Nida Təhlil
Qaçılmaz və MƏHVEDİCİ SONLUQ, Ermənistan 20 il SONRA… - GÜNÜN SİYASİ XÜLASƏSİ
Azərbaycan Müdafiə Nazirliyi Ermənistan prezidenti Serj Sarkisyanın bəyanatına cavab verib. Azərbaycan və Ermənistan xarici işlər nazirləri hər iki ölkə prezidentinin görüşünün təşkili məqsədilə görüşəcəklər. Belarus və Rusiyada bir-birinin ardınca keçirilən aksiyalar gündəmin əsas mövzularındandır. ABŞ-ın İraq və Suriyada yaratmağı planlaşdırdığı “böyük kürd dövləti”nin xəritəsi yayılıb.
Azərbaycan Müdafiə Nazirliyi Ermənistan prezidenti Serj Sarkisyanın “İsgəndər” operativ-taktiki raketlərindən istifadə edilməsinə əmr verəcəyi barədə bəyanatına cavab verib.
Bildirilir ki, bəyanat öz cinayətkar dəstəsinin itirilmiş nüfuzunu bərpa etmək və seçkiqabağı xal toplamaqla reytinqini yüksəltmək məqsədilə daxili auditoriyaya hesablanmış primitiv bir addımdır: “Düşmən tərəf anlamalıdır ki, Azərbaycanın işğal edilmiş əraziləri, o cümlədən Ermənistanda yerləşən bütün hərbi təyinatlı və digər strateji əhəmiyyətli obyektlər ordumuzun son illər ərzində əldə etdiyi ən müasir raket və artilleriya qurğularının daim hədəfindədir.
Ermənistan tərəfindən yarana biləcək istənilən təhdid və hədələrin qarşısı dərhal və qətiyyətlə alınacaq. Görüləcək cəza tədbirləri nəticəsində Ermənistanın məruz qalacağı irimiqyaslı itkilər və dağıntılar qaçılmaz olacaq, onun üçün faciəvi və bərpası mümkün olmayan fəsadlara gətirib çıxaracaq. Odur ki, Ermənistanın rəhbərliyi belə məsuliyyətsiz bəyanatlar verməzdən əvvəl əhalisinin aqibətini düşünməlidir”.
Azərbaycan və Ermənistan xarici işlər nazirləri hər iki ölkə prezidentinin görüşünün təşkili məqsədilə görüşəcəklər.
Bu barədə ATƏT-in Minsk qrupunun amerikalı həmsədri Riçard Hoqland İrəvanda keçirdiyi mətbuat konfransında deyib.
O bildirib ki, hər iki ölkə prezidentinin görüşü üçün uyğun şəraitin yaradılması məqsədi ilə müəyyən işlər aparılır: “İki ölkənin xarici işlər nazirləri prezidentlərin görüşünün təşkili üçün yaxın gələcəkdə, yəni bir aydan daha tez müddətdə Moskvada görüşəcəklər”
“Qarabağ münaqişəsinin nizama salınması ilə bağlı
aparılan danışıqlarda bir neçə ağıllı plan var və tərəflər bu
planlar ətrafında danışıqlar aparmalı, həll yolunu
tapmalıdır”. Bu sözləri də İrəvanda keçirdiyi mətbuat
konfransında ATƏT-in Minsk qrupunun amerikalı həmsədri
Riçard Hoqland deyib.
Onun sözlərinə görə, masadakı planların son planlar olmaması
mümkündür. Amerikalı həmsədr “Lavrov planı”nın mövcudluğu ilə bağlı
sualı cavablandırarkən qeyd edib ki, həmsədrlər belə terminlərdən
istifadə etmir.
“Plan var: bu üç hissədən ibarətdir, lakin indi detallardan
danışmaq yersizdir. Tərəflər bu planın üzərində işləyir”, - deyə o
vurğulayıb.
Ermənistan prezidenti Serj Sarkisyanın martın 14-də
Moskva səfərində Gümrüdəki 102-ci rus bazasının genişləndirilməsi,
regional bazaya çevrilməsi məsələsində razılıq əldə olundu. İndiyə
qədər bu baza Ermənistanın təhlükəsizliyinin zamini rolunda çıxış
edirdi. 2010-cu ildə Rusiya və Ermənistan arasında bağlanmış
müqavilədə də bazanın məqsədi aydın şəkildə qeyd olunur. Nə baş
verdi ki, Rusiya bazanın genişləndirilməsi qərarına gəldi?
Moskvanın hədəfində nə var?
Rusiyanın Şərqşünaslıq İnstitutunun Qafqaz və Mərkəzi Asiya üzrə
işçi qrupunun rəhbəri, politoloq Aleksandr Skakov bazanın
genişləndirilməsi məsələsini şərh edib. Onun fikrincə, Gümrüdəki
rus bazası Qarabağa doğru genişlənir.
Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69
Ermənistanın birinci prezidenti, “Erməni Milli
Konqresi”nin lideri Levon Ter-Petrosyanın ölkəsinin İctimai
televiziyasına verdiyi müsahibəsinin mətni
yayımlanıb.
Petrosyanın müsahibəsində ən diqqətçəkən məqam Dağlıq Qarabağ
münaqişəsi ilə bağlı dedikləridir.
Onun sözlərinə görə, münaqişənin nizama salınmasının “paket həlli”
rədd edilir.
Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69
Ermənistanda keçiriləcək parlament seçkilərində namizədliyini irəli sürmüş məşhur erməni mikrocərrahı Artavazd Saakyan doğulduğu Tavuş rayonunun Koxb kəndində seçicilərlə görüşü zamanı ölkədəki situasiyanın acınacaqlı olduğunu deyib.
“Ürək ağrısı ilə sizə bir şeyi demək istərdim. Bu yaxınlarda olduqca istedadlı bir yəhudi mənə 20 il sonra Ermənistanın mövcud olmayacağını söylədi”, - Saakyan bildirib.
Artavazd Saakyan Ermənistanda bir çox problemin müharibə ilə əlaqələndirildiyini, lakin bunun doğru olmadığını söyləyib.
”Ona qalsa İsrail də müharibə edir. Ermənistandan da az əraziyə malikdir. Lakin orada 8,5 milyon əhali yaşayır. Büdcəsi isə 85 milyard dollardan çoxdur. Çünki dövlət kimi dövlətdir. Heç bir İsrail məmuru erməni kimi öz xalqını cəzasız şəkildə soymur”, - həkim-namizəd sözlərini yekunlaşdırıb.
Belarus prezidenti Aleksandr Lukaşenkonun ölkədə təxribat hazırlayan şəxslərin fəaliyyətinin Amerika və alman fondları tərəfindən maliyyələşdirilməsini açıqlaması (martın 24-də – red.), ardınca, martın 25-nə təyin edilmiş mitinqdə zorakılığın tətbiq edilməsi gündəmin əsas mövzularındandır.
Bəzilərinin fikrincə, Lukaşenkonun açıqlaması mitinq öncəsi əhalini qorxutmaq və etiraz aksiyasına güc tətbiqi etmək hüququnu qazanmaq gedişidir. Müxalifətdə olan Belarus Milli Konqresinin lideri Nikolay Statkeviç hökumətin dəyişdirilməsi ilə nəticələnəcək mitinqlərin baş verəcəyi haqda xəbərdarlıq edir. Qeyd edir ki, ehtiyac olduğu halda etirazçılar paytaxt Minskin küçələrini tərk etməyəcək və Kiyevdəki Maydan Belarusda da təkrarlanacaq.
Statkeviçin silahdaşı, “Avropa Belarusu” vətəndaş hərəkatının koordinatoru Dmitri Bondarenko bildirib ki, həyacanlı vəziyyətdə Lukaşenkonun postundan salınacağına əmindir.
Rəsmi Minsk isə açıq şəkildə ölkədə qanlı sıyığın hazırlanması və silahlı hücumların olacağını bəyan edir.
Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69
“İrandan aldığımız məlumata görə, üç milyon miqrant
Türkiyəyə doğru hərəkət edir”. Bu barədə Türkiyə Baş
nazirinin köməkçisi Veysi Kaynak deyib. Onun sözlərinə görə, 3
milyon miqrant Türkiyəyə qalmaq üçün gəlmirlər.
İrandan Türkiyəyə keçmək istəyən miqrantlar Azərbaycan üçün də
ciddi problemlərə səbəb ola bilər. Çünki miqrantların keçəcəyi
sərhədlər Azərbaycan sərhədlərinə yaxındır.
Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69
Türkiyənin ədliyyə naziri Bəkir Bozdağ isə açıqlayıb
ki, FETÖ terror təşkilatının lideri Fətullah Gülən ABŞ-dan
qaçır.
Onun sözlərinə görə, Gülənin qaçmağa hazırlaşdığı haqda Türkiyə
kəşfiyyatında ciddi məlumatlar var: “Biz məlumatları ABŞ Ədliyyə
Nazirliyinə təqdim etdik. Məlumatlara görə, Gülən Kanadada böyük
bir ərazi alıb və oraya köçməyə hazırlaşır”.
Bozdağ əlavə edib ki, Donald Tramp ABŞ-da hakimiyyətə gələndən
sonra, Gülən Kanadaya köçmə prosesini sürətləndirib. “Lakin hara
gedirsə getsin, Türkiyə onun həbsi üçün əlindən gələni edəcək”, -
deyə nazir vurğulayıb.
Türkiyə xarici işlər naziri Mövlud Çavuşoğlu martın 29-da Rusiyaya səfər edəcək. Çavuşoğlu Rusiyanın xarici işlər naziri Sergey Lavrovla görüşəcək. Görüşdə ölkəlar arasındakı əlaqələr və bölgədə baş verən hadisələr müzakirə olunacaq.
Çavuşoğlu Antalyada yaşayan ruslarla görüşü zamanı bildirib ki, yaxın zamanlarda Rusiya vətəndaşları Türkiyəyə şəxsiyyət vəsiqəsi ilə gələ biləcəklər.
Nazir deyib ki, Rusiya vətəndaşlarının Türkiyəyə pasport əvəzinə şəxsiyyət vəsiqəsi ilə də gələ bilməsi üçün hazırlıq işlərinə başlanılıb: “Bunun üçün hava limanlarında şəxsiyyət vəsiqələrini oxuya biləcək cihazlar qurulur”.
Suriyalı müxaliflər Aralıq dənizi sahilində yerləşən Lazkiyə kəndində Rusiyaya aid helikopteri ağır pulemyotla vurublar. Helikopter dağın ətəklərindəki Selma kəndinin yaxınlığına düşüb.
ABŞ İraq və Suriyada “böyük kürd dövləti”nin
yaradılması ilə bağlı YPG (PKK-nın Suriya qolu olan PYD-nin silahlı
qanadı - red.) ilə razılığa gəlib. Bu iddia ilə
Suriyanın “İnside Syria Media Center” xəbər portalı çıxış edib. Bu
iddia Rusiya Müdafiə Nazirliyi tərəfindən təkzib edilib.
Məlumata görə, yeni dövlətin yaradılması ilə bağlı razılaşma Rakka
və Tabkanın İŞİD-dən geri alınmasından sonra tətbiq olunacaq.
İddiaya görə, Amerika “böyük Kürdüstan dövləti”nin sərhədlərini də
müəyyən edib.
Rusiya prezidenti Vladimir Putindən sonra bu ölkəyə
hazırda Krımın prokuror vəzifəsində çalışan Natalya Poklonskaya
olacaq. Bu sensasiyalı iddia ilə Baxçasarayda
rahiblərdən biri çıxış edib.
Gələcəkdən xəbər verdiyi deyilən rahib Natalya Poklonskayanın
Rusiya tarixində üçüncü qadın hökmdar olacağını bildirib.
“Natalya Vladimiroviç imperiya ideyası əsasında rus və pravoslav
ukraynalıları birləşdirməyi bacaracaq. Bu qadın bizim ümumi
vətənimizin üçüncü əla hökmdarı olacaq və Rusiyanı ucaltmış
Yelizaveta Pyotr, II Yekaterina səviyyəsinə qədər yüksələcək”, -
deyə rahib bildirib.
Moskvanın Tver rayon məhkəməsi Korrupsiya ilə mübarizə Fondunun təsisçisi, Rusiya müxalifətçisi Aleksey Navalnı 15 günlük həbsi barədə qərar çıxarıb.
Müxalifətçi martın 26-da keçirilən aksiya zamanı polisə itaətsizlikdə ittiham olunub. Navalnı daha əvvəl isə icazə verilməmiş mitinqin təşkilinə görə 20 min rubl cərimələnib.
Xatırladaq ki, martın 26-da Aleksey Navalnının çağırışı ilə Moskva və Sankt-Peterburq daxil olmaqla Rusiyanın 97 şəhərində korrupsiyaya qarşı mitinqlər keçirilib. Etiraz aksiyasına səbəb Navalnının Fondunun daşınmaz əmlak və mülkiyyətə dair tədqiqat olub. Aksiyanın təxminən 10 min iştirakçısından 1000-ə yaxını saxlanılıb.
Moskva və Minskdə Maydanın nümunəsi üzrə inqilab mümkündürmü? Bu suala Rusiyanın müxalifət siyasətçisi Konstantin Borovoy Ukraynanın “Obozrevatel” nəşrinə müsahibəsində cavab verib.
Belarus və Rusiyada etirazların iki ardıcıl gündə baş verməsinə diqqət çəkən Borovoy hesab edir ki, bu, gələcək dəyişikliklərin ciddi simptomudur.
Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69
Moskva ukraynalıları bir-birinə düşmən edib, ölkəni daxildən parçalamaq istəyir. Bunu jurnalistlərə açıqlamasında Ukrayna Prezidenti Pyotr Poroşenko söyləyib.
“Rusiya artıq çoxdan anlayıb ki, Ukraynanı boş əllə ələ keçirmək mümkün olmayacaq. Ona görə də onlar ölkəni daxildən yox etmək üçün böyük güc sərf edirlər”, – deyə o bildirib.
Ömər Dağlı
-
Sağlamlıq07:08
Səhər oyanan kimi 5 ədəd qoz yesəniz, görün nələr olacaq...
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov