Nida Təhlil
Aydın Hüseynov: "Ermənilər illərdir həsədlə baxdıqları Azərbaycan yüksəkliyinə can atırlar"
“Artıq bütün dünya ictimaiyyəti gördü ki, doğrudan da, Qarabağ klanı və Serj Sarkisyan artıq 20 ildir regionda, Cənubi Qafqazda cinayət, terror, işğalla məşğul olub, Ermənistan xalqına zülm etməkdən başqa bir iş görməyib. Ümumiyyətlə, 1989-cu ildən etibarən Sarkisyan regionda baş verən bütün qanlı proseslərdən birbaşa məsuliyyət daşıyır”.
Bu sözləri Publika.az-a politoloq Aydın Hüseynov Serj Sarkisyan və Qarabağ klanının törətdiyi cinayət səbəbilə beynəlxalq hüquq qarşısında məsuliyyətə cəlb edilməsi məsələsini şərh edərkən deyib.
Politoloq bildirib ki, Ermənistan xalqının və dövlətinin iflasa uğraması məhz bu siyasi xuntanın əsəridir:
“Ermənistanın bütün beynəlxalq layihələrdən təcrid olunması, iqtisadiyyatının iflasa uğraması, əhalinin öz ölkələrindən köç etməsi, parlament iğtişaşları, 2008-ci il 1 mart hadisələri – bunların hamısını erməni xalqı çox gözəl dərk edir və hamısında bilavasitə Serj Sarkisyanın rolunun olduğunu danmırlar. Buna görə də bu gün Sarkisyan biabırçı şəkildə istefa verir. Bu, böyük bir nifrətin təcəssümüdür. Artıq hakimiyyətin özbaşınalıqlarına dözməyən siyasətçilər də xalqın önünə çıxdı və Sarkisyanın hakimiyyətdən getməsini təmin etdi. Həmin başbilənlərin məqsədi Ermənistanın daim həsədlə baxdığı, Azərbaycanın isə böyük təcrübəsinin olduğu layihələrə Ermənistanı da qoşmaq, ən əsası Ermənistanın başında çözülməz düyünlər yaradan Dağlıq Qarabağ probleminin həllinə nail olmaqdır. O ki qaldı Qarabağ klanının bundan sonrakı taleyinə, bu xunta ermənilər üçün çoxdan məhv olub, sadəcə olaraq siyasi platformadan silinməsi üçün köklü bir etiraz lazım idi.
Ermənistan hakimiyyətinin mövqeyi Azərbaycana qarşı dəyişməz olub. Lakin onlar bu köklü dəyişikliklərdən sonra dərk edəcəklər ki, tək xilas yolu işğalçılıqdan əl çəkmək və qonşu ölkələrlə münasibətləri bərpa etməkdir. Bunu isə bizə görə yox, məcburi şəkildə özlərinə görə edəcəklər.
Heç kim inkar etmir ki, Xocalı soyqırımının törədilməsində birbaşa Serj Sarkisyanın rolu var. O, özü də bunu dəfələrlə tribunalardan etiraf edib. Madam ki, Sarkisyan adı siyasi platformadan birdəfəlik silindi, törətdiyi bütün cinayətlərə görə məsuliyyətə cəlb edilməlidir. Belə dəhşətli hadisələrin təkrarlanmaması üçün bu zəruridir. Xocalıda 600-dən çox insan həlak olub, bir şəhər məhv edilib. Bundan dəhşətli cinayət faktı varmı? Düşünürəm ki, dünya ictimaiyyəti özü bunu dərk etməlidir”.
Zümrüd
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK