıra şəxslərin əfv olunması haqqında sərəncam imzalayacağı barədə yayılan məlumatlara münasibət bildirib.

Deputat M.İbrahimqızı Publika.az-a açıqlamasında deyib ki, o, bu barədə heç bir məlumata malik deyil: “Bu məsələ ölkə Prezidentinin səlahiyyətinə aid olan məsələdir. Sadəcə olaraq onu qeyd edim ki, Əfv Komissiyasının üzvü olaraq bizə müraciətlər daxil olur. Biz də həmin müraciətləri araşdırıb, əfvlə bağlı qanunvericiliyə uyğunlaşması barədə öz fikirlərimizi və müvafiq sənədləri hazırlayırıq. Müraciətlər isə ilboyu komissiya üzvlərinə daxil olur”.

Vasif Həsənli