Nida.az
Tahir Kərimli: “Azərbaycan zirvəni fəth etdi”
“Avropa Oyunları Azərbaycanın inkişafını, tolerantlığını, qədim tarixini və zəngin mədəniyyətini nümayiş etdirdi”.
Bunu Publika.az-a açıqlamasında Vəhdət
Partiyasının sədri Tahir Kərimli deyib.
Onun sözlərinə görə, Azərbaycanın bu oyunları hansı səviyyədə
keçirəcəyi ilk gündən bəlli idi: “Açılış gününün möhtəşəmliyi bunu
deməyə əsas verirdi. Sonrakı günlər biz bunun şahidi olduq.
Nəhayət, bağlanış mərasimi də öz gözəlliyi ilə diqqət çəkdi. Bu,
uğurla başlanan işin uğurla başa çatması idi. Bütün dünya
Azərbaycanın gücünü, qüdrətini gördü. Azərbaycan bununla həm də
Avropaya öz oyunlarına sahib olma imkanı yaratdı. Çünki Asiya
Oyunları, Panamerika, Afrika Oyunları var. Avropanın da öz
oyunlarına malik olmağa ehtiyacı var idi. Azərbaycan bu
məsuliyyətli işi üzərinə götürdü və layiqincə yerinə yetirdi”.
T. Kərimli qeyd edib ki, 50 ölkədən Azərbaycana gələn nümayəndələr,
həmçinin turistlər Azərbaycandakı inkişafı öz gözləri ilə
gördülər.
“Azərbaycan oyunlarla bağlı yüksək standartlar tətbiq etdi. Cənab
Prezident özü də əvvəlcədən bu haqda danışmışdı. Bu oyunlar digər
qitələrin yarışlarından çox yüksək səviyyədə təşkil edildi.
İdmançılarımız da yarışlara ciddi hazırlaşmışdılar. Elə bunun
nəticəsidir ki, ölkəmiz ilk Avropa Oyunlarında ikinci yeri tutdu.
Faktiki olaraq, Azərbaycan Rusiyadan sonra bütün Avropa ölkələrini
qabaqladı. Bəlkə də, çoxu bu cür nəticə gözləmirdi. Azərbaycan bir
çox mövzularda dünyanı heyrətləndirdi. Yarışlar 30 ay müddətində
təşkil edildi. Ola bilsin ki, buna şübhə edən, çatdırmayacağımızı
düşünənlər də var idi. Amma gördüyünüz kimi, hər şey çox yüksək
səviyyədə təşkil olundu. Azərbaycan necə bir ölkə olduğunu yenidən
bütün dünyaya nümayiş etdirdi, özünün yüksək təşkilatçılıq
qabiliyyətini ortaya qoydu”, - deyə o vurğulayıb.
Partiya sədri Azərbaycana qarşı təşkil olunan qarayaxma
kampaniyasından da danışıb. Onun sözlərinə görə, Avropa Oyunlarının
yüksək səviyyədə təşkilini qibtə ilə qarşılayanlar da var, buna
paxıllıq edənlər də: “Müəyyən dairələr Azərbaycanın da Suriya və
İraqdan fərqlənməsini istəmirlər. Müsəlman bir dövlətin bu qədər
inkişaf etməyini qəbul edə bilmirlər, narahat olurlar. Xüsusən də
ermənipərəstlər daha çox qorxuya düşürlər. Çünki onlar ölkəmizlə
bağlı əks-təbliğat aparırlar. Bizi heç kimlə yola getməyən xalq
kimi təqdim etməyə çalışırlar. Ermənilərin “bunlarla bir yaşamaq
mümkün deyil” iddiaları boşa çıxdı. Ölkəmizin və vətəndaşlarımızın
iddia edildiyi kimi olmadığı hamının diqqətinə çatdırıldı. Bu
oyunlar təkcə Avropa ölkələrində izlənmirdi. Bunu da ölkəmizin
uğuru hesab edirəm. Hesab edirəm ki, qarşıya qoyulan məqsədlərə
çatdıq. Boykot çağırışı edənlər, bu oyunlara qarşı çıxanlar sadəcə
iflasa uğradılar”.
Asif Nərimanlı
-
Magazin222:00
Sevgilisi məşhur aktrisanı döydü: "Aylarla..."
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO