Nida Təhlil
Benzinin qiymətinin tənzimlənməsinin zərurəti və doğuracağı nəticələr - TƏHLİL
Tarif (qiymət) Şurasının iyulun 14-də keçirilən növbəti
iclasında Dövlət Neft Şirkətinin (SOCAR) müraciəti əsasında “Aİ-92”
markalı avtomobil benzininin pərakəndə satış qiymətinə baxılıb və
qiymət 70 qəpikdən 90 qəpiyə qaldırılıb. Tarif Şurasının bu qərarı
fonunda ilk növbədə dünyada “Aİ-92” markalı benzinin qiymətləri
yada düşür:
Avropa ölkələri: dünyanın inkişaf etmiş ölkələri
siyahısına daxil olan Avropa ölkələrində “Aİ-92” benzinin orta
qiyməti 2 avrodur (bu 3,80 AZN deməkdir). Misal üçün, Danimarkada
1,57, İtaliya və Yunanıstanda 1,62, İslandiyada 1,82, Norveçdə
1,79, Fransada 145, İngiltərədə 1,48, Portuqaliyada 1,57, Türkiyədə
1,44 avro və s.
MDB ölkələri: post-sovet məkanında benzinin orta
qiyməti 1 avroya yaxındır, bu, təxminən 1,80 AZN deməkdir. Nümunə
kimi, Ermənistanı (0,72 avro), Ukraynanı (0,86 avro), Rusiyanı
(0,61 avro), Qazaxıstanı (0,40 avro), Gürcüstanı (0,75 avro),
Belarusu (0,58 avro) və s. göstərmək olar.
Bu qiymətlər fonunda Azərbaycanda “Aİ-92” benzinin qiyməti (70
qəpik) kifayət qədər aşağı idi. Təbii ki, qiymətlərin aşağı
səviyyədə saxlanılması ilk növbədə dövlətin sosial siyasətinin
tərkib hissəsidir. Tarif Şurasının sonuncun qərarı ilə qiymət artsa
da, yenə də dünya ölkələri ilə müqayisədə yarıbayarı azdır.
Dövlətin iqtisadi islahatları fonunda benzinin qiymətinin
tənzimlənməsi heç də faciə kimi qarşılanmamalıdır. Çünki ilk
növbədə bu, əhalinin əksər hissəsini yox, avtomobilləri olan az bir
qismini əhatə edir. Digər tərəfdən, dünya ölkələri ilə müqayisədə
bu cüzi artımdır, bununla yanaşı, ölkədə sosial rifahın yüksək
olması bu artımın avtomobil sahiblərinə də ciddi təsir
göstərməyəcəyini deməyə əsas verir.
Burada ilkin məsələ qiymət artımının hansı zərurətdən
yaranmasıdır:
1. Dünyada baş verən iqtisadi proseslər nəticəsində milli
valyutanın dəyəri aşağı düşdü. Dövlətin apardığı iqtisadi
islahatlar nəticəsində bu proses Azərbaycanda əhalinin yaşayış
səviyyəsinə ciddi təsir göstərmədi. Lakin manatın məzənnəsinin
aşağı düşməsi benzin istehsalında xərclərin artmasına səbəb oldu
ki, bu da istehsal olunan malın satış qiymətinin artması kimi təbii
iqtisadi prosesin tərkib hissəsidir.
2. Azərbaycan azad bazar prinsiplərinin işlədiyi ölkədir. Burada
bazarın əsas qanunu olan TƏLƏB VƏ TƏKLİF xüsusi paya sahibdir.
Məlumdur ki, bazarda “Aİ-92” markalı benzinə olan tələb böyükdür.
Bu da avtomatik olaraq qiymətlərə təsir göstərir.
3. Burada benzinin keyfiyyətinin Avropa standartlarına çatdırmaq
amili də diqqətdən qaçmamalıdır. Ölkədə sürücülərin tələbi nəzərə
alınaraq, benzinin daha keyfiyyətli istehsalı əsas prinsip olaraq
götürülür. Əlavə xərclər tələb edən keyfiyyətin artırılması prosesi
qiymətlərə də öz təsirini göstərir.
4. Qiymət tənzimlənməsini zəruri edən digər amil isə “Aİ-92”
markalı benzinin ölkədən çıxarılmasının qarşısını almaqdır.
Azərbaycanda bu markalı benzinin qiyməti aşağı olduğuna görə həmin
məhsulun bəzi hallarda müxtəlif yollarla qonşu ölkələrə daşınması
müşahidə olunur. Bu da faktiki olaraq, dövlətin gəlirlərinə
zərbədir.
Qiymətin tənzimlənməsi digər sahələrə təsir
göstərəcəkmi?
İctimaiyyətdə hər-hansı qiymət artımının olduğu zaman əsas
narahatlıq onun digər sahələrə təsir göstərib-göstərməyəcəyi ilə
bağlı olur. “İlk növbədə ictimai nəqliyyatda vəziyyət necə olacaq”
və “ərzaq məhsullarının qiyməti artacaqmı” sualı ön plana
çıxır.
1. Benzinin qiymətinin tənzimlənməsinin ictimai nəqliyyata heç bir
təsiri olmayacaq. Çünki ictimai nəqliyyat sektorunda dizel
yanacağı, maye və ya sıxılmış qazdan istifadə olunur. Hava
nəqliyyatında reaktiv yanacaq istifadə olunur. Dəniz daşımalarında
isə dizel yanacağı işlədilir.
Beləliklə, bu addım nə əsas ictimai nəqliyyat olan marşrut xətləri
və metroda gediş haqlarına, nə də aviabilet və dəniz marşrutuna heç
bir təsir göstərməyəcək.
2. Ərzaq məhsullarının qiymətinin artmasını düşünmək də absurddur.
Çünki bu məhsulların istehsalında “Aİ-92”maraklı benzindən istifadə
olunmur. Təbii ki, bununla bağlı hər-hansı cəhd dövlət tərəfindən
sərt cəzalandırılacaq. İndiyə qədər belə cəhdlərin qarşısının
alınması, dövlət nəzarətinin gücləndirilməsi təcrübəsi də bunu
deməyə əsas verir.
Süni ajiotaj?
Qiymətin tənzimlənməsi üzərində yaradılan süni ajiotaj da görünür.
Hərçənd, bundan kimlərinsə öz siyasi məqsədləri üçün istifadə etmək
cəhdləri də var və əsas şüar kimi bu seçilir: “Qiymət artımı digər
sahələrdə bahalaşmaya səbəb olacaq”.
Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69
Ötən ilin noyabrında kommunal qiymətlərin tənzimlənməsi zamanı da
eyni hallar yaşandı. Lakin qısa zaman sonra ortaya çıxdı ki, dövlət
əhalinin sosial yaşayışına təsir edəcək hər-hansı qərar qəbul
etməyib, sadəcə olaraq, bəzi neqativ halların qarşısının alınması
məqsədilə belə addım atıb. Sonrakı dövrdə kommunal qiymətlərin
tənzimlənməsinin əhaliyə heç bir təsirinin olmadığını əhalinin özü
də gördü. İndi də bütün süni ajiotaja baxmayaraq, əhalinin sosial
rifahına hansısa mənfi təsirin olmayacağı yaxın günlərdə
aydınlaşacaq.
Hər şeyə olduğu kimi görmək lazımdır: benzinin
qiymətinin tənzimlənməsinin digər sahələrə heç bir təsiri
olmayacaq; bu, dövlətin iqtisadi siyasətinin bir hissəsidir; bu
artımın əhalinin böyük əksəriyyətinə heç bir aidiyyəti yoxdur;
qiymətin tənzimlənməsi yalnız fərdi avtomobili olan şəxsləri əhatə
edir.
Qiymət tənzimlənməsi hansı nəticələrə səbəb
olacaq?
a) Fərdi avtomobili olanlar daha qənaətcil olacaq. Hansı ki, bu
həmin şəxslərin ailə büdcələrinə də müsbət təsir edəcək.
b) Nəqliyyatda sıxlığın qarşısı alınacaq. Etiraf edək ki,
Azərbaycanda avtomobili olan şəxslər bu minik vasitəsini
həyatlarının ayrılmaz hissəsi halına çeviriblər. Halbuki, bunun
mənfi təsirləri ortadadır: avtomobili olan fərdlərin şəxsi
büdcəsinə ziyandır; hər yerə şəxsi avtomobili ilə getmək
nəqliyyatda tez-tez tıxacların yaranmasına səbəb olur; şəxsi
avtomobillərdən mütəmadi istifadə ekologiyanın daha sürətlə və
qarşısıalınmaz səviyyədə çirkləndirilməsinə səbəb olur.
Burada Avropa təcrübəsi də yada düşür. Qərb ölkələrində, elə ABŞ-ın
özündə də insanlar avtomobildən daha çox ailəvi səyahət zamanı
istifadə edir. İşə gedərkən, yaxud digər vaxtlarda daha çox ictimai
nəqliyyata üstünlük verirlər. Bu, onların şəxsi büdcəsinə qənaət
edir, həmçinin, ekoloji çirklənmə hallarını azaldır. Eyni
təcrübənin Azərbaycanda da ictimaiyyət olaraq qəbul olunması və
tətbiq edilməsi yaxşı olmazmı?!
c) Qiymət tənzimlənməsi ilə dövlətin əldə edəcəyi əlavə gəlir
ekoloji layihələrə, əhalinin daha yaxşı yaşamasına hesablanmış
sosial layihələrə, eləcə də investisiya layihələrinə sərf ediləcək.
Dünyadakı iqtisadi proseslər fonunda belə bir addımın atılması
zəruri olduğu qədər də məntiqli görünür.
Asif Nərimanlı
-
Sosial17:54
Əli Əsədov qərar imzaladı
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO
-
Rəsmi xronika15:28
Biz buna həm də ölkəni təqdim etmək fürsəti kimi baxırıq - Prezident
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR